อรรถกถาเล่มที่ ๓ ภาษาบาลีอักษรไทย
 วินย.อ. (สมนฺต.๓)

     {๕๕} ลฏฺิวเนติ ตาลุยฺยาเน ฯ สุปฺปติฏฺเ เจติเยติ อญฺตรสฺมึ
วฏฺฏรุกฺเข ฯ ตสฺส กิเรตํ นามํ ฯ ทฺวาทสนหุเตหีติ เอตฺถ เอกํ นหุตํ
ทสสหสฺสานิ ฯ อปฺเปกจฺเจติ อปิ เอกจฺเจ ฯ อชฺฌภาสีติ เตสํ
กงฺขาจฺเฉทนตฺถํ อภาสิ ฯ กิเมว ทิสฺวาติ กึเอว ทิสฺวา ฯ
อุรุเวลวาสีติ อุรุเวลายํ วาสี ฯ อคฺคิหุตฺตํ ปหาย ปพฺพชิโตสิ
โก อุปาโย ฯ กีสโกวทาโนติ ตาปสจริยาย กีสสรีรตฺตา กีสกาติ
ลทฺธนามานํ ตาปสานํ โอวาทโก อนุสาสโก สมาโนติ อตฺโถ ฯ อถวา
สยํ กีสโก ตาปโส สมาโน จ โอวทมาโน จ อญฺเ โอวทนฺโต
อนุสาสนฺโตติ อตฺโถ ฯ กถํ ปหีนนฺติ เกน การเณน ปหีนํ ฯ อิทํ
วุตฺตํ โหติ ตฺวํ อุรุเวลวาสี อคคิปริจารกานํ ตาปสานํ สยํ
โอวาทาจริโย สมาโน กึ ทิสฺวา อคฺคึ ปหาสิ ปุจฺฉามิ ตํ
เอตมตฺถํ เกน การเณน ตว อคฺคิหุตฺตํ ปหีนนฺติ ฯ ทุติยคาถายํ
อยมตฺโถ เอเต รูปาทิเก กาเม อิตฺถิโย จ ยญฺา อภิวทนฺติ ฯ
สฺวาหํ เอตํ สพฺพํปิ รูปาทิกํ กามปฺปเภทํ ขนฺธูปธีสุ มลนฺติ ตฺวา
---------------------------------------------------------------------------------------------
หน้าที่ ๒๙.
ยสฺมา อิเม ยิฏฺหุตปฺปเภทา ยญฺา มลเมว วทนฺติ ตสฺมา
น ยิฏฺเ น หุเต อรญฺชึ ยิฏฺเ วา หุเต วา นาภิรมินฺติ อตฺโถ ฯ
     ตติยคาถายํ อถ โกจรหีติ อถ กุหึจรหิ ฯ เสสํ อุตฺตานเมว ฯ
     จตุตฺถคาถายํ ปทนฺติ นิพฺพานปทํ สนฺตสภาวตาย สนฺตํ อุปธีนํ
อภาเวน อนูปธีกํ ราคกิญฺจนาทีนํ อภาเวน อกิญฺจนํ ตีสุ
ภเวสุ อลคฺคตาย ยํ กามภวํ ยญฺา วทนฺติ ตสฺมึปิ กามภเว
อสตฺตํ ชาติชรามรณานํ อภาเวน อนญฺถาภาวึ อตฺตนา
ภาวิเตน มคฺเคเนว อธิคนฺตพฺพํ น อญฺเน เกนจิ อธิคเมตพฺพนฺติ
อนญฺเนยฺยํ ยสฺมา อีทิสํ ปทํ อทฺทสํ ตสฺมา น ยิฏฺเ
น หุเต อรญฺชึ ฯ เตน กึ ทสฺเสติ ฯ โย อหํ เทวมนุสฺสโลก-
สมฺปตฺติสาธเก น ยิฏฺเ น หุเต อรญฺชึ โส กึ วกฺขามิ เอตฺถ
นาม น เม เทวมนุสฺสโลเก รโต มโนติ {๕๖} เอวํ สพฺพโลเก อนภิรติภาวํ
ปกาเสตฺวา อถโข อายสฺมา อุรุเวลกสฺสโป สาวโกหมสฺมีติ
เอวํ ภควโต สาวกภาวํ ปกาเสสิ ฯ ตญฺจ โข อากาเส วิวิธานิ
ปาฏิหาริยานิ ทสฺเสตฺวา ฯ ธมฺมจกฺขุนฺติ โสตาปตฺติมคฺคาณํ ฯ
     {๕๗} อสฺสาสกาติ อาสึสนา ปตฺถนาติ อตฺโถ ฯ
     เอสาหํ ภนฺเตติ เอตฺถ ปน กิญฺจาปิ มคฺคปฏิเวเธเนวสฺส
สิทฺธํ สรณคมนํ ตตฺถ ปน นิจฺฉยคมนเมว คโต อิทานิ วาจาย
อตฺตสนฺนิยาตนํ กโรติ มคฺควเสเนวายํ นิยตํ สรณคมนํ ปตฺโต
ตํ ปเรสํ วาจาย ปาฏกํ กโรนฺโต ปณิปาตคมนญฺจ คจฺฉนฺโต
เอวํ วทติ ฯ
---------------------------------------------------------------------------------------------
หน้าที่ ๓๐.
     {๕๘} สิงฺคินิกฺขสุวณฺโณติ สิงฺคิสุวณฺณนิกฺเขน สมานวณฺโณ ฯ
ทสวาโสติ ทสสุ อริยวาเสสุ วุตฺถวาโส ฯ ทสธมฺมวิทูติ
ทสกมฺมปถวิทู ฯ ทสภิ จุเปโตติ ทสหิ อเสเขหิ องฺเคหิ อุเปโต ฯ
สพฺพธิ ทนฺโตติ สพฺเพสุ อินฺทฺริเยสุ ทนฺตา ภควโต หิ จกฺขุอาทีนํ
กิญฺจิ อทนฺตํ นาม นตฺถิ ฯ
     {๕๙} ภควนฺตํ ภุตฺตาวึ โอนีตปตฺตปาณึ เอกมนฺตํ นิสีทีติ ภควนฺตํ
ภุตฺตวนฺตํ ปตฺตโต จ อปนีตปาณึ สลฺลกฺเขตฺวา เอกสฺมึ ปเทเส
นิสีทีติ อตฺโถ ฯ อตฺถิกานนฺติ พุทฺธาภิคมเนน จ ธมฺมสฺสวเนน จ
อตฺถิกานํ ฯ อภิกฺกมนียนฺติ อภิคนฺตุํ สกฺกุเณยฺยํ ฯ อปฺปกิณฺณนฺติ
อนากิณฺณํ ฯ อปฺปสทฺทนฺติ วจนสทฺเทน อปฺปสทฺทํ ฯ อปฺปนิคฺโฆสนฺติ
นครนิคฺโฆสสทฺเทน อปฺปนิคฺโฆสํ ฯ วิชนวาตนฺติ อนุสญฺจรณชนสฺส
สรีรวาเตน วิรหิตํ ฯ วิชนวาทนฺติปิ ปาโ ฯ อนฺโตปิ ชนวาเทน
รหิตนฺติ อตฺโถ ฯ วิชนปาตนฺติปิ ปาโ ฯ ชนสญฺจารวิรหิตนฺติ
อตฺโถ ฯ มนุสฺสราหเสยฺยกนฺติ มนุสฺสานํ รหสฺสกิริยฏฺานิยํ ฯ
ปฏิสลฺลานสารูปนฺติ วิเวกานุรูปํ ฯ

             อรรถกถาภาษาบาลีอักษรไทย เล่มที่ ๓ หน้า ๒๘-๓๐.
http://84000.org/tipitaka/atthapali/read_th.php?B=3&A=575&modeTY=1&pagebreak=1
             The Pali Atthakatha in Roman :-
http://84000.org/tipitaka/atthapali/read_rm.php?B=3&A=575&modeTY=1&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=4&i=56
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=1216
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=1308
             The Pali Tipitaka in Roman Character :-
http://84000.org/tipitaka/read/roman_read.php?B=4&A=1308
             สารบัญพระไตรปิฎกเล่มที่ ๔
http://84000.org/tipitaka/read/?index_4