บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Aggivacchagottasuttavannana [187] Evamme sutanti aggivacchagottasuttam. Tattha na kho ahanti pathamavare naham sassataditthikoti vadati, dutiye naham ucchedaditthikoti. Evam antanantikadivasena sabbavaresu patikkhepo veditabbo. Hoti ca na ca hotiti ayam panettha ekaccasassatavado. Neva hoti na na hotiti ayam amaravikkhepoti veditabbo. @Footnote: 1 cha.Ma. ekanavutikappamatthake 2 cha.Ma. katheti [189] Sadukkhanti kilesadukkhena ceva vipakadukkhena ca sadukkham. Savighatanti tesamyeva dvinnam vasena saupaghatam. Saupayasanti tesamyeva vasena saupayasam. Saparilahanti tesamyeva vasena saparilaham. Kinci ditthigatanti kaci eka ditthipi ruccitva khamapetva gahita atthiti pucchati. Apanitanti nihatam apaviddham. Ditthanti pannaya dittham. Tasmati yasma pancannam khandhanam udayavayam addasa, tasma. Sabbamannitananti sabbesam tinnampi tanhaditthimanamannitanam. Mathitananti tesamyeva vevacanam. Idani tani vibhajitva dassento sabbaahankaramamankaramananusayananti aha. Ettha hi ahankaro ditthi, mamankaro tanha, mananusayo mano. Anupada vimuttoti catuhi upadanehi kanci dhammam anupadiyitva vimutto. [190] Na upetiti na yujjati. Ettha ca "na upapajjati"ti idam anujanitabbam siya. Yasma pana evam vutte so paribbajako ucchedam ganheyya, upapajjatiti pana sassatameva, upapajjati ca na ca upapajjatiti 1- ekaccasassatam, neva upapajjati na na upapajjatiti amaravikkhepo, 2- tasma bhagava "ayam appatittho analambo hotu, sukhappavesanatthanam ma labhatu"ti ananunnaya thatva anunnampi patikkhipi. Alanti samattham pariyattam. Dhammoti paccayakaradhammo. Annatrayogenati annattha payogena. Annatracariyakenati paccayakaram ajanantanam annesam acariyanam santike vasantena. [191] Tenahi vacchati yasma tvam sammohamapadinti vadasi, tasma tamyevettha patipucchissami. Anaharo nibbutoti appaccayo nibbuto. [192] Yena rupenati yena rupena sattasankhatam tathagatam rupiti pannapeyya. Gambhiroti gunagambhiro. Appameyyoti pamanam ganhitum na sakkuneyyo. Duppariyogalhoti duogalho dujjano. Seyyathapi mahasamuddoti yatha @Footnote: 1 ka. ca no upapajjati cati 2 cha.Ma. amaravikkhepam Mahasamuddo gambhiro appameyyo dujjano, evameva khinasavopi. Tam arabbha uppajjatitiadi sabbam na yujjati. Katham? yatha parinibbutam aggim arabbha puratthimam disam gatotiadi sabbam na yujjati, evam. Aniccatati aniccataya. Sare patitthitanti lokuttaradhammasare patitthitam. Sesam sabbattha uttanamevati. Papancasudaniya majjhimanikayatthakathaya aggivacchagottasuttavannana nitthita. Dutiyam. -----------The Pali Atthakatha in Roman Book 9 page 145-147. http://84000.org/tipitaka/atthapali/read_rm.php?B=9&A=3661&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=3661&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=13&i=244 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=4316 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4912 The Pali Tipitaka in Roman Character :- http://84000.org/tipitaka/read/roman_read.php?B=13&A=4912 Contents of The Tipitaka Volume 13 http://84000.org/tipitaka/read/?index_13
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]