บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
อนฺตชาตกํ อุสภสฺเสว เต ขนฺโธติ อิทํ สตฺถา เชตวเน วิหรนฺโต เตเยว เทฺว ชเน อารพฺภ กเถสิ ฯ ปจฺจุปฺปนฺนวตฺถุ ปุริมสทิสเมว ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต เอกสฺมึ คามุปจาเร เอรณฺฑรุกฺขเทวตา หุตฺวา นิพฺพตฺติ ฯ ตทา ตสฺมึ คาเม มตํ ชรควํ นิกฺกฑฺฒิตฺวา คามทฺวาเร เอรณฺฑวเน ฉฑฺเฑสุํ ฯ เอโก สิคาโล อาคนฺตฺวา ตสฺส มํสํ ขาทิ ฯ เอโก กาโก อาคนฺตฺวา เอรณฺเฑ นิสินฺโน ๑- ตํ ทิสฺวา ยนฺนูนาหํ เอตสฺส @เชิงอรรถ: ๑ นิลีโน ฯ อภูตคุณกถํ กเถตฺวา มํสํ ขาเทยฺยนฺติ จินฺเตตฺวา ปมํ คาถมาห อุสภสฺเสว เต ขนฺโธ สีหสฺเสว วิชมฺภิตํ มิคราช นโม ตฺยตฺถุ อปิ กิญฺจิ ลภามเสติ ฯ ตตฺถ นโม ตฺยตฺถูติ นโม เต อตฺถุ ฯ ตํ สุตฺวา สิคาโล ทุติยํ คาถมาห กุลปุตฺโต ปชานาติ กุลปุตฺตํ ปสํสิตุํ มยูรคีวสงฺกาส อิโต ปริยาท ๑- วายสาติ ฯ ตตฺถ อิโต ปริยาทาติ เอรณฺฑโต โอตริตฺวา อิโต เยนาหํ เตนาคนฺตฺวา มํสํ ขาทาติ วทติ ฯ ตนฺเตสํ กิริยํ ทิสฺวา รุกฺขเทวตา ตติยํ คาถมาห มิคานํ โกฏฺโก ๒- อนฺโต ปกฺขีนํ ปน วายโส เอรณฺโฑ สพฺพรุกฺขานํ ตโย อนฺตา สมาคตาติ ฯ ตตฺถ อนฺโตติ หีโน ลามโก ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิคาโล เทวทตฺโต อโหสิ กาโก โกกาลิโก รุกฺขเทวตา ปน อหเมวาติ ฯ อนฺตชาตกํ ปญฺจมํ --------อรรถกถาภาษาบาลีอักษรไทย เล่มที่ ๓๘ หน้า ๒๐๙-๒๑๐. http://84000.org/tipitaka/atthapali/read_th.php?B=38&A=4358&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=38&A=4358&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=27&i=484 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2525 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2487 The Pali Tipitaka in Roman Character :- http://84000.org/tipitaka/read/roman_read.php?B=27&A=2487 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]