ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๖ ภาษาบาลีอักษรไทย องฺ.อ. (มโนรถ.๓)

                          ๓. สีลสุตฺตวณฺณนา
     [๒๑๓] ตติเย ทุสฺสีโลติ อสีโล นิสฺสีโล. สีลวิปนฺโนติ วิปนฺนสีโล
@เชิงอรรถ:  ม. ฉินฺนปริพนฺโธติ โลกุตฺตรปริพนฺธสฺส, ฉ. ฉินฺนปริปนฺโถติ
@โลกุตฺตรปริปนฺถสฺส   ฉ.ม. กิจฺฉชีวิกายาวหนโต
ภินฺนสํวโร. ปมาทาธิกรณนฺติ ปมาทการณา. อิทญฺจ สุตฺตํ คหฏฺฐานํ วเสน อาคตํ,
ปพฺพชิตานํปิ ปน ลพฺภเตว. คหฏฺโฐ หิ เยน เยน สิปฺปฏฺฐาเนน ชีวิกํ
กปฺเปติ, ยทิ กสิยา ยทิ วณิชฺชาย ปาณาติปาตาทิวเสน ปมตฺโต ตํ ตํ
ยถากาลํ สมฺปาเทตุํ น สกฺโกติ, อถสฺส มูลํ นสฺสติ. มาฆาตกาเลปิ ปาณาติปาตํ
อทินฺนาทานาทีนิ จ กโรนฺโต ทณฺฑวเสน มหตึ โภคชานึ นิคจฺฉติ. ปพฺพชิโต
ทุสฺสีโล ปมาทการณา สีลโต พุทฺธวจนโต ฌานโต สตฺตอริยธนโต จ ชานึ
นิคจฺฉติ. คหฏฺฐสฺส "อสุโก อสุกกุเล ชาโต ทุสฺสีโล ปาปธมฺโม ปริจฺจตฺต-
อิธโลกปรโลโก ภตฺตมตฺตํปิ ๑- น เทตี"ติ จตุปริสมชฺเฌ ปาปโก กิตฺติสทฺโท
อพฺภุคฺคจฺฉติ. ปพฺพชิตสฺส "อสุโก นาสกฺขิ สีลํ รกฺขิตุํ พุทฺธวจนํ คเหตุํ,
เวชฺชกมฺมาทีหิ ชีวติ, ฉหิ อคารเวหิ สมนฺนาคโต"ติ เอวํ อพฺภุคฺคจฺฉติ.
     อวิสารโทติ คหฏฺโฐ ตาว "อวสฺสํ พหุนฺนํ สนฺนิปาตฏฺฐาเน โกจิ มม
กมฺมํ ชานิสฺสติ, อถ มํ นิคฺคณฺหิสฺสนฺติ วา. ราชกุลสฺส วา ทสฺสนฺตี"ติ สภโย
อุปสงฺกมติ, มงฺกุภูโต จ ปติตกฺขนฺโธ อโธมุโข องฺคุฏฺฐเกน ภูมึ กสนฺโต นิสีทติ,
วิสารโท หุตฺวา กเถตุํ น สกฺโกติ. ปพฺพชิโตปิ "พหู ภิกฺขู สนฺนิปติตา, อวสฺสํ
โกจิ มม กมฺมํ ชานิสฺสติ, อถ เม อุโปสถํปิ ปวารณํปิ ฐเปตฺวา สามญฺญา จาเวตฺวา
นิกฺกฑฺฒิสฺสนฺตี"ติ    สภโย อุปสงฺกมติ, วิสารโท หุตฺวา กเถตุํ น สกฺโกติ.
เอกจฺโจ ปน ทุสฺสีโลปิ ทฬิโต วิจรติ, ๒- โสปิ อชฺฌาสเยน มงฺกุ โหติเยว.
     สมฺมูโฬฺห กาลํ กโรตีติ ตสฺส หิ มรณมญฺเจ นิปนฺนสฺส ทุสฺสีลกมฺมํ
สมาทาย วตฺติฏฺฐานํ อาปาถํ อาคจฺฉติ. โส อุมฺมิเลตฺวา อิธโลกํ ปสฺสติ,
นิมฺมิเลตฺวา ปรโลกํ. ตสฺส จตฺตาโร อปายา อุปฏฺฐหนฺติ, สตฺติสเตน สีเส
ปหริยมาโน วิย โหติ. โส "วาเรถ วาเรถา"ติ วิรวนฺโต มรติ. เตน วุตฺตํ
"สมฺมูโฬฺห กาลํ กโรตี"ติ. ปญฺจมํ ปทํ ปน อุตฺตานเมว. อานิสํสกถา
วุตฺตวิปริยาเยน เวทิตพฺพา.
@เชิงอรรถ:  ฉ.ม. สลากภตฺตมตฺตมฺปิ   ฉ.ม. ทิปฺปิโต วิย จรติ


             อรรถกถาภาษาบาลีอักษรไทย เล่มที่ ๑๖ หน้า ๘๗-๘๘. http://84000.org/tipitaka/atthapali/read_th.php?B=16&A=1958&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=16&A=1958&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=22&i=213              เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5901              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5928              The Pali Tipitaka in Roman Character :- http://84000.org/tipitaka/read/roman_read.php?B=22&A=5928              สารบัญพระไตรปิฎกเล่มที่ ๒๒ http://84000.org/tipitaka/read/?index_22

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]