ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                            ๓. ตติยวคฺค
                         ๑. ปุคฺคลสุตฺตวณฺณนา
       [๑๓๒] ตติยวคฺคสฺส ปฐเม นีจกุเล ปจฺฉา ชาติอาทิเกน ๑- ตเมน
ยุตฺโตติ ตโม. กายทุจฺจริตาทีหิ ปุน นิรยตมูปคมนโต ตมปรายโน. อิติ อุภเยนปิ
ขนฺธตโมว กถิโต โหติ. อฑฺฒกุเล ปจฺฉา ชาติอาทิเกน ๒- โชตินา ยุตฺตโต
โชติ, อาโลกภูโตติ ๓- วุตฺตํ โหติ. กายสุจริตาทีหิ ปุน สคฺคูปปตฺติโชติภาวูปคมนโต
โชติปรายโน. อิมินา นเยน อิตเรปิ เทฺว เวทิตพฺพา
       เวนกุเลติ วิลีวการกุเล. เนสาทกุเลติ มิคลุทฺธกาทีนํ กุเล. รถการกุเลติ
จมฺมการกุเล. ปุกฺกุสกุเลติ ปุปฺผฉฑฺฑกกุเล. กสิรวุตฺติเกติ ทุกฺขวุตฺติเก.
ทุพฺพณฺโณติ ปํสุปิสาจโก วิย ฌามขาณุวณฺโณ. ทุทฺทสฺสิโกติ วิชาตมาตุยาปิ
อมนาปทสฺสโน. โอโกฏิมโกติ ลกุณฺฑโก. ๔- กาโณติ เอกกฺขิกาโณ วา
อุภยกฺขิกาโณ วา. กุณีติ เอกหตฺถกุณิ วา อุภยหตฺถกุณิ วา. ขญฺโชติ เอกปาทขญฺโช
วา อุภยปาทขญฺโช วา. ปกฺขหโตติ หตปกฺโข ปีฐสปฺปี. ปทีเปยฺยสฺสาติ
เตลกปลฺลกาทิโน ปทีปอุปกรณสฺส. เอวํ โข มหาราชาติ เอตฺถ เอโก
ปุคฺคโล พหิทฺธา อาโลกํ อทิสฺวา มาตุ กุจฺฉิสฺมึเยว กาลํ กตฺวา อปาเยสุ
นิพฺพตฺโต ๕- สกลมฺปิ กปฺปํ สํสรติ, โสปิ ตโมตมปรายโนว. โส ปน กุหกปุคฺคโล
ภเวยฺย. กุหกสฺส หิ เอวรูปา นิปฺผตฺติ ๖- โหตีติ วุตฺตํ.
       เอตฺถ จ "นีจกุเล ปจฺฉาชาโต ๗- โหติ จณฺฑาลกุเล วา"ติอาทีหิ
อาคมนวิปตฺติ เจว ปุพฺพุปฺปนฺนปจฺจยวิปตฺติ จ ทสฺสิตา. ทฬิทฺเทติอาทีหิ
ปวตฺตปจฺจยวิปตฺติ. กสิรวุตฺติเกติอาทีหิ อาชีวุปายวิปตฺติ. ทุพฺพณฺโณติอาทีหิ
อตฺตภาววิปตฺติ. พหฺวาพาโธติอาทีหิ ทุกฺขการณสมาโยโค. น ลาภีติอาทีหิ
สุขการณวิปตฺติ เจว อุปโภควิปตฺติ จ. กาเยน ทุจฺจริตนฺติอาทีหิ ตมปารยนภาวสฺส
การณสมาโยโค. กายสฺส เภทาติอาทีหิ สมฺปรายิกตมูปคโม. สุกฺกปกฺโข
วุตฺตปฏิปกฺขนเยน เวทิตพฺโพ.
@เชิงอรรถ:  ฉ.ม., อิ. "นีเจ กุเล ปจฺจาชาโต"ติอาทิเกน
@ ฉ.ม., อิ. "อุจฺเจ กุเล ปจฺจาชาโต"ติอาทิเกน   ฉ.ม. อาโลกีภูโตติ
@ สี., อิ. ลกุณฺฏโก   ฉ.ม., อิ. นิพฺพตฺตนฺโต
@ ฉ.ม. นิพฺพตฺติ    ฉ.ม. ปจฺจาชาโต
       อกฺโกสตีติ  ทสหิ อกฺโกสวตฺถูหิ อกฺโกสติ. ปริภาสตีติ "กสฺมา ติฏฺฐถ,
กึ ตุเมฺหหิ อมฺหากํ กสิกมฺมาทีนิ กตานี"ติอาทีหิ ปริภววจเนหิ ปริภาสติ.
โรเสตีติ ฆเฏติ. ๑- อพฺยคฺคมนโสติ เอกคฺคจิตฺโต. ปฐมํ.


             อรรถกถาภาษาบาลีอักษรไทย เล่มที่ ๑๑ หน้า ๑๕๕-๑๕๖. http://84000.org/tipitaka/atthapali/read_th.php?B=11&A=4041&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=4041&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=393              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2987              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2621              The Pali Tipitaka in Roman Character :- http://84000.org/tipitaka/read/roman_read.php?B=15&A=2621              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]