บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๔. ฌานโสธนชาตกํ เย สญฺิโนติ อิทํ สตฺถา เชตวเน วิหรนฺโต สงฺกสฺสนครทฺวาเร อตฺตนา สงฺขิตฺเตน ปุจฺฉิตปญฺหสฺส ธมฺมเสนาปตินา วิตฺถารพฺยากรณํ อารพฺภ กเถสิ ฯ ตตฺริทํ อตีตวตฺถุํ ฯ อตีเต กิร พาราณสิยํ พฺรหฺมทตฺเต รชฺชํ กาเรนฺเต โพธิสตฺโต อรญฺายตเน กาลํ กโรนฺโต อนฺเตวาสิเกหิ ปุจฺฉิโต เนวสญฺีนาสญฺีติ อาห ฯเปฯ ตาปสา เชฏฺนฺเตวาสิกสฺส กถํ น คณฺหึสุ ฯ โพธิสตฺโต อาภสฺสรโต อาคนฺตฺวา อากาเส ตฺวา อิมํ คาถมาห เย สญฺิโน เตปิ ทุคฺคตา เยปิ อสญฺิโน เตปิ ทุคฺคตา เอตํ อุภยํ วิวชฺชย ตํ สมาปตฺติสุขํ อนงฺคณนฺติ ฯ ตตฺถ เย สญฺิโนติ เปตฺวา เนวสญฺานาสญฺายตนลาภิโน อวเสเส สจิตฺตกสตฺเต ทสฺเสติ ฯ เตปิ ทุคฺคตาติ ตสฺสา สมาปตฺติยา อลาภโต เตปิ ทุคฺคตา นาม ฯ เยปิ อสญฺิโนติ อสญฺิภเว นิพฺพตฺเต อจิตฺตกสตฺเต ทสฺเสติ ฯ เตปิ ทุคฺคตาติ เตปิ อิมิสฺสาเยว สมาปตฺติยา อลาภโต ทุคฺคตาเยว นาม ฯ เอตํ อุภยํ วิวชฺชยาติ เอตํ อุภยมฺปิ สญฺิภาวญฺจ อสญฺิภาวญฺจ วิวชฺชย ปชหาติ อนฺเตวาสิกํ โอวทติ ฯ ตํ สมาปตฺติสุขํ อนงฺคณนฺติ ตํ เนวสญฺานาสญฺายตนสมาปตฺติลาภิโน สนฺตสนฺเตน สุขนฺติ สงฺขํ คตํ ฌานสุขํ อนงฺคณํ นิทฺโทสํ พลวจิตฺเตกคฺคตาสภาเวนปิ ตํ อนงฺคณํ นาม ชาตํ ฯ เอวํ โพธิสตฺโต ธมฺมํ เทเสตฺวา อนฺเตวาสิกสฺส คุณํ กเถตฺวา พฺรหฺมโลกเมว อคมาสิ ฯ ตทา เสสตาปสา เชฏฺนฺเตวาสิกสฺส สทฺทหึสุ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เชฏฺนฺเตวาสิโก สารีปุตฺโต มหาพฺรหฺมา ปน อหเมวาติ ฯ ฌานโสธนชาตกํ จตุตฺถํ ฯ -------อรรถกถาภาษาบาลีอักษรไทย เล่มที่ ๓๖ หน้า ๓๕๗-๓๕๙. http://84000.org/tipitaka/atthapali/read_th.php?B=36&A=7112&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=36&A=7112&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=27&i=134 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=889 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=881 The Pali Tipitaka in Roman Character :- http://84000.org/tipitaka/read/roman_read.php?B=27&A=881 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]