อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

                   ๖ พาโลวาทชาตกํ ๑-
     หนฺตฺวา ฆตฺวา วธิตฺวา จาติ อิทํ สตฺถา เวสาลิยํ ๒- อุปนิสฺสาย
กูฏาคารสาลายํ วิหรนฺโต สีหเสนาปตึ อารพฺภ กเถสิ ฯ
     โส หิ ภควนฺตํ สรณํ คนฺตฺวา นิมนฺเตตฺวา สมํสกํ ภตฺตํ
อทาสิ ฯ นิคณฺา ตํ สุตฺวา กุปิตา อนตฺตมนา ตถาคตํ
วิเหเตุกามา สมโณ โคตโม ชานํ อุทฺทิสฺส กตํ มํสํ ภุญฺชตีติ
อกฺโกสึสุ ฯ ภิกฺขู ธมฺมสภายํ กถํ สมุฏฺาเปสุํ อาวุโส
นิคณฺนาฏปุตฺโต สมโณ โคตโม ชานํ อุทฺทิสฺส กตํ มํสํ ภุญฺชตีติ สทฺธึ
ปริสาย อกฺโกสนฺโต อาหิณฺฑตีติ ฯ ตํ สุตฺวา สตฺถา น ภิกฺขเว
นิคณฺโ นาฏปุตฺโต อิทาเนว มํ อุทฺทิสฺส กตํ มํสํ ขาทเนน
ครหติ, ปุพฺเพปิ ครหิ เยวาติ วตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
พฺราหฺมณกุเล นิพฺพตฺติตฺวา วยปฺปตฺโต อิสิปพฺพชฺชํ ปพฺพชิตฺวา
โลณมฺพิลเสวนตฺถาย หิมวนฺตโต พาราณสึ อาคนฺตฺวา ปุนทิวเส
นครํ ภิกฺขาย ปาวิสิ ฯ อเถโก กุฏุมฺพิโก ตาปสํ วิเหเสฺสามีติ
ฆรํ ปเวเสตฺวา ปญฺตฺเต อาสเน นิสีทาเปตฺวา มจฺฉมํเสน
ปริวิสิตฺวา ภตฺตกิจฺจาวสาเน เอกมนฺตํ นิสีทิตฺวา อิทํ มํสํ ตุมฺเห
เยว อุทฺทิสฺส ปาเณ มาเรตฺวา กตํ, อิทํ อกุสลํ มา อมฺหากเมว
ตุมฺหากมฺปิ โหตูติ วตฺวา ปมํ คาถมาห
@เชิงอรรถ: ๑ เตโลวาทชาตกนฺติปิ ฯ  ๒ เวสาลินฺติปิ ฯ
        หนฺตฺวา ฆตฺวา วธิตฺวา จ     เทติ ทานํ อสญฺโต,
        อีทิสํ ภตฺตํ ภุญฺชมาโน        ส ปาปมุปลิมฺปตีติ ฯ
     ตตฺถ หนฺตฺวาติ ปหริตฺวา ฯ ฆตฺวาติ กิลเมตฺวา ฯ วธิตฺวาติ
มาเรตฺวา ฯ เทติ ทานํ อสญฺโตติ อสญฺโต ทุสฺสีโล เอวํ
กตฺวา ทานํ เทติ ฯ อีทิสํ ภตฺตํ ภุญฺชมาโน ส ปาปมุปลิมฺปตีติ
อีทิสํ อุทฺทิสฺส กตํ ภตฺตํ ภุญฺชมาโน โส สมโณปิ ปาเปน
อุปลิมฺปติ สํยุชฺชติ เยวาติ ฯ
     ตํ สุตฺวา โพธิสตฺโต ทุติยํ คาถมาห
        ปุตฺตทารมฺปิ เจ หนฺตฺวา     เทติ ทานํ อสญฺโต,
        ภุญฺชมาโนปิ สปฺปญฺโ       น ปาปมุปลิมฺปตีติ ฯ
     ตตฺถ ภุญฺชมาโนปิ สปฺปญฺโติ ติฏฺตุ อญฺเสํ มํสํ
ปุตฺตทารํ วธิตฺวาปิ ทุสฺสีเลน ทินฺนํ สปฺปญฺโ ขนฺติเมตฺตาทิคุณสมฺปนฺโน
ตํ ภุญฺชมาโนปิ ปาเปน น อุปลิมฺปตีติ ฯ
     เอวมสฺส โพธิสตฺโต ธมฺมํ กเถตฺวา อุฏฺายาสนา ปกฺกามิ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา
กุฏุมฺพิโก นิคณฺโ นาฏปุตฺโต อโหสิ, ตาปโส ปน อหเมวาติ ฯ
                  พาโลวาทชาตกํ ฉฏมํ ฯ
                      ----------

             อรรถกถาภาษาบาลีอักษรไทย เล่มที่ ๓๗ หน้า ๓๔๙-๓๕๐.
http://84000.org/tipitaka/atthapali/read_th.php?B=37&A=6903&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=6903&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=342
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1927
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1914
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1914
             สารบัญพระไตรปิฎกเล่มที่ ๒๗
http://84000.org/tipitaka/read/?index_27