ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๒. นนฺทติสุตฺตวณฺณนา
       [๑๒] ทุติเย นนฺทตีติ ตุสฺสติ อตฺตมโน โหติ. ปุตฺติมาติ พหุปุตฺตา. ๒-
ตสฺส หิ เอกจฺเจ ปุตฺตา กสิกมฺมํ กตฺวา ธญฺญสฺส โกฏฺเฐ ปูเรนฺติ,
เอกจฺเจ วาณิชฺชํ กตฺวา หิรญฺญสุวณฺณํ อาหรนฺติ, เอกจฺเจ ราชานํ อุปฏฺฐหิตฺวา
ยานวาหนคามนิคมาทีนิ ลภนฺติ. อถ เตสํ อานุภาวสมฺภูตํ ๓- สิรึ อนุภวมานา
มาตา วา ปิตา วา นนฺทติ. ฉณทิวสาทีสุ วา มณฺฑิตปสาทิเต ๔- ปุตฺเต สมฺปตฺตึ
อนุภวมาเน ๕- ทิสฺวา นนฺทติ อิติ สนฺธาย นนฺทติ ปุตฺติมาติ ๕- อาห. โคหิ
ตเถวาติ ยถา ปุตฺติมา ปุตฺเตหิ, ตถา โคมิโกปิ ๖- สมฺปุณฺณํ ๗- โคมณฺฑลํ ทิสฺวา
@เชิงอรรถ:  ก. ตทนนฺตรํ ฐานํ, สี. ตทนนฺตรฏฺฐานํ    ฉ.ม., อิ. พหุปุตฺโต
@ ฉ.ม. อานุภาวสงฺขาตํ    ฉ.ม....ปสาธิเต
@๕-๕ ฉ.ม. ทิสฺวา นนฺทตีติ "นนฺทติ ปุตฺเตหิ ปุตฺติมา"ติ, อิทิสฺวา นนฺทตีติ ตํ
@สนฺธาย นนฺทติปุตฺเตหิ ปุตฺติมาติ.   ฉ.ม., อิ. โคสามิโกปิ   ฉ.ม. สมฺปนฺนํ

--------------------------------------------------------------------------------------------- หน้าที่ ๓๑.

คาโว นิสฺสาย ปญฺจโครสสมฺปตฺตึ อนุภวมาโน โคหิ นนฺทติ. อุปธี หิ นรสฺส นนฺทนาติ เอตฺถ อุปธีติ จตฺตาโร อุปธี กามูปธิ ขนฺธูปธิ กิเลสูปธิ อภิสงฺขารูปธีติ. กามาปิ หิ "ยํ ปญฺจ กามคุเณ ปฏิจฺจ อุปฺปชฺชติ สุขํ โสมนสฺสํ, อยํ กามานํ อสฺสาโท"ติ ๑- เอวํ วุตฺตสฺส สุขสฺส อธิฏฺฐานภาวโต "อุปธิยติ เอตฺถ สุขนฺ"ติ อิมินา วจนฏฺเฐน อุปธีติ วุจฺจติ. ขนฺธาปิ ขนฺธมูลกสฺส ทุกฺขสฺส อธิฏฺฐานภาวโต, กิเลสาปิ อปายทุกฺขสฺส อธิฏฺฐานภาวโต, อภิสงฺขาราปิ ภวทุกฺขสฺสอธิฏฺฐานภาวโตติ. อิธ ปน กามูปธิ อธิปฺเปโต. ปญฺจ หิ กามคุณา เตภูมิกาทิปาสาทอุฬารสยนวตฺถาลงฺการนาฏกปริวาราทิวเสน ๒- ปจฺจุปฏฺฐิตา ปีติโสมนสฺสํ อุปสํหรมานา นรํ นนฺทยนฺติ. ตสฺมา ยถา ปุตฺตา จ คาโว จ, เอวํ อิเมปิ อุปธี หิ นรสฺส นนฺทนาติ เวทิตพฺพา. น หิ โส นนฺทติ โย นิรูปธีติ โย นิรูปธิ ๓- กามคุณสมฺปตฺติรหิโต ทลิทฺโท ทุลฺลภฆาสจฺฉาทโน, น หิ โส นนฺทติ. เอวรูโป มนุสฺสเปโต จ มนุสฺสเนรยิโก จ กึ นนฺทิสฺสติ ภควาติ อาห. อิทํ สุตฺวา สตฺถา จินฺเตสิ:- "อยํ เทวตา โสกวตฺถุเมว นนฺทนาวตฺถุํ ๔- กโรติ, โสกวตฺถุภาวมสฺสา ทีปิสฺสามี"ติ ผเลน ผลํ ปาเตนฺโต วิย ตาเยว อุปมาย ตสฺสา วาทํ ภินฺทนฺโต ตเมว คาถํ ปริวตฺเตตฺวา โสจตีติ อาห. ตตฺถ โสจติ ปุตฺเตหีติ วิเทสคมนาทิวเสน ปุตฺเตสุ นฏฺเฐสุปิ นสฺสนฺเตสุปิ อิทานิ นสฺสิสฺสนฺตีต นาสสงฺกีปิ โสจติ, ตถา มเตสุปิ มรนฺเตสุปิ โจราทิราชปุริเสหิ ๕- คหิเตสุ วา ปจฺจตฺถิกานํ หตฺถํ อุปคเตสุ วา มรณสงฺกีปิ หุตฺวา โสจติ, รุกฺขปพฺพตาทีหิ ปติตฺวา หตฺถปาทาทีนํ เภทวเสน ภินฺเนสุปิ ภิชฺชนฺเตสุปิ เภทสงฺกีปิ หุตฺวา โสจติ. ยถา จ ปุตฺเตหิ ปุตฺติมา, โคมิโกปิ ๖- ตเถว นวหากาเรหิ โคหิ โสจติ. อุปธี หิ นรสฺส โสจนาติ ยถา จ ปุตฺตคาโว, ๗- เอวํ ปญฺจ กามคุณูปธีปิ ๘- :- "ตสฺส เจ กามยมานสฺส ๙- ฉนฺทชาตสฺส ชนฺตุโน เต กามา ปริหายนฺติ สลฺลวิทฺโธว รุปฺปตี"ติ ๑๐- @เชิงอรรถ: ม.มู. ๑๒/๑๖๖/๑๒๙ มหาทุกฺขกฺขนฺธสุตฺต อิ., สี....อุฬารสยนเสยฺย... @ ฉ.ม. อยํ ปาโฐ น ทิสฺสติ ฉ.ม. นนฺทวตฺถุํ, อิ. นนฺทนวตฺถุํ @ ฉ.ม. โจเรหิ ราชปุริเสหิ ฉ.ม., อิ. โคสามิโกปิ @ ม. ปุตฺตโคหิ, อิ.ปุตฺตาคาโว ฉ.ม. กามคุโณปธีปิ, สี..ม. ปญฺจกามคุโณปธีหิ @ ฉ.ม., กามยานสฺส, อิ. กามยามนสฺส ๑๐ ขุ. สุตฺต. ๒๕/๗๗๔/๔๘๖ กามสุตฺต

--------------------------------------------------------------------------------------------- หน้าที่ ๓๒.

วุตฺตนเยน นรํ โสเจนฺติ. ตสฺมา นรสฺส โสจนา โสกวตฺถุกเมวาติ เวทิตพฺพา. น หิ โส โสจติ, โย นิรูปธีติ ยสฺส ปน จตุพฺพิธาเปเต อุปธิโย นตฺถิ, โส นิรูปธีติ ๑- มหาขีณาสโว กึ โสจิสฺสติ, น โสจติ เทวเตติ. นนฺทติสุตฺตวณฺณนา นิฏฺฐิตา. -------------------

             อรรถกถาภาษาบาลีอักษรไทย เล่มที่ ๑๑ หน้า ๓๐-๓๒. http://84000.org/tipitaka/atthapali/read_th.php?B=11&A=786&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=786&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=15&i=26              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=159              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=143              The Pali Tipitaka in Roman Character :- http://84000.org/tipitaka/read/roman_read.php?B=15&A=143              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]