บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๑๗๕} ฉฏฺสิกฺขาปเท ฯ อุทายีติ โลลุทายิ ฯ ปฏฺโติ ปฏิพโล ฯ นิปุโณ เจว สมตฺโถ จาติ วุตฺตํ โหติ ฯ อญฺตรา ภิกฺขุนีติ ตสฺเสว ปุราณทุติยิกา ฯ ปฏิภาณจิตฺตนฺติ อตฺตโน ปฏิภาเณน กตจิตฺตํ ฯ โส กิร จีวรํ รชิตฺวา ตสฺส มชฺเฌ นานาวณฺเณหิ วิปฺปกตเมถุนํ อิตฺถีปุริสรูปมกาสิ ฯ เตน วุตฺตํ มชฺเฌ ปฏิภาณจิตฺตํ วุฏฺาเปตฺวาติ ฯ ยถาสํหฏนฺติ ยถาสํหริตเมว ฯ จีวรนฺติ ยํ นิวาสิตุํ วา ปารุปิตุํ วา สกฺกา โหติ ฯ เอวํ หิ มหาปจฺจริยาทีสุ วุตฺตํ ฯ สยํ สิพฺเพตีติ เอตฺถ สิพฺพิสฺสามีติ วิจาเรนฺตสฺสาปิ ฉินฺทนฺตสฺสาปิ ทุกฺกฏํ ฯ สิพฺพนฺตสฺส ปน อาราปเถ อาราปเถติ สูจึ ปเวเสตฺวา ปเวเสตฺวา นีหรเณ ฯ สเจ ปน สกลสูจึ อนีหรนฺโต ทีฆสุตฺตํ ปเวสนตฺถํ สตกฺขตฺตุํปิ วิชฺฌิตฺวา นีหรติ เอกเมว ปาจิตฺติยํ ฯ สกึ อาณตฺโตติ สกึ จีวรํ สิพฺพาติ วุตฺโต ฯ พหุมฺปิ สิพฺพตีติ สเจปิ สพฺพํ สูจิกมฺมํ ปริโยสาเปตฺวา จีวเร นิฏฺาเปติ เอกเมว ปาจิตฺติยํ ฯ อถ ปน อิมสฺมึ จีวเร กตฺตพฺพกมฺมํ ตว ภาโรติ วุตฺโต กโรติ อาณตฺตสฺส อาราปเถ อาราปเถ เอกเมกํ ปาจิตฺติยํ ฯ อาณาปกสฺส เอกวาจาย สมฺพหุลานิปิ ฯ ปุนปฺปุนํ อาณตฺติยํ ปน วตฺตพฺพเมว นตฺถิ ฯ เยปิ สเจ อาจริยูปชฺฌาเยสุ อตฺตโน าติกานํ จีวรํ สิพฺพนฺเตสุ เตสํ นิสฺสิตกา อาจริยูปชฺฌายวตฺตํ วา กินวตฺตํ วา กโรมาติ สิพฺพนฺติ เตสมฺปิ อาราปถคณนาย อาปตฺติโย ฯ อาจริยูปชฺฌายา อตฺตโน าติกานํ อนฺเตวาสิเกหิ สิพฺพาเปนฺติ อาจริยูปชฺฌายานํ ทุกฺกฏํ อนฺเตวาสิกานํ ปาจิตฺติยํ ฯ อนฺเตวาสิกา อตฺตโน าติกานํ อาจริยูปชฺฌาเยหิ สิพฺพาเปนฺติ ตตฺราปิ เอเสว นโย อนฺเตวาสิกานํปิ อาจริยูปชฺฌายานิปิ าติกาย จีวรํ โหติ ฯ อาจริยูปชฺฌายา ปน อนฺเตวาสิเก วญฺเจตฺวา สิพฺพาเปนฺติ อุภินฺนํปิ ทุกฺกฏํ ฯ กสฺมา ฯ อนฺเตวาสิกานํ อญฺาตกสญฺาย สิพฺพิตตฺตา อิตเรสํ อกปฺปิเย นิโยชิตตฺตา ฯ ตสฺมา อิทนฺเต มาตุ จีวรํ อิทญฺจ ภคินิยาติ อาจิกฺขิตฺวา สิพฺพาเปตพฺพํ ฯ {๑๗๙} อญฺ ปริกฺขารนฺติ ยงฺกิญฺจิ อุปาหนตฺถวิกาทิ ฯ เสสํ อุตฺตานเมว ฯ ฉสฺสมุฏฺานํ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ จีวรสิพฺพนสิกฺขาปทํ ฉฏฺ ฯอรรถกถาภาษาบาลีอักษรไทย เล่มที่ ๒ หน้า ๓๗๕-๓๗๗. http://84000.org/tipitaka/atthapali/read_th.php?B=2&A=7917&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=7917&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=2&i=447 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=9804 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=5173 The Pali Tipitaka in Roman Character :- http://84000.org/tipitaka/read/roman_read.php?B=2&A=5173 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]