บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๕๐๘} เตน สมเยนาติ จีวรปฏิคฺคหณสิกฺขาปทํ ฯ ตตฺถ ปิณฺฑปาตปฏิกฺกนฺตาติ ปิณฺฑปาตโต ปฏิกฺกนฺตา ฯ เยน อนฺธวนํ เตนูปสงฺกมีติ อปฺปญฺตฺเต สิกฺขาปเท เยน อนฺธวนํ เตนูปสงฺกมิ ฯ กตกมฺมาติ กตโจรกมฺมา ฯ สนฺธิจฺเฉทนาทีหิ กมฺเมหิ ปรภณฺฑํ หริตฺวาติ วุตฺตํ โหติ ฯ โจรคามณิโกติ โจรเชฏฺโก ฯ โส กิร ปุพฺเพ เถรึ ชานาติ ตสฺมา โจรานํ ปุรโต คจฺฉนฺโต ตํ ทิสฺวา อิโต มา คจฺฉถ สพฺเพ อิโต เอถาติ เต คเหตฺวา อญฺเน มคฺเคน อคมาสิ ฯ สมาธิมฺหา วุฏฺหิตฺวาติ เถรี กิร ปริจฺฉินฺนเวลายํเยว สมาธิมฺหา วุฏฺหิตฺวา ฯ โสปิ ตสฺมึเยว ขเณ เอวํ อวจ ตสฺมา สา อสฺโสสิ ฯ ตํ สุตฺวา จ นตฺถิทานิ อญฺเ เอตฺถ สมโณ วา พฺราหฺมโณ วา อญฺตฺร มยาติ ตํ มํสํ อคฺคเหสิ ฯ เตน วุตฺตํ อถโข อุปฺปลวณฺณา ภิกฺขุนีติ อาทิ ฯ โอหียโกติ อวหียโก อวเสโส วิหารวารํ ปตฺวา เอโกว วิหาเร ิโตติ อตฺโถ ฯ สเจ เม ตฺวํ อนฺตรวาสกํ ทเทยฺยาสีติ กสฺมา อาห ฯ--------------------------------------------------------------------------------------------- หน้าที่ ๑๙๑.
สณฺหํ ฆนมฏฺ อนฺตรวาสกํ ทิสฺวา โลเภน ฯ อปิจ อปฺปโก ตสฺส อนฺตรวาสเก โลโภ เถริยา ปน สิขาปฺปตฺตา โกฏฺาสสมฺปตฺติ เตนสฺสา สรีรปาริปูรึ ปสฺสิสฺสามีติ วิสมโลภํ อุปฺปาเทตฺวา เอวมาห ฯ อนฺติมนฺติ ปญฺจนฺนํ จีวรานํ สพฺพปริยนฺตํ หุตฺวา อนฺติมํ ปจฺฉิมํ ฯ อญฺ เลเสนาปิ วิกปฺเปตฺวา วา ปจฺจุทฺธริตฺวา วา ปิตํ จีวรํ นตฺถีติ เอวํ ยถาอนุญฺาตานํ ปญฺจนฺนํ จีวรานํ ธารณวเสเนว อาห น โลเภน ฯ น หิ ขีณาสวานํ โลโภ อตฺถิ ฯ นิปฺปีฬิยมานาติ อุปมํ ทสฺเสตฺวา คาฬฺหํ ปีฬิยมานา ฯ อนฺตรวาสกํ ทตฺวา อคมาสีติ สงฺกจฺจิกํ นิวาเสตฺวา ยถา ตสฺส มโนรโถ น ปูรติ เอวํ หตฺถตเลเยว ทสฺเสตฺวา อคมาสิ ฯ {๕๑๐} กสฺมา ปาริวฏฺฏกจีวรํ อปฏิคฺคณฺหนฺเต อุชฺฌายึสุ ฯ สเจ เอตฺตโกปิ อมฺเหสุ อยฺยานํ วิสฺสาโส นตฺถิ กถํ มยํ ยาเปสฺสามาติ วิหตฺถตาย สมภิตุนฺนตฺตา ฯ อนุชานามิ ภิกฺขเว อิเมสํ ปญฺจนฺนนฺติ อิเมสํ ปญฺจนฺนํ สหธมฺมิกานํ สมสทฺธานํ สมสีลานํ สมทิฏฺีนํ ปาริวฏฺฏกํ คเหตุํ อนุชานามีติ อตฺโถ ฯ {๕๑๒} ปโยเค ทุกฺกฏนฺติ คหณตฺถาย หตฺถปฺปสารณาทีสุ ทุกฺกฏํ ฯ ปฏิลาเภนาติ ปฏิคฺคหเณน ฯ ตตฺถ จ หตฺเถน วา หตฺเถ เทตุ ปาทมูเล วา เปตุ อุปริ วา ขิปตุ สเจ สาทิยติ คหิตเมว โหติ ฯ สเจ ปน สิกฺขมานาสามเณรสามเณรีอุปาสกอุปาสิกาทีนํ หตฺเถ เปสิตํ ปฏิคฺคณฺหาติ อนาปตฺติ ฯ ธมฺมกถํ กเถนฺตสฺส จตสฺโสปิ ปริสา จีวรานิ จ นานาวิราควตฺถานิ จ อาเนตฺวา ปาทมูเล เปนฺติ อุปจาเร วา ตฺวา อุปจารํ วา มุญฺจิตฺวา ขิปนฺติ ฯ--------------------------------------------------------------------------------------------- หน้าที่ ๑๙๒.
ยํ ตตฺถ ภิกฺขุนีนํ สนฺตกํ ตํ อญฺตฺร ปาริวฏฺฏกา คณฺหนฺตสฺส อาปตฺติเยว ฯ อถ ปน รตฺติภาเค ขิตฺตานิ โหนฺติ อิทํ ภิกฺขุนิยา อิทํ อญฺเสํ สนฺตกนฺติ าตุํ น สกฺกา ปาริวฏฺฏกกิจฺจํ นตฺถีติ มหาปจฺจริยํ จ กุรุนฺทิยํ จ วุตฺตํ ฯ ตํ อจิตฺตกภาเวน น สเมติ ฯ สเจ ภิกฺขุนี วสฺสาวาสิกํ เทติ ปาริวฏฺฏกเมว กาตพฺพํ ฯ สเจ ปน สงฺการกูฏาทีสุ เปติ ปํสุกูลํ คณฺหิสฺสนฺตีติ ปํสุกูลํ อธิฏฺหิตฺวา คเหตุํ วฏฺฏติ ฯ {๕๑๓} อญฺาติกาย อญฺาติกสญฺีติ ติกปาจิตฺติยํ ฯ เอกโต อุปสมฺปนฺนายาติ ภิกฺขุนีนํ สนฺติเก อุปสมฺปนฺนาย หตฺถโต คณฺหนฺตสฺส ทุกฺกฏํ ฯ ภิกฺขูนํ สนฺติเก อุปสมฺปนฺนาย ปน ปาจิตฺติยเมว ฯ {๕๑๔} ปริตฺเตน วา วิปุลนฺติ อปฺปคฺเฆน จีวเรน วา อุปาหนตฺถวิกปตฺตตฺถวิกอํสพนฺธกกาย- พนฺธนาทินา วา มหคฺฆํ สเจปิ ติจีวรํ ปฏิคฺคณฺหาติ อนาปตฺติ ฯ มหาปจฺจริยํ ปน อนฺตมโส หรีตกีขณฺเฑนาปีติ วุตฺตํ ฯ วิปุเลน วา ปริตฺตนฺติ อิทํ วุตฺตวิปลฺลาเสน เวทิตพฺพํ ฯ อญฺ ปริกฺขารนฺติ ปตฺตตฺถวิกาทึ ยงฺกิญฺจิ ฯ วิกปฺปนูปคปจฺฉิมจีวรปฺปมาณํ ปน ปริสฺสาวนํปิ น วฏฺฏติ ฯ ยํ เนว อธิฏฺานูปคํ น วิกปฺปนูปคํ ตํ สพฺพํ วฏฺฏติ ฯ สเจปิ มญฺจปฺปมาณา ภิสิจฺฉวิ โหติ วฏฺฏติเยว ฯ โก ปน วาโท ปตฺตตฺถวิกาทีสุ ฯ เสสํ อุตฺตานตฺถเมว ฯ สมุฏฺานาทีสุ อิทํ ฉสฺสมุฏฺานํ กิริยากิริยํ โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ--------------------------------------------------------------------------------------------- หน้าที่ ๑๙๓.
ติเวทนนฺติ ฯ จีวรปฏิคฺคหณสิกฺขาปทวณฺณนา นิฏฺิตา ฯอรรถกถาภาษาบาลีอักษรไทย เล่มที่ ๒ หน้า ๑๙๐-๑๙๓. http://84000.org/tipitaka/atthapali/read_th.php?B=2&A=3991&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=3991&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=46 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=752 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=489 The Pali Tipitaka in Roman Character :- http://84000.org/tipitaka/read/roman_read.php?B=2&A=489 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]