อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                        ๗. สุพฺรหฺมสุตฺตวณฺณนา
      [๙๘] สตฺตเม สุพฺรหฺมาติ โส กิร เทวปุตฺโต อจฺฉราสงฺฆปริวุโต
นนฺทนกีฬิกํ ๒- คนฺตฺวา ปาริฉตฺตกมูเล ปญฺตฺตาสเน นิสีทิ. ตํ ปญฺจสตา
เทวธีตโร ปริวาเรตฺวา นิสินฺนา, ปญฺจสตา รุกฺขํ อภิรุฬฺหา. ๓- นนุ จ เทวตานํ
จิตฺตวเสน โยชนสติโกปิ รุกฺโข นมิตฺวา หตฺถํ อาคจฺฉติ, กสฺมา ตา อภิรุฬฺหาติ.
ขิฑฺฑาปสุตฺตาย. อภิรุยฺห ปน มธุรสฺสเรน คายิตฺวา ๓- ปุปฺผานิ ปาเตนฺติ, ตานิ
คเหตฺวา อิตรา เอกโตวณฺฏิกมาลาทิวเสน คนฺเถนฺติ. อถ รุกฺขํ อภิรุฬฺหา
อุปจฺเฉทกกมฺมวเสน เอกปฺปหาเรเนว กาลํ กตฺวา อวีจิมฺหิ นิพฺพตฺตา มหาทุกฺขํ
อนุภวนฺติ.
@เชิงอรรถ: ๑ ฉ.ม., อิ. อนาลมฺพเน    ๒ ม. นนฺทนวนกีฬิตํ   ๓ ฉ.ม., อิ. คายิตฺวา คายิตฺวา
          อถ กาเล คจฺฉนฺเต เทวปุตฺโต "อิมาสํ เนว สทฺโท สุยฺยติ, น
ปุปฺผานิ ปาเตนฺติ, กหํ นุโข คตา"ติ อาวชฺเชนฺโต นิรเย นิพฺพตฺตภาวํ ทิสฺวา
ปิยวตฺถุกโสเกน รุปฺปมาโน จินฺเตสิ "เอตฺตาวตา ๑- ยถากมฺเมน คตา, มยฺหํ
อายุสงฺขาโร กิตฺตโก"ติ. โส "สตฺตเม ทิวเส มยา ๒- อวเสสาหิ ปญฺจสตาหิ สทฺธึ
กาลํ กตฺวา ตตฺเถว นิพฺพตฺติตพฺพนฺ"ติ ทิสฺวา พลวตเรน โสเกน รุปฺปิ. โส
"อิมํ มยฺหํ โสกํ สเทวเก โลเก อญฺตฺร ตถาคตา นิพฺพาเปตุํ ๓- สมตฺโถ นาม
นตฺถี"ติ จินฺเตตฺวา สตฺถุ สนฺติกํ คนฺตฺวา นิจฺจํ อุตฺรสฺตนฺติ คาถมาห.
         ตตฺถ อิทนฺติ อตฺตโน จิตฺตํ ทสฺเสติ. ทุติยปทํ ปุริมสฺเสว เววจนํ.
นิจฺจนฺติ จ ปทสฺส เทวโลเก นิพฺพตฺตกาลโต ปฏฺายาติ อตฺโถ น คเหตพฺโพ,
โสกุปฺปตฺติกาลโต ปน ปฏฺาย นิจฺจนฺติ เวทิตพฺพํ. อนุปฺปนฺเนสุ กิจฺเจสูติ อิโต
สตฺตาหจฺจเยน ยานิ ทุกฺขานิ อุปฺปชฺชิสฺสนฺติ, เตสุ. อโถ อุปฺปตฺติเตสุ จาติ
ยานิ ปญฺจสตานํ อจฺฉรานํ นิรเย นิพฺพตฺตานํ ทิฏฺานิ, เตสุ จาติ เอวํ อิเมสุ
อุปฺปนฺนานุปฺปนฺเนสุ ทุกฺเขสุ นิจฺจํ มม อุตฺรสฺตํ  จิตฺตํ, อพฺภนฺตเร ฑยฺหมาโน
วิย โหมิ ภควาติ ทสฺเสติ.
        นาญฺตฺร โพชฺฌงฺคตปสาติ ๔- โพชฺฌงฺคภาวนญฺจ ตโปคุณญฺจ มุญฺจิตฺวา
อญฺตฺร ๕- โสตฺถึ น ปสฺสามีติ อตฺโถ. สพฺพนิสฺสคฺคาติ นิพฺพานโต. เอตฺถ
จ ๖- กิญฺจาปิ โพชฺฌงฺคภาวนา ปมํ คหิตา, อินฺทฺริยสํวโร ปจฺฉา, อตฺถโต
ปน อินฺทฺริยสํวโรว ปมํ เวทิตพฺโพ. อินฺทฺริยสํวเร หิ คหิเต จตุปาริสุทฺธิสีลํ
คหิตํ โหติ. ตสฺมึ ปติฏฺิโต ภิกฺขุ นิสฺสยมุตฺตโก ธุตงฺคสงฺขาตํ ตโปคุณํ
สมาทาย อรญฺ ปวิสิตฺวา กมฺมฏฺานํ ภาเวตฺวา ๗- สห วิปสฺสนาย โพชฺฌงฺเค
ภาเวติ. ตสฺส อริยมคฺโค ยํ นิพฺพานํ อารมฺมณํ กตฺวา อุปฺปชฺชติ, โส
"สพฺพนิสฺสคฺโค"ติ ภควา จตุสจฺจวเสน เทสนํ วินิวตฺเตสิ. เทวปุตฺโต เทสนาปริโยสาเน
โสตาปตฺติผเล ปติฏฺหิ. ๘- สตฺตมํ.
@เชิงอรรถ: ๑ ฉ.ม. เอตา ตาว, อิ. เอเต ตาว   ๒ ฉ.ม., อิ.มยาปิ   ๓ ฉ.ม. นิทฺธมิตุํ
@๔ ฉ.ม. นาญฺตฺร โพชฺฌา ตปสาติ,  ๕ ฉ.ม., อิ. อญฺตฺร มุญฺจิตฺวา
@๖ ฉ.ม., อิ. จ-สทฺโท น ทิสฺสติ  ๗ ฉ.ม. ภาเวนฺโต   ๘ ฉ.ม., อิ. ปติฏฺหีติ

             อรรถกถาภาษาบาลีอักษรไทย เล่มที่ ๑๑ หน้า ๑๐๖-๑๐๗.
http://84000.org/tipitaka/atthapali/read_th.php?B=11&A=2791&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=2791&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=264
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=1683
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=1413
             The Pali Tipitaka in Roman Character :-
http://84000.org/tipitaka/read/roman_read.php?B=15&A=1413
             สารบัญพระไตรปิฎกเล่มที่ ๑๕
http://84000.org/tipitaka/read/?index_15