ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๕ ภาษาบาลีอักษรไทย องฺ.อ. (มโนรถ.๒)

                       ๑๐. สงฺคารวสุตฺตวณฺณนา
     [๖๑] ทสเม สงฺคารโวติ เอวํนามโก ราชคหนคเร ชิณฺณปฏิสงฺขรณการโก
อายุตฺตกพฺราหฺมโณ. อุปสงฺกมีติ ภุตฺตปาตราโส หุตฺวา มหาชนปริวุโต อุปสงฺกมิ,
มยมสฺสูติ เอตฺถ อสฺสูติ นิปาตมตฺตํ, มยํ โภ โคตม พฺราหฺมณา นามาติ
@เชิงอรรถ:  ฉ.ม.,อิ. อยํ ปาโฐ น ทิสฺสติ                  ฉ.ม.,อิ. โวสิโต
@ ก. ยสฺสาปิ                              ฉ.ม.,อิ. ทาตพฺพยุตฺตํ
อิทเมว อตฺถปทํ. ยญฺญํ ยชามาติ พาหิรสมเย สพฺพจตุกฺเกน สพฺพฏฺฐเกน
สพฺพโสฬสเกน สพฺพทฺวตฺตึสาย สพฺพจตุสฏฺฐิยา สพฺพสเตน สพฺพปญฺจสเตนาติ จ เอวํ
ปาณฆาตปฏิสํยุตฺโต ยญฺโญ นาม โหติ. ตํ สนฺธาเยวมาห. อเนกสารีริกนฺติ
อเนกสรีรสมฺภวํ. ยทิทนฺติ ยา เอสา. ยญฺญาธิกรณนฺติ ยญฺญการณา จ ยชนการณา
จาติ ๑- อตฺโถ. เอกสฺมึ หิ พหุนฺนํ ททนฺเตปิ ทาเปนฺเตปิ พหูสุปิ พหุนฺนํ
ททนฺเตสุปิ ทาเปนฺเตสุปิ ปุญฺญปฏิปทา อเนกสารีริกา นาม โหติ. ตํ สนฺธาเยตํ
วุตฺตํ. ตุยฺหญฺจ ตุยฺหญฺจ ยชามีติ วทนฺตสฺสาปิ ตฺวญฺจ ตฺวญฺจ ยชาหีติ
อาณาเปนฺตสฺสาปิ จ อเนกสารีริกาเยว โหติ.  ตมฺปิ สนฺธาเยตํ วุตฺตํ. ยสฺส วา ตสฺส
วาติ ยสฺมา วา ตสฺมา วา. เอกมตฺตานํ ทเมตีติ อตฺตโน อินฺทฺริยทมนวเสน
เอกํ อตฺตานํ ๒- ทเมติ. เอกมตฺตานํ สเมตีติ อตฺตโน ราคาทิอุปสมวเสน ๓-
เอกํ อตฺตานเมว สเมติ. ปรินิพฺพาเปตีติ ราคาทิปรินิพฺพาเนเนว ปรินิพฺพาเปติ.
เอวมสฺสายนฺติ เอวํ สนฺเตปิ อยํ.
     เอวมิทํ พฺราหฺมณสฺส กถํ สุตฺวา สตฺถา  จินฺเตสิ "อยํ พฺราหฺมโณ
ปสุฆาตกสํยุตฺตมหายญฺญํ อเนกสารีริกํ  ปุญฺญปฏิปทํ วเทติ, ปพฺพชฺชามูลกํ ปน
ปุญฺญุปฺปตฺติปกิปทํ ๔- เอกสารีริกนฺติ วเทติ, เนวายํ เอกสารีริกํ ชานาติ, น
อเนกสารีริกํ, หนฺทสฺส เอกสารีริกญฺจ อเนกสารีริกญฺจ ปฏิปทํ เทเสสฺสามี"ติ
อุปริ เทสนํ วฑฺเฒนฺโต เตนหิ พฺราหฺมณาติอาทิมาห. ตตฺถ ยถา เต ขเมยฺยาติ ยถา
ตุยฺหํ รุจฺเจยฺย. อิธ ตถาคโต โลเก อุปฺปชฺชตีติอาทิ วิสุทฺธิมคฺเค ๕- วิตฺถาริต-
เมว. เอตฺถายํ ๖- มคฺโคติ เอตฺถ ๗- ตุเมฺห, อหํ อนุสาสามิ, อยํ มคฺโค. อยํ
ปฏิปทาติ ตสฺเสว เววจนํ. ยถา ปฏิปนฺโนติ เยน มคฺเคน ปฏิปนฺโน. อนุตฺตรํ
พฺรหฺมจริโยคธนฺติ อรหตฺตมคฺคสงฺขาตสฺส พฺรหฺมจริยสฺส อนุตฺตรํ โอคธํ
อุตฺตมปติฏฺฐาภูตํ นิพฺพานํ. อิจฺจายนฺติ อิติ อยํ.
@เชิงอรรถ:  ฉ.,อิ. ยชนการณา เจว ยาชนการณา จาติ        ฉ.ม.,อิ. อตฺตานเมว
@ ฉ.,อิ. ราคาทิสมนวเสน                      ม. ปุญฺญสมฺปตฺติปฏิปทํ
@ วิสุทฺธิ. ๑/๒๕๓          ฉ.ม.,อิ. เอถายํ     ฉ.ม.,อิ. เอถ
     อปฺปฏฺฐตราติ ๑- ยตฺถ พหูหิ เวยฺยาวจฺจกรเณหิ อุปกรเณหิ วา อตฺโถ นตฺถิ.
อปฺปสมารมฺภตราติ ยตฺถ พหุนฺนํ กมฺมจฺเฉทวเสน ปีฬาสงฺขาโต สมารมฺโภ นตฺถิ.
เสยฺยถาปิ ภวํ โคตโม ภวญฺจานนฺโท, เอเต เม ปุชฺชาติ ยถา ภวํ โคตโม
ภวญฺจ อานนฺโท, เอวรูปา มม ปูชิตา, ตุเมฺหเยว เทฺว ชนา มยฺหํ ปุชฺชา
จ ปาสํสา จาติ อิมมตฺถํ สนฺธาเยว ตํ วทติ. ตสฺส กิร เอวํ อโหสิ "อานนฺทตฺเถโร
มํเยว อิมํ ปญฺหํ กถาเปตุกาโม, อตฺตโน โข ปน วณฺเณ วุตฺเต อตุสฺสนโก ๒-
นาม นตฺถี"ติ. ตสฺมา ปญฺหํ กเถตุกาโม ๓- วณฺณภณเนน วิกฺเขปํ กโรนฺโต เอวมาห.
     น โข ตฺยาหนฺติ น โข เต อหํ. เถโรปิ กิร จินฺเตสิ "อยํ พฺราหฺมโณ
ปญฺหํ กเถตุกาโม ปริวตฺตติ, อิมํ ปญฺหํ เอตํเยว กถาเปสฺสามี"ติ. ตสฺมา นํ
เอวมาห.
     สหธมฺมิกนฺติ สการณํ. สํสาเทตีติ สํสีทาเปติ. โน วิสฺสชฺเชตีติ น กเถติ.
ยนฺนูนาหํ ปริโมเจยฺยนฺติ ยนฺนูน อหํ อุโภเปเต วิเหสโต ปริโมเจยฺยํ. พฺราหฺมโณ
หิ อานนฺเทน ปุจฺฉิตํ ปญฺหํ อกเถนฺโต วิเหสติ, ๔- อานนฺโทปิ พฺราหฺมณํ อกเถนฺตํ
กถาเปนฺโต. อิติ อุโภเปเต วิเหสโต โมเจสฺสามีติ จินฺเตตฺวา เอวมาห. กานุชฺชาติ
กา นุ อชฺช. อนฺตรากถา อุทปาทีติ อญฺญิสฺสา กถาย อนฺตรนฺตเร กตรา
กถา อุปฺปชฺชีติ ปุจฺฉติ. ตทา กิร ราชนฺเตปุเร ๕- ตีณิ ปาฏิหาริยานิ อารพฺภ
กถา อุทปาทีติ, ๖- ตํ ปุจฺฉามีติ สุตฺวา ๗- เอวมาห. อถ พฺราหฺมโณ "อิทานิ วตฺตุํ
สกฺขิสฺสามี"ติ ราชนฺเตปุเร อุปฺปนฺนํ กถํ อาโรเปนฺโต อยํ ขฺวชฺช โภ โคตมาติ-
อาทิมาห. ตตฺถ อยํ ขฺวชฺชาติ อยํ โข อชฺช. ปุพฺเพ สุทนฺติ เอตฺถ สุทนฺติ
นิปาตมตฺตํ. อุตฺตริมนุสฺสธมฺมาติ ทสกุสลกมฺมปถสงฺขาตา มนุสฺสธมฺมา อุตฺตริ.
อิทฺธิปาฏิหาริยํ ทสฺเสสุนฺติ ภิกฺขาจารํ คจฺฉนฺตา อากาเสเนว คมึสุ เจว อาคมึสุ
จาติ เอวํ ปุพฺเพ ปวตฺตํ อากาสคมนํ สนฺธาเยวมาห. เอตรหิ ปน พหุตรา
@เชิงอรรถ:  ม. อปฺปตฺถตราติ        ฉ.ม.,อิ. ปทุสฺสนโก     ฉ.ม.,อิ. อกเถตุกาโม.
@เอวมุปริปิ    ฉ.ม.,อิ. วิเหเสติ     ม. อนฺเตปุเร     ฉ.ม.,อิ. อุทปาทิ
@ ฉ.ม.,อิ. สตฺถา
จ ภิกฺขูติ อิทํ โส พฺราหฺมโณ "ปุพฺเพ ภิกฺขู `จตฺตาโร ปจฺจเย อุปฺปาเทสฺสามี'ติ
มญฺเญ เอวมกํสุ, อิทานิ ปจฺจยานํ อุปฺปนฺนภาวํ ญตฺวา โมเหน ๑- เจว ปมาเทน
จ วีตินาเมนฺตี"ติ ลทฺธิยา เอวมาห.
     ปาฏิหาริยานีติ ปจฺจนีกปฏิหรณวเสน ปาฏิหาริยานิ. อิทฺธิปาฏิหาริยนฺติ
อิชฺฌนวเสน อิทฺธิ, ปฏิหรณวเสน ปาฏิหาริยํ, อิทฺธิเยว ปาฏิหาริยํ
อิทฺธิปาฏิหาริยํ. อิตเรสุปิ เอเสว นโย. อเนกวิหิตํ อิทฺธิวิธนฺติอาทีนํ อตฺโถ
เจว ภาวนานโย จ วิสุทฺธิมคฺเค ๒- วิตฺถาริโตว.
     นิมิตฺเตน อาทิสตีติ อาคตนิมิตฺเตน วา คตนิมิตฺเตน วา ฐิตนิมิตฺเตน วา
"อิทํ นาม ภวิสฺสตี"ติ กเถติ. ตตฺริทํ วตฺถุ:- เอโก กิร ราชา ติสฺโส มุตฺตา
คเหตฺวา ปุโรหิตํ ปุจฺฉิ "กึ เม อาจริย หตฺเถ"ติ. โส อิโต จิโต จ โอโลเกสิ,
เตน จ สมเยน เอกา สรพู "มกฺขิกํ คเหสฺสามี"ติ ปกฺขนฺตา, ๓- คหณกาเล มกฺขิกา
ปลาตา. โส มกฺขิกาย มุตฺตตฺตา "มุตฺตา มหาราชา"ติ อาห. มุตฺตา ตาว โหนฺตุ,
กติ มุตฺตาติ. โส ปุน นิมิตฺตํ โอโลเกสิ. อวิทูเร ๔- กุกฺกุโฏ ติกฺขตฺตุํ สทฺทํ
นิจฺฉาเรสิ. พฺราหฺมโณ "ติสฺโส มหาราชา"ติ อาห. เอวํ เอกจฺโจ อาคตนิมิตฺเตน
กเถติ. เอเตนุปาเยน คตฏฺฐิตนิมิตฺเตหิปิ กถนํ เวทิตพฺพํ. เอวมฺปิ เต มโนติ เอวํ
ตว มโน โสมนสฺสิโต วา โทมนสฺสิโต วา กามวิตกฺกาทิสํยุตฺโต วาติ. ทุติยํ
ตสฺเสว เววจนํ. อิติปิ เต จิตฺตนฺติ อิติปิ ตว จิตฺตํ, อิมญฺจ อิมญฺจ อตฺถํ
จินฺตยมานํ ปวตฺตนฺติ ๕- อตฺโถ. พหุญฺเจปิ อาทิสตีติ พหุญฺเจปิ กเถติ. ตเถว ตํ
โหตีติ ยถา กถิตํ, ตเถว โหติ.
     อมนุสฺสานนฺติ ยกฺขปิสาจาทีนํ. เทวตานนฺติ จาตุมฺมหาราชิกาทีนํ. สทฺทํ
สุตฺวาติ อญฺญสฺส จิตฺตํ ญตฺวา กเถนฺตานํ สุตฺวา. วิตกฺกวิปฺผารสทฺทนฺติ ๖-
@เชิงอรรถ:  ฉ.ม.,อิ. โสปฺเปน     วิสุทฺธิ. ๒/๒๐๐ อิทฺธิวิธนิทฺเทส     ม. ปกฺขนฺทา
@ ฉ.ม.,อิ. อถาวิทูเร    ฉ.ม.,อิ. ปวตฺตตีติ
@ ก. วิตกฺกวิจารสทฺทนฺติ. เอวมุปริปิ
วิตกฺกวิปฺผารวเสน อุปฺปนฺนํ ๑- วิปฺปลปนฺตานํ สุตฺตปฺปมตฺตาทีนํ สทฺทํ.
สุตฺวาติ ตํ สุตฺวา. ยํ วิตกฺกยโต ตสฺส โส สทฺโท อุปฺปนฺโน, ตสฺส วเสน อุปฺปนฺนํ
"เอวมฺปิ เต มโน"ติ อาทิสติ.
     ตตฺริมานิ วตฺถูนิ:- เอโก กิร มนุสฺโส "อฏฺฏํ กริสฺสามี"ติ คามโต นครํ
คจฺฉนฺโต นิกฺขนฺตฏฺฐานโต ปฏฺฐาย "วินิจฺฉยสภายํ รญฺโญ จ ราชมหามตฺตานญฺจ
อิทํ กเถสฺสามิ อิทํ กเถสฺสามี"ติ วิตกฺเกนฺโต ราชกุลํ คโต วิย รญฺโญ ปุรโต
ฐิโต วิย อฏฺฏการเกน สทฺธึ กเถนฺโต วิย จ อโหสิ, ตสฺส ตํ วิตกฺกวิปฺผารวเสน
นิจฺฉรนฺตํ สทฺทํ สุตฺวา เอโก ปุริโส "เกนตฺเถน อาคจฺฉสี"ติ อาห. อฏฺฏกมฺเมนาติ.
คจฺฉ, ชโย เต ภวิสฺสตีติ. โส คนฺตฺวา อฏฺฏํ กตฺวา ชยเมว ปาปุณิ.
     อปโรปิ เถโร โปลิยวาสี คาเม ๒- ปิณฺฑาย วิจริ. อถ นํ นิกฺขนฺตํ เอกา
ทาริกา อญฺญาวิหิตา  น อทฺทส. โส คามทฺวาเร ฐตฺวา นิวตฺติตฺวา โอโลเกตฺวา
ตํ ทิสฺวา วิตกฺกยนฺโต อคมาสิ. คจฺฉนฺโตเยว จ "กึ นุ โข กุรุมานา ทาริกา
น อทฺทสา"ติ วจีเภทํ อกาสิ. ปสฺเส ฐิโต เอโก ปุริโส สุตฺวา "ตุเมฺห ภนฺเต
โปลิยคาเม จริตฺถา"ติ อาห.
     มโนสงฺขารา ปณิหิตาติ จิตฺตสงฺขารา สุฏฺฐปิตา. วิตกฺเกสฺสตีติ วิตกฺกยิสฺสติ
ปวตฺตยิสฺสตีติ ปชานาติ. ปชานนฺโต จ อาคมเนเนว ปชานาติ, ปุพฺพภาเคน
ชานาติ, อนฺโตสมาปตฺติยํ จิตฺตํ อปโลเกตฺวา ชานาติ. อาคมเนน ชานาติ นาม
กสิณปริกมฺมกาเลเยว "เยนากาเรเนว ๓- กสิณภาวนํ อารทฺโธ ปฐมชฺฌานํ วา
ฯเปฯ จตุตฺถชฺฌานํ วา อฏฺฐ วา สมาปตฺติโย นิพฺพตฺเตสฺสตี"ติ ชานาติ. ปุพฺพภาเคน
ชานาติ นาม สมถวิปสฺสนาย ๔- อารทฺธาเยว ชานาติ, "เยนากาเรน เอส วิปสฺสนํ
อารทฺโธ โสตาปตฺติมคฺคํ วา นิพฺพตฺเตสฺสติ ฯเปฯ อรหตฺตมคฺคํ วา
@เชิงอรรถ:  ฉ.ม.,อิ. อยํ ปาโฐ น ทิสฺสติ                 ฉ.ม.,อิ. โมลิยคาเม
@ ฉ.ม.,อิ. เยนากาเรเนส              ฉ.ม.,อิ. ปฐมวิปสฺสนาย
นิพฺพตฺเตสฺสตี"ติ ชานาติ. อนฺโตสมาปตฺติยํ จิตฺตํ โอโลเกตฺวา ชานาติ นาม
"เยนากาเรน อิมสฺส มโนสงฺขารา สุฏฺฐปิตา, อิมสฺส นาม จิตฺตสฺส อนนฺตรา
อิมํ นาม วิตกฺกํ วิตกฺเกสฺสติ, อิโต วุฏฺฐิตสฺส เอตสฺส หานภาคิโย วา สมาธิ
ภวิสฺสติ ฐิติภาคิโย วา วิเสสภาคิโย วา นิพฺเพธภาคิโย วา, อภิญฺญาสจฺฉิกิริยา ๑-
วา นิพฺพตฺเตสฺสตี"ติ ชานาติ. ตตฺถ ปุถุชฺชโน เจโตปริยญาณลาภี ปุถุชฺชนานํเยว
จิตฺตํ ชานาติ, น อริยานํ. อริเยสุปิ เหฏฺฐิโม อุปริมสฺส จิตฺตํ น ชานาติ,
อุปริโม ปน เหฏฺฐิมสฺส ชานาติ. เอเตสุ จ โสตาปนฺโน โสตาปตฺติผลสมาปตฺตึ
สมาปชฺชติ. ฯเปฯ อรหา อรหตฺตผลสมาปตฺตึ สมาปชฺชติ. อุปริโม เหฏฺฐิมํ น สมาปชฺชติ.
เตสญฺหิ เหฏฺฐิมา เหฏฺฐิมา สมาปตฺติ ตตฺรวตฺติเยว โหติ. ตเถว ตํ โหตีติ เอตํ
เอกํเสน ตเถว โหติ. เจโตปริยญาณวเสน ญาตญฺหิ อญฺญถาภาวํ นาม นตฺถิ.
     เอวํ วิตกฺเกถาติ เอวํ เนกฺขมฺมวิตกฺกาทโย ปวตฺเตนฺตา วิตกฺเกถ. มา
เอวํ วิตกฺกยิตฺถาติ เอวํ กามวิตกฺกาทโย ปวตฺเตนฺตา มา วิตกฺกยิตฺถ. เอวํ
มนสิกโรถาติ เอวํ อนิจฺจสญฺญเมว, ทุกฺขสญฺญาทีสุ วา อญฺญตรํ มนสิกโรถ. มา
เอวนฺติ นิจฺจนฺติอาทินา นเยน มา มนสา กริตฺถ. อิทนฺติ อิทํ ปญฺจกามคุณราคํ
ปชหถ. อิทํ ปน อุปสมฺปชฺชาติ อิทํ จตุมคฺคผลปฺปเภทํ โลกุตฺตรธมฺมเมว อุปสมฺปชฺช
ปาปุณิตฺวา นิปฺผาเทตฺวา วิหรถ.
     มายาสหธมฺมรูปํ วิย ขายตีติ มายาสมานการณชาติกํ วิย หุตฺวา อุปฏฺฐาติ.
มายากาโรปิ หิ อุทกํ คเหตฺวา เตลํ กโรติ, เตลํ คเหตฺวา อุทกนฺติ เอวํ อเนกรูปํ
มายํ ทสฺเสติ. อิทมฺปิ ปาฏิหาริยํ ตถารูปเมวาติ. อิทมฺปิเม โภ โคตม ปาฏิหาริยํ
มายาสหธมฺมรูปํ วิย ขายตีติ จินฺตามณิกวิชฺชาสริกฺขตํ สนฺธาย เอวมาห.
จินฺตามณิกวิชฺชํ ชานนฺตาปิ หิ อาคจฺฉนฺตเมว ทิสฺวา "อยํ อิทํ นาม วิตกฺเกนฺโต
อาคจฺฉตี"ติ ชานนฺติ. ตถา "อิทํ นาม วิตกฺเกนฺโต ฐิโต, อิทํ นาม วิตกฺเกนฺโต
นิสินฺโน, อิทํ นาม วิตกฺเกนฺโต นิปนฺโน"ติ ชานนฺติ.
@เชิงอรรถ:  ฉ.ม.,อิ. อภิญฺญาโย
     อภิกฺกนฺตตรนฺติ สุนฺทรตรํ. ปณีตตรนฺติ อุตฺตมตรํ.  ภวญฺหิ โคตโม อวิตกฺกํ
อวิจารนฺติ อิธ พฺราหฺมโณ อวเสสํ ๑- อาเทสนาปาฏิหาริยํ พาหิรกนฺติ น คณฺหิ.
อิทญฺจ ปน สพฺพมฺปิ โส พฺราหฺมโณ ตถาคตสฺส วณฺณํ กเถนฺโตเยว อาห.
อทฺธา โข ตฺยายนฺติ ๒- เอกํเสเนว ตยา อยํ. ๓- อาสชฺช อุปนีย วาจา ภาสิตาติ
มม คุเณ ฆฏฺเฏตฺวา มเมว คุณานํ สนฺติกํ อุปนีตา วาจา ภาสิตา. อปิจ
ตฺยาหํ พฺยากริสฺสามีติ อปิจ เต อหเมว กเถสฺสามีติ. เสสํ อุตฺตานตฺถเมวาติ.
                        พฺราหฺมณวคฺโค ปฐโม.
                        -----------------


             อรรถกถาภาษาบาลีอักษรไทย เล่มที่ ๑๕ หน้า ๑๖๗-๑๗๓. http://84000.org/tipitaka/atthapali/read_th.php?B=15&A=3830&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=15&A=3830&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=500              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=4426              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=4471              The Pali Tipitaka in Roman Character :- http://84000.org/tipitaka/read/roman_read.php?B=20&A=4471              สารบัญพระไตรปิฎกเล่มที่ ๒๐ http://84000.org/tipitaka/read/?index_20

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]