ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                      ๙. *- ตุทุพฺรหฺมสุตฺตวณฺณนา
      [๑๘๐] นวเม อาพาธิโกติ "สาสปมตฺตีหิ ปีฬกาหี"ติอาทินา นเยน
อนนฺตรสุตฺเต อาคเตน อาพาเธน อาพาธิโก. พาฬฺหคิลาโนติ อธิมตฺตคิลาโน.
ตุทูติ ๑- โกกาลิกสฺส อุปชฺฌาโย ตุทุตฺเถโร นาม อนาคามผลํ ปตฺวา พฺรหฺมโลเก
นิพฺพตฺโต. โส ภุมฺมฏฺฐกเทวตา อาทึ กตฺวา "อยุตฺตํ โกกาลิเกน กตํ
อคฺคสาวเก อนฺติมวตฺถุนา อพฺภาจิกฺขนฺเตนา"ติ ปรมฺปราย พฺรหฺมโลกสมฺปตฺตํ
โกกาลิกสฺส ปาปกมฺมํ สุตฺวา "มา มยฺหํ ปสฺสนฺตสฺส ๒- วราโก นสฺสิ, โอวทิสฺสามิ
นํ เถเรสุ จิตฺตปสาทตฺถายา"ติ อาคนฺตฺวา ตสฺส ปุรโต อฏฺฐาสิ. ตํ สนฺธาย
วุตฺตํ "ตุทุปจฺเจกพฺรหฺมา"ติ. เปสลาติ ปิยสีลา. โกสิ ตฺวํ อาวุโสติ นิปนฺนโกว
กวรกฺขีนิ อุมฺมิเลตฺวา เอวมาห. ปสฺส ยาวญฺจ เตติ ปสฺส ยตฺตกํ ตยา
อปรทฺธํ, อตฺตโน นลาเต มหาคณฺฑํ อปสฺสนฺโต สาสปมตฺตาย ปีฬกาย มํ
โจเทตพฺพํ มญฺญสีติ อาห.
        อถ นํ "อทิฏฺฐิปตฺโต อยํ วราโก, คิลวิโส วิย กสฺสจิ วจนํ น กริสฺสตี"ติ
ญตฺวา ปุริสสฺส หีติอาทิมาห. ตตฺถ กุธารีติ ๓- กุธาริสทิสา ผรุสา วาจา. ฉินฺทตีติ
กุสลมูลสงฺขาเต มูเลเยว นิกนฺตติ. นินฺทิยนฺติ นินฺทิตพฺพํ ทุสฺสีลปุคฺคลํ.
ปสํสตีติ อุตฺตมตฺเถ สมฺภาเวตฺวา ขีณาสโวติ วทติ. ตํ วา นินฺทติ โย
ปสํสิโยติ โย วา ปสํสิตพฺโพ ขีณาสโว, ตํ อนฺติมวตฺถุนา โจเทนฺโต "ทุสฺสีโล
อยนฺ"ติ วทติ. วิจินาติ มุเขน โส กลินฺติ โส ตํ อปราธํ มุเขน วิจินาติ
นาม. กลินา เตนาติ เตน   อปราเธน สุขํ น วินฺทติ. นินฺทิยปสํสาย หิ
ปสํสิยนินฺทาย จ สมโกว วิปาโก.
@เชิงอรรถ:  ฉ.ม. ตุรูติ        ฉ.ม. ปสฺสนฺตสฺเสว      ฉ.ม., อิ. กุฐารี
@* ฉ.ม. กตโมทก...    * ฉ.ม. ตุรู...

--------------------------------------------------------------------------------------------- หน้าที่ ๒๐๕.

สพฺพสฺสาปิ สหาปิ อตฺตนาติ สพฺเพน สเกนปิ อตฺตนาปิ สทฺธึ โย อกฺเขสุ ธนปราชโย นาม, อยํ อปฺปมตฺตโก อปราโธ. โย สุคเตสูติ โย ปน สมคฺคเตสุ ปุคฺคเลสุ จิตฺตํ ปทูสเย, ๑- อยํ จิตฺตปโทโสว ตโต กลิโต มหนฺตตโร ๒- กลิ. อิทานิ ตสฺส มหนฺตตรภาวํ ทสฺเสนฺโต สตํ สหสฺสานนฺติอาทิมาห. ตตฺถ สตํ สหสฺสานนฺติ นิรพฺพุทคณนาย สตสหสฺสํ. ฉตฺตึสตีติ อปรานิ ฉตฺตึสติ นิรพฺพุทานิ. ปญฺจ จาติ อพฺพุทคณนาย จ ๓- ปญฺจ อพฺพุทานิ. ยมริเย ครหีติ ยํ อริเย ครหนฺโต นิรยํ อุปปชฺชติ, ตตฺถ เอตฺตกํ อายุปฺปมาณนฺติ. นวมํ.

             อรรถกถาภาษาบาลีอักษรไทย เล่มที่ ๑๑ หน้า ๒๐๔-๒๐๕. http://84000.org/tipitaka/atthapali/read_th.php?B=11&A=5299&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=5299&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=15&i=596              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4816              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4264              The Pali Tipitaka in Roman Character :- http://84000.org/tipitaka/read/roman_read.php?B=15&A=4264              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]