ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                       3. Assalayanasuttavannana
      [401] Evamme sutanti assalayanasuttam. Tattha nanavesarajjakananti
angamagadhadihi nanappakarehi vesarajjehi agatanam, tesu 1- va ratthesu
jatasamvaddhanantipi attho. Kenacidevati yannupasanadina aniyamitakiccena.
Catuvanninti catuvannasadharanam. Mayam pana nhanasuddhiyapi bhavanasuddhiyapi
brahmanava sujjhantiti vadama, ayuttampi samano gotamo karotiti mannamana
evam cintayimsu. Vuttasiroti voropitasiro. 2-
      Dhammavaditi sabhavavadi. Duppatimantiyati amhadisehi adhammavadihi
dukkhena patimantetabba honti. Dhammavadino nama parajayo na sakka
katunti dasseti. Paribbajakanti pabbajjavidhanam, tayo vede uggahetva
sabbapaccha pabbajanta yehi mantehi pabbajanti, pabbajita ca ye mante
pariharanti, yam va acaram acaranti, tam sabbam bhota caritam sikkhitam. Tasma
tuyham parajayo natthi, jayova te bhavissatiti mannanta evamahamsu.
      [402] Dissante 3- kho panatiadi tesam laddhibhindanattham vuttam. Tattha
brahmaniyoti brahmananam puttapatilabhatthaya avahavivahavasena kula
anita brahmaniyo dissanti. Ta kho paneta aparena samayena utuniyopi
honti, sanjatapupphati attho. Gabbhiniyoti sanjatagabbha. Vijayamanati
puttadhitaro janayamana. Payamanati darake thannam payantiyo. Yonijava
samanati brahmaninam passavamaggena jata samana. Evamahamsuti evam
vadanti. Katham? brahmanova settho vanno .pe. Brahmadayadati yadi
pana nesam saccavacanam siya, brahmaninam kucchi mahabrahmuno uro bhaveyya,
brahmaninam passavamaggo mahabrahmuno mukham bhaveyya, ettavata "mayam
mahabrahmuno ure vasitva mukhato nikkhanta"ti vattum ma labhantuti ayam mukhato
jatacchedakavado vutto.
@Footnote: 1 Si. tesu tesu           2 cha.Ma. vapitasiro          3 cha.Ma. dissanti
      [403] Ayyo hutva daso hoti, daso hutva ayyo hotiti
brahmano sabhariyo vanijjam payojento yonakarattham va kambojarattham va
gantva kalam karoti, tassa gehe vayappatte putte asati brahmani dasena
va kammakarena va saddhim samvasam kappeti. Ekasmim darake jate so puriso
dasova hoti, tassa jatadarakova pana 1- dayajjasamiko hoti. Matito suddho
pitito asuddho so vanijjam payojento majjhimadesam gantva brahmanadarikam
gahetva tassa kucchismim puttam patilabhati, sopi matitova suddho hoti pitito
asuddho. Evam brahmanasamayasmimyeva jatisambhedo hotiti dassanatthametam vuttam.
Kim balam, ko assasoti yattha tumhe dasa honta sabbeva dasa hotha,
ayya honta sabbeva ayya hotha, ettha vo ko thamo, ko avassayo,
ye 2- brahmanova settho vannoti vadathati dipeti.
      [404] Khattiyova nu khotiadayo suttacchedakavada nama honti.
      [408] Idani catuvannim suddhim dassento idha rajatiadimaha. Sapanadoniyati
sunakhanam pivanadoniya. Aggikaraniyanti sitavinodanaandhakaravidhamanabhattapacanadiaggikiccam.
Ettha assalayanati ettha sabbasmim aggikiccam karonto.
      [409] Idani yadetam brahmana catuvannisuddhiti vadanti, ettha
catuvannati niyamo natthi. Pancamo hi padasikavannopi 3- atthiti sankhittena
tesam vade dosadassanattham idha khattiyakumarotiadimaha. Tattha amutra ca
panesananti amusmim ca pana purimanaye etesanam manavakanam kinci nanakaranam
na passamiti vadati. Nanakaranam pana tesampi atthiyeva. Khattiyakumarassa hi
brahmanakannaya uppanno khattiyapadasiko nama, itaro brahmanapadasiko
nama, ete hinajatimanavaka.
@Footnote: 1 jatadarakena        2 cha.Ma. yam           3 Si., ka. parasakavannopi
      Evam pancamassa vannassa atthitaya catuvannisuddhiti etesam vade
dosam dassetva idani puna catuvannisuddhiyam otarento 1- tam kim
mannasitiyannabhatte. Tattha saddheti matakabhatte. Thalipaketi pannakarabhatte. Yanneti
anneti. Pahuneti agantukanam katabhatte. Kim hiti kim mahapphalam bhavissati, no
bhavissatiti dipeti.
      [410] Bhutapubbanti assalayana pubbe mayi jatiya hinatare tumhe
setthatara samanapi maya jativade panham puttha sampadetum nasakkhittha,
idani tumhe hinatara hutva maya setthatarena buddhanam sake jativade panham
puttha kim sampadessatha, na ettha cinta katabbati manavam upatthambhento
imam desanam arabhi. Tattha asito kalako. Devaloti tassa namam, ayameva
bhagava tena samayena, pataliyoti 2- gananganaupahana. Patthandileti pannasalaparivene.
Ko nu khoti kaham nu kho. Gamandalarupo viyati gamadarakarupo viya. So
khvaham bho homiti bho aham so asitadevalo homiti vadati. Tada kira mahasatto
kondadamako hutva vicarati. Abhivadetum upakkamimsuti vanditum upakkamam akamsu.
Tato patthaya ca 3- vassasatikatapasopi tadahujatam brahmanakumaram avandanto kondito
sukondito 4- hoti,
      [411] Janika matati yaya tumhe janita, sa vo janika mata.
Janika matuti janikaya matuya. Yo janakoti  "yo janako pita"tveva patho.
      Asitenati pancabhinnena asitena devalena isina imam gandhabbapanham
puttha na sampayissanti. Yesanti yesam sattannam isinam. Na punno dabbigahoti
tesam sattannam isinam dabbim gahetva pannam pacitva dayako punno nama
eko ahosi, so dabbigahanasippam janati. Tvam acariyako tesam punnopi
na hoti, tena natam dabbigahanasippamattampi na janasiti. Sesam sabbattha
uttanamevati.
@Footnote: 1 cha.Ma. ovadanto   2 ka. agaliyoti     3 ka. ca-saddo na dissati
@4 Si. kotthito sukotthito
      Ayam pana assalayano saddho ahosi pasanno, attano antonivesaneyeva
cetiyam karesi. Yavajjadivasa assalayanavamse jata nivesanam karetva
antonivesane cetiyam karontevati.
                    Papancasudaniya majjhimanikayatthakathaya
                     assalayanasuttavannana nitthita.
                           ----------



             The Pali Atthakatha in Roman Book 9 page 293-296. http://84000.org/tipitaka/atthapali/read_rm.php?B=9&A=7387&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=7387&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=613              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=9673              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=11416              The Pali Tipitaka in Roman Character :- http://84000.org/tipitaka/read/roman_read.php?B=13&A=11416              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]