บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๕. ภีตาสุตฺตวณฺณนา [๗๕] ปญฺจเม กึสูธ ภีตาติ กึ ภีตา. มคฺโค จเนกายตนํ ปวุตฺโตติ อฏฺฐตึสารมฺมณวเสน อเนเกหิ การเณหิ กถิโต. เอวํ สนฺเต กิสฺส ภีตา หุตฺวา อยํ ชนตา ทฺวาสฏฺฐี ทิฏฺฐิโย อคฺคเหสีติ วทติ. ภูริปญฺญาติ พหุปญฺญา อุสฺสนฺนปญฺญา. ๘- ปรโลกํ น ภาเยติ อิมสฺมา โลกา ปรโลกํ คจฺฉนฺโต น ภาเยยฺย. ปณิธายาติ ฐเปตฺวา. พหุอนฺนปานํ ๙- ฆรมาวสนฺโตติ อนาถปิณฺฑิกาทโย วิย พหุนฺนปาเน ๑๐- ฆเร วสนฺโต. สํวิภาคีติ อจฺฉราย คหิตํปิ นเขน ผาเลตฺวา ปรสฺส ทตฺวาว ภุญฺชนสีโล. วทญฺญูติ วุตฺตมตฺถเมว. อิทานิ คาถาย องฺคานิ อุทฺธริตฺวา ทสฺเสตพฺพานิ. "วาจนฺ"ติ หิ อิมินา จตฺตาริ สุจริตานิ ๑๑- คหิตานิ, "มเนนา"ติ ปเทน ตีณิ มโนสุจริตานิ, "กาเยนา"ติ @เชิงอรรถ: ๑ ฉ.ม. ขนฺติยา ลทฺธิยา ๒ ฉ.ม., อิ. ปธํสี วเทสิ ๓ ฉ.ม., อิ. นิวตฺเตตฺวา @๔ ฉ.ม. อุปฺปตมานา ๕ ฉ.ม. ปวชมานานนฺติ ๖ ฉ.ม. ชงฺคมานํ @๗ ฉ.ม., อิ. พุทฺโธติ ยาทิโส ปุตฺโต วา โหตุ ๘ อิ. ทสฺสนปญฺญา @๙ ฉ.ม., อิ. พหฺวนฺนปานํ... ๑๐ ฉ.ม., อิ. พหฺวนฺนปาเน @๑๑ ฉ.ม., อิ. วจีสุจริตานิ--------------------------------------------------------------------------------------------- หน้าที่ ๙๖.
ปเทน ตีณิ กายสุจริตานิ. อิติ อิเม ทส กุสลกมฺมปถา ปุพฺพสุทฺธิองฺคา ๑- นาม. พหุนฺนปานํ ๒- ฆรมาวสนฺโตติ อิมินา ยญฺญอุปกฺขโร คหิโต. สทฺโธติ เอกํ องฺคํ, มุทูติ เอกํ, สํวิภาคีติ เอกํ, วทญฺญูติ เอกํ. อิติ อิมานิ จตฺตาริ องฺคาน สนฺธาย "เอเตสุ ธมฺเมสุ ฐิโต จตูสู"ติ อาห. อปโรปิ ปริยาโย:- วาจนฺติอาทีนิ ตีณิ องฺคานิ, พหุนฺนปานนฺติ ๒- อิมินา ยญฺญอุปกฺขโร ว คหิโต, สทฺโธ มุทู สํวิภาคี วทญฺญูติ เอกํ องฺคํ. อปโร ทุกนโย นาม โหติ. "วาจํ มนํ ๓- วา"ติ อิทเมกํ องฺคํ, "กาเยน ปาปานิ อกุพฺพมาโน พหุนฺนปานํ ฆรมาวสนฺโต"ติ เอกํ, "สทฺโธ มุทู"ติ เอกํ, "สํวิภาคี วทญฺญู"ติ เอกํ. เอเตสุ จตูสุ ธมฺเมสุ ฐิโต ธมฺเม ฐิโต นาม โหติ. โส อิโต ปรโลกํ คจฺฉนฺโต น ภายติ. ปญฺจมํ.อรรถกถาภาษาบาลีอักษรไทย เล่มที่ ๑๑ หน้า ๙๕-๙๖. http://84000.org/tipitaka/atthapali/read_th.php?B=11&A=2506&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=11&A=2506&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=207 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1297 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1090 The Pali Tipitaka in Roman Character :- http://84000.org/tipitaka/read/roman_read.php?B=15&A=1090 สารบัญพระไตรปิฎกเล่มที่ ๑๕ http://84000.org/tipitaka/read/?index_15
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]