อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                     ๕ อนุสาสิกชาตกํ
     ยายญฺมนุสาสตีติ อิทํ สตฺถา เชตวเน วิหรนฺโต เอกํ
อนุสาสิกภิกฺขุนึ อารพฺภ กเถสิ ฯ
     สา กิร สาวตฺถีวาสินี เอกา กุลธีตา ปพฺพชิตฺวา อุปสมฺปนฺนกาลโต
ปฏฺาย สมณธมฺเม อนนุยุตฺตา อามิสคิทฺธา หุตฺวา ยตฺถ
อญฺา ภิกฺขุนิโย น คจฺฉนฺติ ตาทิเส นครสฺส เอกเทเส ปิณฺฑาย
จรติ ฯ อถสฺสา มนุสฺสา ปณีตปิณฺฑปาตํ เทนฺติ ฯ สา รสตณฺหาย
พชฺฌิตฺวา สเจ อิมสฺมึ ปเทเส อญฺา ภิกฺขุนิโย ปิณฺฑาย
จริสฺสนฺติ มยฺหํ ลาโภ ปริหายิสฺสติ ยถา เอตํ ปเทสํ อญฺา
นาคจฺฉนฺติ เอวํ มยา กาตุํ วฏฺฏตีติ จินฺเตตฺวา ภิกฺขุนีอุปสฺสยํ
คนฺตฺวา อยฺเย อสุกฏฺาเน จณฺโฑ หตฺถี จณฺโฑ อสฺโส
จณฺโฑ กุกฺกุโร จรติ สปริสฺสยฏฺานํ มา ตตฺถ ปิณฺฑาย
จริตฺถาติ ภิกฺขุนิโย อนุสาสติ ฯ ตสฺสา สุตฺวา เอกา ภิกฺขุนีปิ
ตํ ปเทสํ คีวํ ปริวตฺเตตฺวา น โอโลเกสิ ฯ ตสฺสา เอกสฺมึ
ทิวเส ปิณฺฑาย จรนฺติยา เวเคเนกํ เคหํ ปวิสนฺติยา จณฺโฑ
เมณฺฑโก ปหริตฺวา อูรุฏฺิกํ ภินฺทิ ฯ มนุสฺสา เวเคน อุปธาวิตฺวา
ทฺวิธา ภินฺนํ อูรุฏฺิกํ เอกโต พนฺธิตฺวา ตํ ภิกฺขุนึ มญฺเจนาทาย
ภิกฺขุนีอุปสฺสยํ นยึสุ ฯ ภิกฺขุนิโย อยํ อญฺา ภิกฺขุนิโย
อนุสาสิตฺวา สยํ ตสฺมึ ปเทเส จรนฺตี อูรุํ ภินฺทาเปตฺวา อาคตาติ
ปริหาสํ อกํสุ ฯ ตํปิ ตาย กตการณํ นจิรสฺเสว ภิกฺขุสงฺเฆ ปากฏํ
อโหสิ ฯ อเถกทิวสํ ธมฺมสภายํ ภิกฺขู อาวุโส อนุสาสิกภิกฺขุนี
อญฺา อนุสาสิตฺวา สยํ ตสฺมึ ปเทเส จรมานา จณฺเฑน เมณฺฑเกน
อูรุํ ภินฺทาเปสีติ ตสฺสา อคุณกถํ กเถสุํ ฯ สตฺถา อาคนฺตฺวา
กาย นุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมาย
นามาติ วุตฺเต น ภิกฺขเว อิทาเนว ปุพฺเพเปสา อญฺเ
อนุสาสติเยว สยมฺปน น วตฺตติ นิจฺจกาลํ ทุกฺขเมว อนุภวตีติ
วตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
อรญฺสกุณโยนิยํ นิพฺพตฺติตฺวา วยปฺปตฺโต สกุณเชฏฺโก หุตฺวา
อเนกสกุณสตปริวาโร หิมวนฺตํ ปาวิสิ ฯ ตสฺส ตตฺถ วสนกาเล
เอกา จณฺฑาลสกุณิกา มหาวตฺตนิมคฺคํ คนฺตฺวา โคจรํ คณฺหาติ ฯ
สา ตตฺถ สกเฏหิ ปติตานิ วีหิมุคฺควีชาทีนิ ลภิตฺวา ยถา อิทานิ
อิมํ ปเทสํ อญฺเ สกุณา นาคจฺฉนฺติ ตถา กริสฺสามีติ จินฺเตตฺวา
สกุณสงฺฆสฺส โอวาทํ เทติ วตฺตนิมหามคฺโค นาม สปฺปฏิภโย
หตฺถิอสฺสาทโย เจว จณฺฑโคณยุตฺตยานานิ จ สญฺจรนฺติ สหสา
อุปฺปติตุํ น สกฺกา โหติ น ตตฺถ คนฺตพฺพนฺติ ฯ สกุณสงฺโฆ
ตสฺสา อนุสาสิกาเตฺวว นามํ อกาสิ ฯ สา เอกทิวสํ
วตฺตนิมหามคฺเค จรนฺตี อติมหาเวเคน อาคจฺฉนฺตสฺส ยานสฺส สทฺทํ
สุตฺวา นิวตฺติตฺวา โอโลเกตฺวา ทูเร ตาวาติ จรติเยว ฯ อถ
นํ ยานํ วาตเวเคน สีฆเมว สมฺปาปุณิ ฯ สา อุฏฺาตุํ นาสกฺขิ ฯ
จกฺกํ ภินฺทิตฺวา คตํ ฯ สกุณเชฏฺโก สกุเณ สมาเนนฺโต ตํ
อทิสฺวา อนุสาสิกา น ทิสฺสติ อุปธาเรถ นนฺติ อาห ฯ
สกุณา อุปธาเรนฺตา ตํ มหามคฺเค เทฺวธา ภินฺนํ ทิสฺวา
สกุณเชฏฺกสฺส อาโรเจสุํ ฯ สกุณเชฏฺโก สา อญฺา สกุณิกา
นิวาเรตฺวา สยํ ตตฺถ จรมานา ทฺวิธา ภินฺนาติ วตฺวา อิมํ คาถมาห
         ยายญฺมนุสาสติ       สยํ โลลุปฺปจารินี
         สายํ วิปกฺขิกา เสติ    หตา จกฺเกน สาลิกาติ ฯ
     ตตฺถ ยายญฺมนุสาสตีติ ยกาโร ปทสนฺธิกโร ยา
อญฺมนุสาสตีติ อตฺโถ ฯ สยํ โลลุปฺจารินีติ อตฺตโน โลลุปฺปจารินี
สมานา ฯ สายํ วิปกฺขิกา เสตีติ สา เอสา วิคตปกฺขา หุตฺวา
มหามคฺเค สยติ ฯ หตา จกฺเกน สาลิกาติ ยานจกฺเกน หตา
สาลิกา สกุณิกาติ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา
อนุสาสิกา สกุณิกา อนุสาสิกา ภิกฺขุนี อโหสิ สกุณเชฏฺโก ปน
อหเมวาติ ฯ
                   อนุสาสิกชาตกํ ปญฺจมํ ฯ
                       --------

             อรรถกถาภาษาบาลีอักษรไทย เล่มที่ ๓๖ หน้า ๒๙๑-๒๙๓.
http://84000.org/tipitaka/atthapali/read_th.php?B=36&A=5806&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=5806&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=115
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=761
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=758
             The Pali Tipitaka in Roman Character :-
http://84000.org/tipitaka/read/roman_read.php?B=27&A=758
             สารบัญพระไตรปิฎกเล่มที่ ๒๗
http://84000.org/tipitaka/read/?index_27