ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 8 : PALI ROMAN Ma.A. (papa–ca.2)

page140.

10. Culasaropamasuttavannana [312] Evamme sutanti culasaropamasuttam, tattha pingalakocchoti so brahmano pingaladhatuko. Kocchoti panassa namam, tasma "pingalakoccho"ti vuccati. Samghinotiadisu pabbajitasamuhasankhato samgho etesam atthiti samghino. Sveva gano etesam atthiti ganino. Acarasikkhapadavasena tassa ganassa acariyati ganacariya. Natati pannata pakata. "appiccha santuttha, appicchataya vatthampi na nivasenti"tiadina nayena samuggato yaso etesam atthiti yasassino. Titthakarati laddhikara, sadhusammatati ime sadhu sundara sappurisati evam sammata. Bahujanassati assutavato andhabalaputhujjanassa. Idani te dassento seyyathidam puranotiadimaha. Tattha puranoti tassa satthupatinnassa namam. Kassapoti gottam. So kira annatarassa kulassa ekunadasasatam purayamano jato, tenassa "purano"ti namam akamsu. Mangaladasatta cassa katam dukkatanti 1- vatta natthi, akatam va na katanti. "so kimaham ettha vasissami"ti 2- palayi. Athassa cora vatthani acchindimsu. So pannena va tinena va paticchadetumpi ajananto naggarupeneva 3- ekam gamam pavisi. Manussa tam disva "ayam samano araha appiccho, natthi imina sadiso"ti puvabhattadini gahetva upasankamanti. So "mayham satakam anivatthabhavena idam uppannan"ti tato patthaya satakam labhitvapi na nivasesi, tadeva pabbajjamaggahesi. Tassa santike annepi pancasata manussa pabbajimsu, tam sandhayaha "purano kassapo"ti. Makkhaliti tassa namam. Gosalaya jatatta gosaloti dutiyam namam. Tam kira sakaddamaya bhumiya telaghatam gahetva gacchantam "tata ma khali"ti samiko aha. So pamadena khalitva patitva samikassa bhayena palayitum araddho. Samiko upadhavitva satakakanne aggahesi. Sopi satakam chaddetva acelako hutva palayi, sesam puranasadisameva. @Footnote: 1 cha.Ma. dukkatanti, Ma. sukatam dukkatanti 2 cha.Ma. vasamiti 3 cha.Ma. jatarupeneva

--------------------------------------------------------------------------------------------- page141.

Ajitoti tassa namam. Kesakambalam dharetiti kesakambalo. Iti namadvayam samsandetva "ajito kesakambalo"ti vuccati. Tattha kesakambalo nama manussakesehi katakambalo, tato patikitthataram vattham nama natthi. Yathaha "seyyathapi bhikkhave yani kanici tantavutanam vatthanam kesakambalo tesam patikittho akkhayati, kesakambalo bhikkhave site sito unhe unho dubbanno duggandho dukkhasamphasso"ti. 1- `pakudho'ti Tassa namam. Kaccayanoti gottam. Iti namagottam samsandetva "pakudho kaccayano"ti vuccati. Situdakapatikkhittako esa, vaccam katvapi udakakiccam na karoti, unhodakam va kanjiyam va labhitva karoti, nadim va maggodakam va atikkamma "silam me bhinnan"ti valikam thupikam katva silam adhitthaya gacchati, evarupo nissirikaladdhiko esa. Sanjayoti tassa namam. Velatthassa puttoti velatthaputto. Amhakam ganthanakileso palibandhanakileso 2- natthi, kilesagantharahita mayanti evam vaditaya laddhanamavasena nigantho. Natassa puttoti nataputto. Abbhannimsuti yatha tesam patinna, tatheva janimsu. Na janimsuti. 3- Idam vuttam hoti:- sace nesam sa patinna niyyanika sabbe abbhannimsu. No ce, niyyanika na abbhannimsu. Tasma kintesam patinna niyyanika aniyyanikati, ayametassa panhassa attho. Atha bhagava nesam aniyyanikabhavakathanena atthabhavato alanti patikkhipitva upamaya atthapadam vedento 4- dhammameva desetum dhammante brahmana desessamitiadimaha. [320] Tattha sacchikiriyayati sacchikaranattham. Na chandam janetiti kattukamyatachandam na janeti. 5- Na vayamatiti vayamam parakkamam na karoti. Olinavuttiko ca hotiti linajjhasayo hoti. Sathilikoti sithilaggahi, sasanam sithilam katva ganhati, dalham na ganhati. @Footnote: 1 an. tika. 20/138/279 kesakambalasutta 2 cha.Ma. palibujjhana.... @3 cha.Ma. ayam patho na dissati 4 cha.Ma. attham pavedento 5 cha.Ma. na janayati

--------------------------------------------------------------------------------------------- page142.

[323] Idha brahmana bhikkhu vivicceva kamehiti katham ime pathamajjhanadidhamma nanadassanena uttaritara jatati? nirodhapadakatta. Hettha pathamajjhanadidhamma hi vipassanapadaka, idha nirodhapadaka, tasma uttaritarati 1- veditabba. Iti bhagava idampi suttam yathanusandhinava nitthapesi. Desanavasane brahmano saranesu patitthitoti. Papancasudaniya majjhimanikayatthakathaya culasaropamasuttavannana nitthita. Tatiyavaggavannana nitthita. -------------


             The Pali Atthakatha in Roman Book 8 page 140-142. http://84000.org/tipitaka/atthapali/read_rm.php?B=8&A=3583&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=3583&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=12&i=353              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=6505              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=7582              The Pali Tipitaka in Roman Character :- http://84000.org/tipitaka/read/roman_read.php?B=12&A=7582              Contents of The Tipitaka Volume 12 http://84000.org/tipitaka/read/?index_12

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]