อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

                     ๘ สีหโกฏฺุกชาตกํ
     สีหงฺคุลี สีหนโขติ อิทํ สตฺถา เชตวเน วิหรนฺโต โกกาลิกํ
อารพฺภ กเถสิ ฯ
     เอกทิวสํ กิร โกกาลิโก อญฺเสุ พหุสฺสุเตสุ ธมฺมกถํ กเถนฺเตสุ
สยมฺปิ กเถตุกาโม อโหสิ ฯ สพฺพํ เหฏฺาวุตฺตนเยเนว วิตฺถาเรตพฺพํ ฯ
     ตํ ปน ปวตฺตึ สุตฺวา สตฺถา น ภิกฺขเว โกกาลิโก อิทาเนว
อตฺตโน สทฺเทน ปากโฏ ชาโต, ปุพฺเพปิ ปากโฏ อโหสิ เยวาติ
วตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต ตทา โพธิสตฺโต
หิมวนฺตปฺปเทเส สีโห หุตฺวา เอกาย สิคาลิยา สทฺธึ สํวาสมนฺวาย
ปุตฺตํ ปฏลภติ ฯ โส องฺคุลีหิ นเขหิ เกสเรน วณฺณสณฺาเนนาติ
อิเมหิ อากาเรหิ ปิตุสทิโส อโหสิ, สทฺเทน มาตุสทิโส ฯ
อเถกทิวสํ เทเว วสฺสิตฺวา วิคเต สีเหสุ นทิตฺวา สีหกีฬํ กีฬนฺเตสุ
โสปิ เตสํ อนฺตเร นทิตุกาโม หุตฺวา สิคาลิกํ นาทํ นทิ ฯ อถสฺส
สทฺทํ สุตฺวา สีหา ตุณฺหี อเหสุํ ฯ ตสฺส สทฺทํ สุตฺวา อปโร
โพธิสตฺตสฺส สชาติปุตฺโต ตาต อยํ สีโห วณฺณาทีหิ อมฺเหหิ
สมาโน, สทฺโท ปนสฺส อญฺสทิโส, ๑- โก นาเมโสติ ปุจฺฉนฺโต
ปมํ คาถมาห
         สีหงฺคุลี สีหนโข         สีหปาทปติฏฺิโต
         โส สีโห สีหสงฺฆมฺหิ     เอโก นทติ อญฺถาติ ฯ
     ตตฺถ สีหปาทปติฏฺิโตติ สีหปาเทเหว ปติฏฺิโต ฯ เอโก
นทติ อญฺถาติ เอโก ว อวเสสสีเหหิ อสทิเสน สิคาลสทฺเทน
นทนฺโต อญฺถา นทติ ฯ
     ตํ สุตฺวา โพธิสตฺโต ตาต เอส ตว ภาตา สิคาลิยา ปุตฺโต
รูเปน มยา สทิโส สทฺเทน มาตรา สทิโสติ วตฺวา สิคาลิปุตฺตํ
อามนฺเตตฺวา ตาต ตฺวํ อิโต ปฏฺาย อิธ วสนฺโต อปฺปสทฺโท
วส, สเจ ปุน นทิสฺสสิ, สิคาลภาวํ เต ชานิสฺสนฺตีติ โอวทนฺโต
ทุติยํ คาถมาห
@เชิงอรรถ: ๑ อญฺาทิโสติปิ ฯ
         มา ตฺวํ นทิ ราชปุตฺต    อปฺปสทฺโท วเน วสิ,
         สเรน โข ตํ ชาเนยฺยุํ   น หิ เต เปตฺติโก สโรติ ฯ
     ตตฺถ ราชปุตฺตาติ สีหมิครญฺโ ปุตฺโต ฯ
     อิทญฺจ ปน โอวาทํ สุตฺวา ปุน โส นทิตุํ น อุสฺสหิ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา
สิคาโล โกกาลิโก อโหสิ, สชาติปุตฺโต ราหุโล, มิคราชา ปน
อหเมวาติ ฯ
                  สีหโกฏฺุกชาตกํ อฏฺมํ ฯ
                    --------------

             อรรถกถาภาษาบาลีอักษรไทย เล่มที่ ๓๗ หน้า ๑๔๒-๑๔๔.
http://84000.org/tipitaka/atthapali/read_th.php?B=37&A=2835&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=2835&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=225
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1369
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1356
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1356
             สารบัญพระไตรปิฎกเล่มที่ ๒๗
http://84000.org/tipitaka/read/?index_27