ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                       ๘. ปโรสหสฺสสุตฺตวณฺณนา
      [๒๑๖] อฏฺฐเม ปโรสหสฺสนฺติ อติเรกสหสฺสํ. อกุโตภยนฺติ นิพฺพาเน
กุโตจิ ภยํ นตฺถิ, นิพฺพานปฺปตฺตสฺส หิ ๔- กุโตจิ ภยํ นตฺถีติ นิพฺพานํ อกุโตภยํ
นาม. อิสีนํ อิสิสตฺตโมติ วิปสฺสิโต ปฏฺฐาย อิสีนํ สตฺตมโก อิสิ.
      กึ นุ เต วงฺคีสาติ อิทํ ภควา อตฺถุปฺปตฺติวเสน อาห. สํฆมชฺเฌ กิร
กถา อุทปาทิ "วงฺคีสตฺเถโร วิสฺสฏฺฐวตฺโต, เนว อุทฺเทเส, น ปริปุจฺฉาย, น
โยนิโสมนสิกาเร กมฺมํ กโรติ, คาถา พนฺธนฺโต ปุน ปทานิ ๕- กโรนฺโต
วิจรตี"ติ. อถ ภควา จินฺเตสิ "อิเม ภิกฺขู วงฺคีสสฺส ปฏิภาณสมฺปตฺตึ น
@เชิงอรรถ:  ม. สทิสตฺเตน, อิ. สทิสตฺเถน              ฉ.ม. อปฺโปสฺสุกฺโก ตฺวํ เทว
@ อิ. วาเหตีติ สํสารกนฺตารํ, ฉ.ม. วาเหติ สํสารกนฺตารํ
@ ฉ.ม. นิพพานปฺปตฺตสฺส วา, อิ. นิพฺพานํ ปตฺตสฺส วา
@ ฉ.ม. จุณฺณิยปทานิ, อิ. จุณณปทานิ
ชานนฺติ, จินฺเตตฺวา ๑- วทตีติ มญฺญนฺติ, ปฏิภาณสมฺปตฺติมสฺส ชานาเปสฺสามี"ติ
จินฺเตตฺวา "กึ นุ เต วงฺคีสา"ติอาทิมาห.
      อุมฺมคฺคปถนฺติ อเนกานิ กิเลสุมฺมุชฺชนสตานิ, ๒- ปวตฺติมคฺคตาย ๓- ปน
ปถนฺติ วุตฺตํ. ปภิชฺช ขิลานีติ ราคขิลาทีนิ ปญฺจ ภินฺทิตฺวา วิจรสิ. ตํ
ปสฺสถาติ ตํ เอวํ อภิภุยฺย ภินฺทิตฺวา วิจรนฺตํ พุทฺธํ ปสฺสถ. พนฺธปมุญฺจกรนฺติ
พนฺธนโมจนกรํ. อสิตนฺติ อนิสฺสิตํ. ภาคโส ปวิภชฺชนฺติ สติปฏฺฐานาทิโกฏฺฐาสวเสน
ธมฺมํ วิภชนฺตํ. ปวิภชาติ วา ปาโฐ, องฺคปจฺจงฺคโกฏฺฐาสวเสน วิภชิตฺวา ๔-
ปสฺสถาติ อตฺโถ.
      โอฆสฺสาติ จตุโรฆสฺส. อเนกวิหิตนฺติ สติปฏฺฐานาทิวเสน อเนกวิธํ.
ตสฺมึ เจ ๕- อมเต อกฺขาเตติ ตสฺมึ เตน อกฺขาเต อมเต. ธมฺมทฺทสาติ ธมฺมสฺส
ปสฺสิตาโร. ๖- ฐิตา อสํหีราติ อสํหาริยา หุตฺวา ปติฏฺฐิตา.
      อติวิชฺฌาติ อติวิชฺฌิตฺวา. สพฺพฏฺฐิตีนนฺติ สพฺเพสํ ทิฏฺฐิฏฺฐานานํ
วิญฺญาณฏฺฐิตีนํ วา. อติกฺกมมทฺทสาติ อติกฺกมภูตํ นิพฺพานมทฺทส. ๗- อคฺคนฺติ
อุตฺตมธมฺมํ. อคฺเคติ วา ปาโฐ, ปฐมตรนฺติ อตฺโถ. ทสทฺธานนฺติ ปญฺจนฺนํ
อคฺคธมฺมํ ปญฺจวคฺคิยานํ, อคฺเค วา ปญฺจวคฺคิยานํ ธมฺมํ เทเสตีติ ๘- อตฺโถ.
ตสฺมาติ ยสฺมา เอส ธมฺโม สุเทสิโตติ ชานนฺเตน จ ปมาโท น กาตพฺโพ,
ตสฺมา. อนุสิกฺเขติ ติสฺโส สิกฺขา สิกฺเขยฺย. อฏฺฐมํ.


             อรรถกถาภาษาบาลีอักษรไทย เล่มที่ ๑๑ หน้า ๒๖๔-๒๖๕. http://84000.org/tipitaka/atthapali/read_th.php?B=11&A=6849&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=6849&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=747              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6224              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5527              The Pali Tipitaka in Roman Character :- http://84000.org/tipitaka/read/roman_read.php?B=15&A=5527              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]