อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                       ๑๐. อนุตฺตริยสุตฺตวณฺณนา
     [๓๐] ทสเม อุจฺจาวจนฺติ ยงฺกิญฺจิ มหนฺตขุทฺทกํ, อุจฺจนีจํ วา. หีนนฺติ
นิหีนํ. คมฺมนฺติ คามวาสิกานํ ทสฺสนํ. โปถุชฺชนิกนฺติ ปุถุชฺชนานํ สนฺตกํ.
อนริยนฺติ น อริยํ น อุตฺตมํ น ปริสุทฺธํ. อนตฺถสญฺหิตนฺติ น อตฺถสนฺนิสฺสิตํ.
น นิพฺพิทายาติ น วฏฺเฏ นิพฺพินฺทนตฺถาย. น วิราคายาติ น ราคาทีนํ
วิรชฺชนตฺถาย. น นิโรธายาติ น ราคาทีนํ อปฺปวตฺตินิโรธาย. น อุปสมายาติ
น ราคาทีนํ วูปสมตฺถาย. น อภิญฺายาติ น อภิชานนตฺถาย. น สมฺโพธายาติ
น สมฺโพธิสงขาตสฺส จตุมคฺคาณสฺส ปฏิวิชฺฌนตฺถาย. น นิพฺพานายาติ น
นิพฺพานสฺส สจฺฉิกิริยาย.
     นิวิฏฺสทฺโธติ ปติฏฺิตสทฺโธ. นิวิฏฺเปโมติ ปติฏฺิตเปโม. เอกนฺตคโตติ ๑-
เอกนฺตํ คโต, อจลปตฺโตติ ๒- อตฺโถ. อภิปฺปสนฺโนติ อติวิย ปสนฺโน.
เอตทานุตฺตริยนฺติ เอตํ อนุตฺตรํ. หตฺถิสฺมิมฺปิ สิกฺขตีติ หตฺถินิมิตฺตํ
สิกฺขิตพฺพํ หตฺถิสิปฺปํ สิกฺขติ. เสสปเทสุปิ เอเสว นโย. อุจฺจาวจนฺติ
มหนฺตขุทฺทกํ สิปฺปํ สิกฺขติ.
     อุปฏฺิตา ปาริจริเยติ ปาริจริยาย ปจฺจุปฏฺิตา. ภาวยนฺติ อนุสฺสตินฺติ
อนุตฺตรํ อนุสฺสตึ ภาเวนฺติ. วิเวกปฏิสญฺุตฺตนฺติ นิพฺพานนิสฺสิตํ กตฺวา.
เขมนฺติ นิรุปทฺทวํ. อมตคามินนฺติ นิพฺพานคามินํ, อริยมคฺคํ ภาเวนฺตีติ อตฺโถ.
อปฺปมาเท ปมุทิตาติ สติยา อวิปฺปวาสสงฺขาเต อปฺปมาเท อาโมทิตา ปโมทิตา.
นิปกาติ เนปกฺเกน สมนฺนาคตา. สีลสํวุตาติ สีเลน สํวุตา ปิหิตา. เต เว
กาเลน ปจฺจนฺตีติ ๓- เต เว ยุตฺตปฺปยุตฺตกาเลน ชานนฺติ. ยตฺถ ทุกฺขํ นิรุชฺฌตีติ
@เชิงอรรถ: ๑ สี. เอกนฺติคโตติ  ๒ ก. อจลสทฺโธติ  ๓ ม. ปจฺเจนฺติ
ยสฺมึ าเน สกลํ วฏฺฏทุกฺขํ นิรุชฺฌติ, ตํ อมตมหานิพฺพานํ เต ภิกฺขู
ชานนฺตีติ. อิมสฺมึ สุตฺเต ฉ อนุตฺตริยานิ มิสฺสกานิ กถิตานีติ.
                        อนุตฺตริยวคฺโค ตติโย.
                        ----------------

             อรรถกถาภาษาบาลีอักษรไทย เล่มที่ ๑๖ หน้า ๑๑๔-๑๑๕.
http://84000.org/tipitaka/atthapali/read_th.php?B=16&A=2558&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=2558&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=22&i=301
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=7660
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=7649
             The Pali Tipitaka in Roman Character :-
http://84000.org/tipitaka/read/roman_read.php?B=22&A=7649
             สารบัญพระไตรปิฎกเล่มที่ ๒๒
http://84000.org/tipitaka/read/?index_22