อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                      ๘. ลิจฺฉวิกุมารกสุตฺตวณฺณนา
     [๕๘] อฏฺเม สชฺชานิ ธนูนีติ สชิยานิ ๑- อาโรปิตธนูนิ อาทาย. ๒- อทฺทสูติ
@เชิงอรรถ: ๑ ม. สชฺชิยานิ  ๒ ฉ.ม. อยํ ปาโ น ทิสฺสติ
อทฺทสํสุ. ภวิสฺสนฺติ วชฺชีติ วฑฺฒิสฺสนฺติ วชฺชิราชาโน. อปาฏุภาติ ๑-
อวฑฺฒินิสฺสิตา มานถทฺธา. ปจฺฉาลิยํ ขิปนฺตีติ ปจฺฉโต คนฺตฺวา ปิฏฺึ ปาเทน
ปหรนฺติ. รฏฺิกสฺสาติอาทีสุ รฏฺ ภุญฺชตีติ รฏฺิโก. ปิตรา ทตฺตํ สาปเตยฺยํ
ภุญฺชตีติ เปตฺตนิโก. เสนาย ปติ เชฏฺโกติ เสนาปติโก. คามคามณิกสฺสาติ คามานํ
คามณิกสฺส, คามสามิกสฺสาติ อตฺโถ. ปูคคามณิกสฺสาติ คณเชฏฺกสฺส. กุเลสูติ
เตสุ เตสุ กุเลสุ. ปจฺเจกาธิปจฺจํ กาเรนฺตีติ ปจฺเจกํ เชฏฺกฏฺานํ กาเรนฺติ.
กลฺยาเณน  มนสา อนุกมฺปนฺตีติ สุนฺทเรน จิตฺเตน อนุคฺคณฺหนฺติ. เขตฺตกมฺมนฺต-
สามนฺตสโพฺยหาเรติ ๒- เย จ อตฺตโน เขตฺตกมฺมนฺตานํ สามนฺตา อนนฺตเร
เขตฺตสามิโน, เต จ รชฺชทณฺเฑหิ ภูมิปฺปมาเณ คาหเก สโพฺยหาเร ๓- จ. พลิปฏิคฺคาหิกา
เทวตาติ กุลปฺปเวณิยา อาคตา อารกฺขเทวตา. ตา ๔- สกฺกโรตีติ ตา เทวตา
อคฺคยาคุภตฺตาทีหิ สกฺกโรติ.
     กิจฺจกโรติ อุปฺปนฺนานํ กิจฺจานํ การโก. เย จสฺส อุปชีวิโนติ ๕- เย จ
เอตํ อุปนิสฺสาย ชีวนฺติ. อุภินฺนํเยว ๖- อตฺถายาติ อุภินฺนํปิ หิตตฺถาย ปฏิปนฺโน
โหตีติ อตฺโถ. ปุพฺพเปตานนฺติ ปรโลกคตานํ. ทิฏฺธมฺเม จ ชีวิตนฺติ ๗- เย จ
ทิฏฺเ ธมฺเม ชีวนฺติ. อิติ ปททฺวเยนาปิ อตีตปจฺจุปฺปนฺเน าตโย ทสฺเสติ.
ปีติสญฺชนโนติ ๘- ตุฏฺิชนโน. ฆรมาวสนฺติ ฆราวาสํ วสนฺโต. ปุชฺโช โหติ
ปสํสิโยติ ปูเชตพฺโพ จ ปสํสิตพฺโพ จ โหตีติ.

             อรรถกถาภาษาบาลีอักษรไทย เล่มที่ ๑๖ หน้า ๓๑-๓๒.
http://84000.org/tipitaka/atthapali/read_th.php?B=16&A=711&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=711&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=22&i=58
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=1742
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=1807
             The Pali Tipitaka in Roman Character :-
http://84000.org/tipitaka/read/roman_read.php?B=22&A=1807
             สารบัญพระไตรปิฎกเล่มที่ ๒๒
http://84000.org/tipitaka/read/?index_22