อรรถกถาเล่มที่ ๓๗ ภาษาบาลีอักษรไทย
 ชา.อ.๓ ทุกนิปาตวณฺณนา

                   ๕ อาทิจฺจุปฏฺานชาตกํ
     สพฺเพสุ กิร ภูเตสูติ อิทํ สตฺถา เชตวเน วิหรนฺโต เอกํ
กุหกํ ภิกฺขุํ อารพฺภ กเถสิ ฯ
     วตฺถุ เหฏฺากถิตสทิสเมว ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
กาสิกรฏฺเ พฺราหฺมณกุเล นิพฺพตฺติตฺวา วยปฺปตฺโต ตกฺกสิลายํ สิปฺปานิ
อุคฺคเหตฺวา อิสิปพฺพชฺชํ ปพฺพชิตฺวา อภิญฺา จ สมาปตฺติโย จ
นิพฺพตฺเตตฺวา มหาปริวาโร คณสตฺถา หุตฺวา หิมวนฺเต วาสํ กปฺเปสิ ฯ
โส ตตฺถ จิรํ วสิตฺวา โลณมฺพิลเสวนตฺถาย ปพฺพตา โอรุยฺห ปจฺจนฺเต
เอกํ คามํ นิสฺสาย ปณฺณสาลาย วาสํ อุปคญฺฉิ ฯ อเถโก
โลลมกฺกโฏ อิสิคเณ ภิกฺขาจารํ คเต อสฺสมปทํ อาคนฺตฺวา
ปณฺณสาลาย อุตฺติณฺณานิ กโรติ ปานียฆเฏสุ อุทกํ ฉฑฺเฑติ กุณฺฑิกานิ
ภินฺทติ อคฺคิสาลายํ วจฺจํ กโรติ ฯ ตาปสา วสฺสํ วุฏฺา อิทานิ
หิมวนฺโต ปุปฺผผลสมิทฺโธ รมณีโย, ตตฺเถว คมิสฺสามาติ
ปจฺจนฺตคามวาสิเก อาปุจฺฉึสุ ฯ มนุสฺสา เสฺว ภนฺเต มยํ ภิกฺขํ คเหตฺวา
อสฺสมปทํ อาคมิสฺสาม, ตํ ปริภุญฺชิตฺวา คมิสฺสถาติ วตฺวา ทุติยทิวเส
ปหูตํ ขาทนียํ โภชนียํ คเหตฺวา ตตฺถ อคมํสุ ฯ ตํ ทิสฺวา
โลลมกฺกโฏ จินฺเตสิ โกหญฺ กตฺวา มนุสฺเส อาราเธตฺวา มยฺหมฺปิ
ขาทนียโภชนียํ อาหราเปสฺสามีติ ฯ โส ตปจรณํ จรนฺโต วิย สีลวา
วิย จ หุตฺวา ตาปสานํ อวิทูเร สุริยํ นมสฺสมาโน อฏฺาสิ ฯ
มนุสฺสา ตํ ทิสฺวา สีลวนฺตานํ สนฺติเก วสนฺตา สีลวนฺโต โหนฺตีติ
วตฺวา ปมํ คาถมาหํสุ
         สพฺเพสุ กิร ภูเตสุ    สนฺติ สีลสมาหิตา,
         ปสฺส สาขามิคํ ชมฺมํ   อาทิจฺจมุปติฏฺตีติ ฯ
     ตตฺถ สนฺติ สีลสมาหิตาติ สีเลน สมาหิตา สมนฺนาคตา สํวิชฺชนฺติ,
สีลวนฺโต จ สมาหิตา จ เอกคฺคจิตฺตา สํวิชฺชนฺตีติ อตฺโถ ฯ ชมฺมนฺติ
ลามกํ ฯ อาทิจฺจมุปติฏฺตีติ สุริยํ นมสฺสมาโน ติฏฺติ ฯ
     เอวํ เต มนุสฺเส ตสฺส คุเณ กเถนฺเต ทิสฺวา โพธิสตฺโต
ตุมฺเห อิมสฺส โลลมกฺกฏสฺส สีลาจารํ อชานิตฺวา อวตฺถุสฺมึ เยว
ปสนฺนาติ วตฺวา ทุติยํ คาถมาห
        นาสฺส สีลํ วิชานาถ    อนญฺาย ปสํสถ,
        อคฺคิหุตฺตญฺจ อูหนํ      เทฺว จ ภินฺนา กมณฺฑลูติ ฯ
     ตตฺถ อนญฺายาติ อชานิตฺวา ฯ อูหนนฺติ อิมินา
ปาปมกฺกเฏน อูหนํ ฯ กมณฺฑลูติ กุณฺฑิกา ฯ เทฺว จ กุณฺฑิกา เตน
ภินฺนาติ เอวมสฺส อคุณํ กเถสิ ฯ มนุสฺสา มกฺกฏสฺส กุหกภาวํ
ตฺวา เลฑฺฑู จ ยฏฺิโย จ คเหตฺวา โปเถตฺวา ปลาเปตฺวา
อิสิคณสฺส ภิกฺขํ อทํสุ ฯ อิสิโยปิ หิมวนฺตเมว คนฺตฺวา อปริหีนชฺฌานา
พฺรหฺมโลกปรายนา อเหสุํ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา
มกฺกโฏ อยํ กุหโก อโหสิ, อิสิคณา พุทฺธปริสา, คณสตฺถา ปน
อหเมวาติ ฯ
                 อาทิจฺจุปฏฺานชาตกํ ปญฺจมํ ฯ
                    ---------------

             อรรถกถาภาษาบาลีอักษรไทย เล่มที่ ๓๗ หน้า ๙๕-๙๗.
http://84000.org/tipitaka/atthapali/read_th.php?B=37&A=1884&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=37&A=1884&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=199
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1253
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1237
             The Pali Tipitaka in Roman Character :-
http://84000.org/tipitaka/read/roman_read.php?B=27&A=1237
             สารบัญพระไตรปิฎกเล่มที่ ๒๗
http://84000.org/tipitaka/read/?index_27