อรรถกถาเล่มที่ ๓ ภาษาบาลีอักษรไทย
 วินย.อ. (สมนฺต.๓)

     {๓๔๔} ฉกเนนาติ โคมเยน ฯ ปณฺฑุมตฺติกายาติ ตมฺพมตฺติกาย ฯ
มูลรชนาทีสุ หลิทฺทํ เปตฺวา สพฺพํ มูลรชนํ วฏฺฏติ ฯ มญฺเชฏฺญฺจ
ตุงฺคหารญฺจ เปตฺวา สพฺพํ ขนฺธรชนํ วฏฺฏติ ฯ ตุงฺคหาโร นาม
เอโก กณฺฏกรุกฺโข ตสฺส หริตาลวณฺณํ ขนฺธรชนํ โหติ ฯ
โลทฺทญฺจ กณฺฑลญฺจ เปตฺวา สพฺพํ ตจรชนํ วฏฺฏติ ฯ
อลฺลิปตฺตญฺจ นิลิปตฺตญฺจ เปตฺวา สพฺพํ ปตฺตรชนํ วฏฺฏติ ฯ
คิหิปริภุตฺตํ ปน อลฺลิปตฺเตน เอกวารํ รชิตุํ วฏฺฏติ ฯ กึสุกปุปฺผญฺจ
กุสุมฺภปุปฺผญฺจ เปตฺวา สพฺพํ ปุปฺผรชนํ วฏฺฏติ ฯ ผลรชเน
ปน น กิญฺจิ น วฏฺฏติ ฯ สีตุทกาติ อปกฺกรชํ วุจฺจติ ฯ
อุตฺตราฬุวนฺติ วฏฺฏาธารกํ ฯ รชนกุมฺภิยา มชฺเฌ เปตฺวา ตํ
อาธารกํ ปริกฺขิปิตฺวา รชนํ ปกฺขิปิตุํ อนุชานามีติ อตฺโถ ฯ เอวํ
หิ กเต รชนํ น อุตฺตรติ ฯ อุทเก วา นขปิฏฺิกาย วาติ สเจ
หิ ปกฺกํ โหติ อุทกปาฏิยา ทินฺโน เถโว สหสา น วิสรติ
นขปิฏฺิยํปิ อวิสรนฺโต ติฏฺติ ฯ รชนุลุงฺกนฺติ รชนอุลุงฺกํ ฯ
ทณฺฑกถาลิกนฺติ ตเมว สทณฺฑกํ ฯ รชนโกลมฺพนฺติ รชนกุณฺฑํ ฯ
มทฺทนฺตีติ โอมทฺทนฺติ ฯ น จ อจฺฉินฺเน เถเว ปกฺกมิตุนฺติ ยาว
รชนพินฺทุ คลิตํ น ฉิชฺชติ ตาว อญฺตฺร น คนฺตพฺพํ ฯ
ปตฺถินฺนนฺติ อติรชิตตฺตา ถทฺธํ อติภริตนฺติ อตฺโถ ฯ อุทเก
โอสาเทตุนฺติ อุทเก ปกฺขิปิตฺวา เปตุํ ฯ รชเน ปน นิกฺขนฺเต
ตํ อุทกํ ฉฑฺเฑตฺวา จีวรํ มทฺทิตพฺพํ ฯ ทนฺตกสาวานีติ เอกํ วา
เทฺว วา วาเร รชิตฺวา ทนฺตวณฺณานิ ธาเรนฺติ ฯ

             อรรถกถาภาษาบาลีอักษรไทย เล่มที่ ๓ หน้า ๒๓๕-๒๓๖.
http://84000.org/tipitaka/atthapali/read_th.php?B=3&A=4846&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=3&A=4846&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=5&i=147
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=5&A=3860
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=5&A=4140
             The Pali Tipitaka in Roman Character :-
http://84000.org/tipitaka/read/roman_read.php?B=5&A=4140
             สารบัญพระไตรปิฎกเล่มที่ ๔
http://84000.org/tipitaka/read/?index_5