|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Attapi mam upavadeyyati kunthakipillikampi nama jivita avoropanakasasane pabbajitva panatipatamattatopi oramitum na sakkomi, kim mayham pabbajjayati evam attapi mam upavadeyya. Anuviccapi mam vinnu garaheyyunti evarupe nama sasane pabbajitva panatipatamattatopi oramitum na sakkoti, kim etassa pabbajjayati evam anuvicca tulayitva pariyogahetva annepi vinnu pandita garaheyyum. Etadeva kho pana samyojanam etam nivarananti dasasu samyojanesu ca pancasu ca nivaranesu apariyapannampi "attha nivarana"ti desanavasenetam vuttam. Evam 1- vatte bandhanatthena hi hitapaticchadanatthena ca samyojanantipi nivaranantipi vuttam. Asavati panatipatakarana eko avijjasavo uppajjati. Vighataparilahati vighata ca parilaha ca. Tattha vighataggahanena kilesadukkhanca vipakadukkhanca gahitam, parilahaggahanena 2- kilesaparilaho ca vipakaparilaho ca gahito. Imina upayena sabbattha attho veditabbo. [34-40] Ayam pana viseso:- tesaham samyojananam pahanayati imasmim pade imina dinnadanasankhatena kayikasilasamvarena, saccavacasankhatena vacasikasilasamvarena, apisunavacasankhatena vacasikasilasamvarena, agiddhilobhasankhatena manasikasilasamvarena anindarosasankhatena kayikavacasikasilasamvarena, akodhupayasa- sankhatena manasikasilasamvarena, anatimanasankhatena manasikasilasamvarena pahanatthaya samucchedanatthaya patipannoti evam sabbavaresu yojana katabba. Attapi mam upavadeyya anuviccapi mam vinnu garaheyyunti imesu pana padesu tinasalakampi nama upadaya adinnam aggahanasasane pabbajitva adinna- danamattatopi viramitum na sakkomi, kim mayham pabbajjayati evam attapi mam upavadeyya. Evarupe nama sasane pabbajitva adinnadanamattatopi oramitum na sakkoti, kim imassa pabbajjayati evam anuviccapi mam vinnu garaheyyum. Hasapekkhatayapi nama davakamyataya va musavadam akaranasasane pabbajitva. @Footnote: 1 cha.Ma. ayam saddo dissati 2 cha.Ma. parilahaggahanenapi--------------------------------------------------------------------------------------------- page32.
Sabbakarena pisunam akaranasasane nama pabbajitva. Appamattakampi giddhilobham akaranasasane nama pabbajitvapi. Kakacena angesu ukkantiyamanesupi 1- nama paresam nindarosam 2- akaranasasane nama 3- pabbajitva. Chinnakhanukantakadisupi nama kodhupayasam akaranasasane pabbajitva. Adhimanamattakampi 4- nama manam akaranasasane pabbajitva adhimanamattampi pajahitum na sakkoti, kim imassa pabbajjayati evam attapi mam upavadeyya. Evarupe nama sasane pabbajitva adhimanamattampi pajahitum na sakkoti, kim imassa pabbajjayati evam anuviccapi mam vinnu garaheyyunti evam sabbavaresu yojana katabba. Asavati imasmim pana pade adinnadanakarana kamasavo ditthasavo avijjasavoti tayo asava uppajjanti, tatha musavadakarana pisunavacakarana ca, giddhilobhakarana ditthasavo avijjasavo ca, nindarosakarana avijjasavova, tatha kodhupayasakarana, atimanakarana bhavasavo avijjasavo cati dveva asava uppajjantiti evam asavuppatti veditabba. Imesu pana atthasupi varesu asammohattham puna ayam sankhepavinicchayo:- imesu tava catusu viramitum na sakkomiti vattabbam, pacchimesu pajahitum na sakkomiti. Panatipatanindarosakodhupayasesu ca eko avijjasavova hoti, adinnadanamusavada- pisunavacasu kamasavo ditthasavo avijjasavo, giddhilobhe ditthasavo avijjasavo, atimane bhavasavo avijjasavo, apanatipatam dinnadanam kayikasilam, amusa apisunam vacasikasilam, thapetva anindarosam sesani tini manasikasilani. Yasma pana kayenapi ghatteti roseti vacayapi, tasma anindaroso dve thanani yati, kayikasilampi hoti vacasikasilampi. Ettavata kim kathitam? patimokkhasamvarasilam. Patimokkhasamvarasile thitassa ca bhikkhuno patisankhapahanavasena gihivoharasamucchedo kathitoti veditabbo. @Footnote: 1 cha.Ma. okkantiyamanesupi 2 Si. nindarosamattam @3 cha.Ma. ayam saddo na dissati 4 Ma. atimanamattampi--------------------------------------------------------------------------------------------- page33.
Kamadinavakathavannana [42] Vittharadesanayam tamenam dakkhoti padassa upacchumbheyyati 1- imina saddhim sambandho veditabbo. Idam vuttam hoti, tamenam kukkuram upacchumbheyya, tassa samipe khipeyyati attho. Atthikankalanti uratthim va pitthikantakam va sisatthim va. Tanhi nimmamsatta kankalanti vuccati. Sunikantam nikantanti yatha sunikantam hoti, evam nikantam nillikhitam, yam panettha 2- allinamamsam atthi, tam sabbam nillikhitva atthimattameva katanti attho. Tenevaha "nimmamsan"ti. Lohitam pana makkhitva titthati, tena vuttam "lohitamakkhitan"ti. Bahudukkha bahupayasati ditthadhammikasamparayikehi dukkhehi bahudukkha, upayasasankilesehi bahupayasa. Yayam upekkha nanatta nanattasitati ya ayam pancakamagunarammanavasena nanasabhava taneva ca arammanani nissitatta "nanattasita"ti vuccati pancakamagune upekkha, tam vajjetva. 3- Ekatta ekattasitati catutthajjhanupekkha, sa hi divasampi ekasmim arammane uppajjanato ekasabhava, tadeva ekam arammanam nissitatta ekattasita nama. Yattha sabbaso lokamisupadana aparisesa nirujjhantiti yattha catutthajjhanupekkhayam yam upekkham agamma yam paticca sabbena sabbam aparisesa lokamisasankhata pancakamagunamisa nirujjhanti. Pancakamagunamisati ca kamagunarammana chandaraga, gahanatthena teyeva ca upadanatipi vutta. Tamevupekkham bhavetiti tam lokamisupadananam patipakkhabhutam catutthajjhanupekkhameva vaddheti. [43] Uddayeyyati 4- uppatitva gaccheyya. Anupatitvati anubandhitva. Vitaccheyyunti mukhatundakena damsanta taccheyyum. Virajeyyunti 5- mamsapesim nakhehi kaddhitva pateyyum. @Footnote: 1 cha.Ma. upasumbheyya, ka. upaccambheyya 2 cha.Ma. yadettha 3 cha.Ma. abhinivajjetva @4 Si. uddeyyati, cha.Ma. uddiyeyyati 5 cha.Ma. vissajjeyyunti--------------------------------------------------------------------------------------------- page34.
[47] Yanam oropeyyati 1- purisanucchavikam yanam oropeyya. 2- Pavaramanikundalanti nanappakaram uttamamaninca kundalanca. 3- Saniharantiti attano bhandakani ganhanti. [48] Sampannaphalanti madhuraphalam. Upapannaphalanti phalupapannam bahuphalam. [49] Anuttaranti uttamam pabhassaram nirupakkilesam. [50] Araka aham bhanteti pathavito nabham viya samuddassa orimatirato paratiram viya ca suviduravidure aham. Anajaniyeti gihivoharasamucchedanassa karanam ajananake. Ajaniyabhojananti karanam janantehi bhunjitabbabhojanam. Anajaniyabhojananti karanam ajanantehi bhunjitabbabhojanam. Sesam sabbattha uttanamevati. Papancasudaniya majjhimanikayatthakathaya potaliyasuttavannana nitthita. Catuttham. ----------------The Pali Atthakatha in Roman Book 9 page 31-34. http://84000.org/tipitaka/atthapali/read_rm.php?B=9&A=756&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=756&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=36 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=660 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=658 The Pali Tipitaka in Roman Character :- http://84000.org/tipitaka/read/roman_read.php?B=13&A=658 Contents of The Tipitaka Volume 13 http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]