บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๓๙๙} จตุตฺถสิกฺขาปเท ฯ ทุฏฺุลฺลา นาม อาปตฺตีติ เอตฺถ จตฺตาริ ปาราชิกานิ อตฺถุทฺธารวเสน ทสฺสิตานิ สงฺฆาทิเสสาปตฺติ ปน อธิปฺเปตา ฯ ตํ ฉาเทนฺตสฺส ปาจิตฺติยํ ฯ ธุรํ นิกฺขิตฺตมตฺเตติ ธุเร นิกฺขิตฺตมตฺเต ฯ สเจปิ ธุรํ นิกฺขิปิตฺวา ปจฺฉา อาโรเจติ น รกฺขติ ฯ ธุรํ นิกฺขิตฺตมตฺเตเยว ปาจิตฺติยนฺติ วุตฺตํ โหติ ฯ สเจ ปน เอวํ ธุรํ นิกฺขิปิตฺวา ปฏิจฺฉาทนตฺถเมว อญฺสฺส อาโรเจติ โสปิ อญฺสฺสาติ เอเตนูปาเยน สมณสตํปิ สมณสหสฺสํปิ อาปตฺตึ อาปชฺชติเยว ยาว โกฏิ น ฉิชฺชติ ฯ กทา ปน โกฏิ ฉิชฺชตีติ ฯ มหาสุมตฺเถโร ตาว วทติ อาปตฺตึ อาปนฺโน เอกสฺส อาโรเจติ โส ปฏินิวตฺติตฺวา ตสฺเสว อาโรเจติ เอวํ โกฏิ ฉิชฺชตีติ ฯ มหาปทุมตฺเถโร ปนาห อยํ หิ วตฺถุปุคฺคโลเยว อาปตฺตึ อาปนฺโน ปน เอกสฺส ภิกฺขุโน อาโรเจติ อยํ อญฺสฺส อาโรเจติ โส ปฏินิวตฺติตฺวา เยนสฺส อาโรจิตํ ตสฺเสว อาโรเจติ เอวํ ตติเยน ปุคฺคเลน ทุติยสฺส อาโรจิเต โกฏิ ฉินฺนา โหตีติ ฯ {๔๐๐} อทุฏฺุลฺลํ อาปตฺตินฺติ อวเสเส ปญฺจาปตฺติกฺขนฺเธ ฯ อนุปสมฺปนฺนสฺส ทุฏฺุลฺลํ วา อทุฏฺุลฺลํ วา อชฺฌาจารนฺติ เอตฺถ อนุปสมฺปนฺนสฺส สุกฺกวิสฏฺิ จ กายสํสคฺโค จาติ อยํ ทุฏฺุลฺลอชฺฌาจาโร นาม ฯ เสสเมตฺถ อุตฺตานเมวาติ ฯ ธุรนิกฺเขปสมุฏฺานํ กายวาจาจิตฺตโต สมุฏฺาติ อกิริยา สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ทุฏฺุลฺลสิกฺขาปทํ จตุตฺถํ ฯอรรถกถาภาษาบาลีอักษรไทย เล่มที่ ๒ หน้า ๔๖๐-๔๖๑. http://84000.org/tipitaka/atthapali/read_th.php?B=2&A=9702&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=9702&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=2&i=644 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=12725 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=7513 The Pali Tipitaka in Roman Character :- http://84000.org/tipitaka/read/roman_read.php?B=2&A=7513 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]