บาลีอรรถกถาเล่มที่ ๑๑

๓. อนฺธกวินฺทสุตฺตวณฺณนา [๑๘๔] ตติเย อนฺธกวินฺทนฺติ เอวํนามกํ คามํ. อุปสงฺกมีติ "สตฺถา อิทานิปิ วิริยํ กโรติ ปธานมนุยุญฺชติ, คจฺฉามิสฺส สนฺติเก ตฺวา สาสนานุจฺฉวิกํ วิริยปฏิสํยุตฺตํ คาถํ วกฺขามี"ติ อุปสงฺกมิ. ปนฺตานีติ ชนตํ อติกฺกมิตฺวา มนุสฺสานํ อนูปจาเร ิตานิ. สญฺโชนวิปฺปโมกฺขาติ ตานิ จ เสนาสนานิ เสวมาโน น จีวราทีนํ อตฺถาย เสเวยฺย, อถโข ทสสญฺโชนวิปฺปโมกฺขตฺถาย จเรยฺย. สํเฆ วเสติ เตสุ เสนาสเนสุ รตึ อลภนฺโต อุปฏฺากาทีนํ จิตฺตานุรกฺขนตฺถํ คทฺรภปิฏฺเ รชํ วิย อุปฺปตนฺโต อรญฺเ อวสิตฺวา ^๑- สํฆมชฺเฌ วเสยฺย. รกฺขิตฺตโต สติมาติ ตตฺถ จ วสนฺโต สควจณฺโฑ โคโณ วิย สพฺรหฺมจาริโน อวิชฺฌนฺโต อฆเฏนฺโต รกฺขิตตฺโต สติปฏฺานปรายโน หุตฺวา วเสยฺย. อิทานิ สํเฆ วสมานสฺส ภิกฺขุโน ภิกฺขาจารวตฺตํ อาจิกฺขนฺโต กุลากุลนฺติอาทิมาห. ตตฺถ ปิณฺฑิกาย จรนฺโตติ ปิณฺฑตฺถาย จรมาโน. เสเวถ ปนฺตานิ สยนาสนานีติ สํฆมชฺฌํ โอตริตฺวา วสมาโนปิ ธุรปริเวเณ ตาลนาฬิเกรอาทีนิ โรเปตฺวา อุปฏฺากาทิสํสฏฺโ น วเสยฺย, จิตฺตกลฺลตํ ปน ชเนตฺวา จิตฺตํ หาเสตฺวา โตเสตฺวา ปุน ปนฺตเสนาสเนว วเสยฺยาติ อรญฺสฺเสว วณฺณํ กเถติ. ภยาติ วฏฺฏภยโต. อภเยติ นิพฺพาเน. วิมุตฺโตติ อธิมุตฺโต หุตฺวา วเสยฺย. ยตฺถ เภรวาติ ยสฺมึ าเน ภยชนกา สวิญฺาณกา สีหพฺยคฺฆาทโย, อวิญฺาณกา รตฺติภาเค ขาณุวลฺลิอาทโย พหู อตฺถิ. สิรึสปาติ ^๒- ทีฆชาติกาทิสิรึสปา. นิสีทิ ตตฺถ ภิกฺขูติ ตาทิเส าเน ภิกฺขุ นิสินฺโน. อิมินา อิทํ ทีเปติ ภควา:- ยถา ตุเมฺห เอตรหิ ตตฺรฏฺกเภรวารมฺมณานิ เจว สิรึสเป จ วิชฺชุนิจฺฉารนาทีนิ จ อมนสิกตฺวา นิสินฺนา, เอวเมว ปธานมนุยุตฺตา ภิกฺขู นิสีทนฺตีติ. @เชิงอรรถ: ^๑ ฉ.ม. อจริตฺวา ^๒ ฉ.ม. สรีสปาติ, เอวมุปริปิ

--------------------------------------------------------------------------------------------- หน้าที่ ๒๑๐.

ชาตุ เม ทิฏฺนฺติ เอกํเสน มยา ทิฏฺ. นยิทํ อิติหีติหนฺติ อิทํ อิติห อิติหาติ น ตกฺกเหตุ วา นยเหตุ วา ปิฏกสมฺปทาเนน วา อหํ วทามิ. เอกสฺมึ พฺรหฺมจริยสฺมินฺติ เอกาย ธมฺมเทสนาย. ธมฺมเทสนา หิ อิธ พฺรหฺมจริยนฺติ อธิปฺเปตา. มจฺจุหายินนฺติ มรณปริจฺจาคีนํ ขีณาสวานํ. ทสา จ ทสธา ทสาติ เอตฺถ ทสาติ ทเสว, ทสธา ทสาติ สตํ, อญฺเ จ ทสุตฺตรเสกฺขสตํ ปสฺสามีติ วทติ. โสตํ สมาปนฺนาติ มคฺคโสตํ สมาปนฺนา. อติรจฺฉานคามิโนติ เทสนาสีสเมตํ, ^๑- อวินิปาตธมฺมาติ อตฺโถ. สงฺขาตุํ โนปิ สกฺโกมีติ มุสาวาทภเยน เอตฺตกา นาม ปุญฺภาคิโน สตฺตาติ คเณตุํ น สกฺโกมีติ พหุพฺรหฺมเทสนํ สนฺธาย เอวมาห. ตติยํ.

อรรถกถาภาษาบาลีอักษรไทย เล่มที่ ๑๑ หน้า ๒๐๙-๒๑๐. http://84000.org/tipitaka/atthapali/read_th.php?B=11&A=5426&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=11&A=5426&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=611 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4976 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4408 The Pali Tipitaka in Roman Character :- http://84000.org/tipitaka/read/roman_read.php?B=15&A=4408 สารบัญพระไตรปิฎกเล่มที่ ๑๕ http://84000.org/tipitaka/read/?index_15