ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 8 : PALI ROMAN Ma.A. (papa–ca.2)

                      7. Culahatthipadopamasuttavannana
    [288] Evamme sutanti culahatthipadopamasuttam. Tattha sabbasetena
valavabhirathenati "seta sudam assa yutta honti setalankaRa. Seto ratho
setalankaro setaparivaro, seta  rasmiyo, seta patodalatthi, setam chattam,
setam unhisam, setani vatthani, seta upahana, setaya sudam valavijaniya
vijiyati"ti 1- evam vuttena sakalasetena catuhi valavahi yuttarathena.
    Ratho ca nameso duvidho hoti yodharatho alankararathoti. Tattha yodharatho
caturassasanthano hoti natimaha, dvinnam tinnam va jananam gahanasamattho.
Alankararatho maha hoti, dighato digho, puthulato puthulo. Tattha chattaggahako
valavijaniggahako talavantaggahakoti evam attha va dasa va sukhena thatum
va nisiditum va nipajjitum va sakkonti, ayampi alankararathoyeva. So sabbo
sacakkapanjarakubbaro rajataparikkhitto ahosi. Valava pakatiya setavannava.
Pasadhanampi tadisam rajatamayam ahosi. Rasmiyopi rajatapanalisuparikkhitta. Patodalatthipi
rajataparikkhitta. Brahmanopi setavattham nivasetva setamyeva uttarasangam akasi,
setavilepanam vilimpi, setamalam pilandhi, dasasu angulisu angulimuddika, kannesu
kundalaniti evamadialankaropissa rajatamayova ahosi. Parivarabrahmanapissa
dasasahassamatta tatheva setavatthavilepanagandhamalalankara ahesum. Tena vuttam
"sabbasetena valavabhirathena"ti.
    Savatthiya niyyatiti so kira channam channam masanam ekavaram nagaram
padakkhinam karoti, ito ettakehi divasehi nagaram padakkhinam karissatiti puretarameva
ghosana kariyati, tam sutva ye nagarato na pakkanta, te na pakkamanti. Ye
pakkanta, tepi "punnavato sirisampattim passissama"ti agacchanti. Yam divasam
brahmano nagaram anuvicarati, tada patova nagaravithiyo sammajjitva valikam
@Footnote: 1 sam. maha. 19/4/4 janussonibrahmanasutta
Okiritva lajapancamehi pupphehi abhikiritva 1- punnaghate thapetva kadaliyo ca
dhaje ca ussapetva sakalanagaram dhupagandhavasitam 2- karonti. Brahmano patova sisam
nhayitva purebhattam bhunjitva vuttanayeneva setavatthadihi attanam alankaritva
pasada oruyha ratham abhiruhati. Atha nam te brahmana sabbasetavatthavilepana-
malalankara setacchattani gahetva parivarenti, tato mahajanassa sannipatanattham
pathamamyeva tarunadarakanam phalaphalani vikiritva tadanantaram masakarupani, tadanantaram
kahapane vikiranti, mahajana sannipatanti, ukkutthiyo ceva celukkhepa ca
pavattanti. Atha brahmano mangalikasovatthikadisu mangalani ceva suvatthiyo ca
karontesu mahasampattiya nagaram anuvicarati, punnavanta manussa ekabhumikadipasade
aruyha sukkapattasadisani vatapanakavatani vivaritva olokenti. Brahmanopi
attano yasasirisampattiya nagaram ajjhottharanto viya dakkhinadvarabhimukho hoti.
Tena vuttam "savatthiya niyyati"ti.
    Diva divassati divasassapi diva, majjhanhakaleti attho. Pilotikam
paribbajakanti pilotikati evam itthilingavoharavasena laddhanamam paribbajakam.
So kira paribbajako daharo pathamavaye thito suvannavanno buddhupatthako,
patova tathagatassa ceva mahatherananca upatthanam katva tidandakundikadiparikkharam
adaya jetavana nikkhamitva nagarabhimukho payasi. Tam esa duratova agacchantam
addasa. Etadavocati anukkamena santikam agatam sanjanitva etam "handa
kuto nu bhavam vacchayano agacchati"ti gottam kittento vacanam avoca. Pandito
mannatiti 3- bhavam vacchayano samanam gotamam panditoti mannati, udahu noti
ayamettha attho.
    Ko caham bhoti bho samanassa gotamassa pannaveyyattiyam janane aham
ko nama. Ko ca samanassa gotamassa pannaveyyattiyam janissamiti kuto caham
samanassa gotamassa pannaveyyattiyam janissami, kena karanena janissamiti.
Evam sabbathapi attano ajananabhavam dipeti. Sopi nunassa tadiso vati yo
@Footnote: 1 cha.Ma. abhippakiritva   2 cha.Ma. dhupitavasitam    3 cha.Ma. manneti
Samanassa gotamassa pannaveyyattiyam janeyya, sopi nuna dasaparamiyo puretva
sabbannutam patto tadiso buddhoyeva bhaveyya. Sinerum va himavantam va pathavim
va akasam va pametukamena tappamanova dando va rajju va laddhum vattati.
Samanassa  gotamassa pannam janantenapi tassa nanasadisameva sabbannutananam
laddhum vattatiti dipeti. Adaravasena panettha amendikam katam. Ularayati
uttamaya setthaya. Ko caham bhoti bho aham samanassa gotamassa pasamsane ko nama.
Ko ca samanam gotamam pasamsissamiti kena karanena pasamsissami. Pasatthappasatthoti
sabbagunanam uttaritarehi sabbalokapasatthehi attano guneheva pasattho, na tassa
annehi pasamsanakiccam atthi. Yatha hi campakapuppham va niluppalam va padumam va
lohitacandanam va attano vannagandhasiriyava pasadikanceva sugandhanca, na tassa
agantukehi vannagandhehi thomanakiccam atthi, yatha ca maniratanam va candamandalam
va attano alokeneva obhasati, na tassa annena obhasanakiccam atthi,
evam samano gotamo sabbalokapasatthehi attano guneheva pasattho thomito
sabbalokassa setthatam papito, na tassa annena pasamsanakiccam atthi. Pasatthehi
va pasatthotipi pasatthappasattho.
    Ke pasattha nama? raja pasenadikosalo kasikosalavasikehi pasattho,
Bimbisaro angamagadhavasihi. Vesalika licchavi vajjiratthavasihi pasattha. Paveyyaka
malla, kosinaraka malla, annepi te te khattiya tehi tehi janapadehi
pasattha. Cankiadayo brahmana brahmanaganehi, anathapindikadayo upasaka
anekasatehi upasakaganehi, visakhadayo upasika anekasatahi upasikahi,
sakuludayiadayo paribbajaka anekehi paribbajakasatehi, uppalavannatheriadika
mahasavika anekehi bhikkhunisatehi, sariputtattheradayo mahasavaka anekasatehi
bhikkhuhi, sakkadayo deva anekasahassehi devehi, mahabrahmadayo brahmano
anekasahassehi brahmehi pasattha. Te sabbepi dasabalam thomenti vannenti
pasamsantiti bhagava "pasatthappasatatho"ti vuccati.
    Atthavasanti atthanisamsam. Athassa paribbajako attano pasadakaranam
acikkhanto seyyathapi bho kusalo nagavanikotiadimaha. Tattha nagavanikoti
nagavanavasiko anuggahitasippo puriso. Parato pana uggahitasippo puriso
nagavanikoti agato. Cattari padaniti cattari nanapadani nanavalanjani,
nanena akkantatthananiti attho.
    [289] Khattiyapanditetiadisu panditeti pandiccena samannagate.
Nipuneti sanhe sukhumabuddhino, sukhumatthantarapativijjhanasamatthe. Kataparappavadeti
vinnataparappavade ceva parehi saddhim katavadapariccaye ca. Valavedhirupeti
valavedhidhanuggahasadise. Te bhindanta manne carantiti valavedhi viya valam sukhumanipi
paresam ditthigatani attano pannagatena bhindanta viya carantiti attho. Panham
abhisankharontiti dupadampi tipadampi catuppadampi panham karonti. Vadam
aropessamati dosam aropessama. Na ceva samanam gotamam panham pucchantiti kasma na
pucchanti.? bhagava kira parisamajjhe dhammam desento parisaya ajjhasayam oloketi, tato
passati "ime khattiyapandita gulham rahassam panham ovattikasaram katva agata"ti.
So tehi aputthoyeva evarupe panhe pucchaya ettaka dosa, vissajjane
ettaka, atthe pade akkhare ettakati ime panhe pucchanto evam puccheyya,
vissajjento evam vissajjeyyati iti ovattikasaram katva anite panhe
dhammakathaya antare pakkhipitva viddhamseti. Khattiyapandita "seyyo vata no,
ye mayam ime panhe na pucchimha, sace hi mayam puccheyyama, appatittheva
no katva samano gotamo khipeyya"ti attamana bhavanti.
    Apica buddha nama dhammam desenta parisam mettaya pharanti, mettapharanena
dasabale mahajanassa cittam pasidati, buddha ca nama rupaggappatta honti
dassanasampanna madhurassara mudujivha suphusitadantavarana amatena hadayam sincanta
viya dhammam kathenti. Tatra nesam mettapharanena pasannacittanam evam hoti
"evarupam advejjhakatham amoghakatham niyyanikakatham kathentena bhagavata saddhim na
sakkhissama paccanikaggaham ganhitun"ti attano pasannabhaveneva na pucchanti.
    Annadatthuti ekamsena. Savaka sampajjantiti saranagamanavasena savaka
honti. Tadanuttaranti tam anuttaram. Brahmacariyapariyosananti maggabrahmacariyassa
pariyosanabhutam arahattaphalam, tadatthaya hi te pabbajanti. Manam vata bho anassamati
bho sace mayam na upasankameyyama, imina thokena anupasankamanamattena
apayirupasanamatteneva nattha bhaveyyama, upasankamanamattakena panamha na natthati attho.
Dutiyapadam purimasseva vevacanam. Assamanava samanatiadisu papanam asamitatta
assamanava. Avahitatta ca pana abrahmanava. Kilesarinam ahatatta anarahantoyeva
samanati attho.
    [290] Udanam udanesiti udaharam udahari. Yatha hi yam telam manam
gahetum na sakkoti, vissanditva gacchati, tam avasekoti vuccati, yanca jalam talakam
gahetum na sakkoti, ajjhottharitva gacchati, tam oghoti vuccati, evameva yam
pitimayam vacanam hadayam gahetum na sakkoti, adhikam hutva anto asanthahitva bahi
nikkhamati, tam udananti vuccati. Evarupam pitimayam vacanam niccharesiti attho.
Hatthipadopamoti hatthipadam upama assa dhammassati hatthipadopamo. So na
ettavata vittharena paripuro hotiti dasseti. Nagavanikoti uggahitahatthisippo
hatthivanacariko. Atha kasma idha kusaloti na vuttoti. Parato "yo hoti kusalo"ti
vibhagadassanato. Yo hi koci pavisati, yo pana kusalo hoti, so neva tava
nittham gacchati. Tasma idha kusaloti avatva parato vutto.
    [291] Vamanikati rassa ayamatopi na digha mahakucchi hatthiniyo.
Ucca ca nisevitanti sattattharatanubbedhe vatarukkhadinam khandhappadese ghamsitatthanam.
Ucca kalarikati ucca ca yatthisadisapada hutva, kalarika ca dantanam
kalarataya. Tasam kira eko danto unnato hoti, eko onato. Ubhopi ca
virala honti, na asanna. Ucca ca dantehi aranjitaniti sattattharatanubbedhe
vatarukkhadinam khandhappadese pharasuna pahatatthanam viya dathahi chinnatthanam. Ucca
kaneruka namati ucca ca yatthisadisadighapada hutva, kaneruka ca dantanam
kanerutaya, ta kira makuladatha honti. Tasma kanerukati vuccati. So nittham
Gacchatiti so nagavaniko yassa vataham nagassa anupadam agato, ayameva so,
na anno. Yam hi aham pathamapadam disva vamanikanam padam idam bhavissatiti nittham
na gato, yampi tato orabhage disva kalarikanam bhavissati, kanerukanam bhavissatiti
nittham na gato, sabbantam imasseva mahahatthino padanti mahahatthim disvava
nittham gacchati.
    Evameva khoti ettha idam opammasamsandanam:- nagavanam viya hi adito
patthaya yava nivaranappahana dhammadesana veditabba, kusalo nagavaniko viya
yogavacaro, mahanago viya sammasambuddho, mahantam hatthipadam viya jhanabhinna,
nagavanikassa tattha tattha hatthipadam disvapi vamanikanam padam bhavissati, kalarikanam
kanerukanam padam bhavissatiti anitthangatabhavo viya yogino, ima jhanabhinna
nama bahirakaparibbajakanampi santiti anitthangatabhavo, nagavanikassa tattha tattha
maya ditthapadam imasseva mahahatthino, na annassati mahahatthim disva
nitthangamanam viya ariyasavakassa arahattam patvava nitthangamanam. Idanca pana
opammasamsandanam matthake thatvapi katum vattati. Imasmimpi thane vattatiyeva,
anukkamagatampana palipadam gahetva idheva katam. Tattha idhati desapadese nipato. Svayam
katthaci lokam upadaya vuccati. Yathaha "idha tathagato loke uppajjati"ti. 1- Katthaci
sasanam. Yathaha "idheva bhikkhave pathamo samano, idha dutiyo samano"ti. 2- Katthaci okasam.
Yathaha:-
              "idheva titthamanassa        devabhutassa me  sato
               punevaya 3- ca me laddho  evam janahi marisa"ti. 4-
    Katthaci padapuranamattameva. Yathaha "idhaham bhikkhave bhuttavi assam pavarito"ti. 5-
Idha pana lokam upadaya vuttoti veditabbo. Idam vuttam hoti "brahmana
imasmim loke tathagato uppajjati araham .pe. Buddho bhagava"ti.
@Footnote: 1 di.Si. 9/190/63 panitatarasamannaphala, 9/279/99 vijjacaranakatha
@2 an. catukka. 21/241/265-6 samanasutta 3 cha.Ma. punarayu  4 di. maha. 10/369/244
@somanassapatilabhakatha    5 Ma.mu. 12/30/17 dhammadayadasutta
    Tattha tathagatasaddo mulapariyaye, arahantiadayo visuddhimagge vittharita.
Loke uppajjatiti ettha pana lokoti okasaloko sattaloko sankharalokoti
tividho. Idha pana sattaloko adhippeto. Sattaloke uppajjamanopi tathagato
na devaloke, na brahmaloke, manussalokeyeva uppajjati. Manussalokepi na annasmim
cakkavale, imasmimyeva cakkavale. Tatthapi na sabbatthanesu, "puratthimaya disaya
kajangalam 1- nama nigamo, tassaparena mahasalo, tato param 2- paccantima
janapada, orato majjhe. Puratthimadakkhinaya disaya sallavati nama nadi, tato
param paccantima janapada, orato majjhe. Dakkhinaya disaya setakannikam nama
nigamo, tato param paccantima janapada, orato majjhe. Pacchimaya disaya thunam
nama brahmanagamo, tato param paccantima janapada, orato majjhe. Uttaraya
disaya usiraddhajo nama pabbato, tato param paccantima janapada, orato
majjhe"ti 3- evam paricchinne ayamato tiyojanasate vittharato addhatiyayojanasate
parikkhepato navayojanasate majjhimappadese uppajjati. Na kevalanca tathagatova,
paccekabuddha aggasavaka asitimahathera buddhamata buddhapita cakkavattiraja
anne ca sarappatta brahmanagahapatika ettheva uppajjanti. Tattha tathagato
sujataya dinnamadhupayasabhojanato patthaya yava arahattamaggo, tava uppajjati
nama. Arahattaphale uppanno nama. Mahabhinikkhamanato va yava arahattamaggo.
Tusitabhavanato va yava arahattamaggo. Dipankarapadamulato va yava arahattamaggo,
tava uppajjati nama. Arahattaphale uppanno nama. Idha sabbapathamam uppannabhavam
sandhaya uppajjatiti vuttam, tathagato loke uppanno hotiti ayam hi ettha
attho.
     So imam lokanti so bhagava imam lokam, idani vattabbam nidasseti.
Sadevakanti saha devehi sadevakam. Evam saha marena samarakam. Saha brahmuna
sabrahmakam. Saha samanabrahmanehi sassamanabrahmanim. Pajatatta paja, tam pajam.
Saha devamanussehi sadevamanussam. Tattha sadevakavacanena pancakamavacaradevaggahanam
@Footnote: 1 cha.Ma. gajangalam    2 cha.Ma. paRa. evamuparipi   3 vinaYu. maha. 5/259/24 cammakkhandhaka
Veditabbam. Samarakavacanena chatthakamavacaradevaggahanam. Sabrahmakavacanena
brahmakayikadibrahmaggahanam. Sassamanabrahmanivacanena sasanassa paccatthikapaccamitta-
samanabrahmanaggahanam samitapapabahitapapasamanabrahmanaggahananca. Pajavacanena
sattalokaggahanam. Sadevamanussavacanena sammatidevaavasesamanussaggahanam. Evamettha
tihi padehi okasalokena saddhim sattaloko, dvihi pajavasena sattalokova
gahitoti veditabbo.
    Aparo nayo:- sadevakaggahanena arupavacaradevaloko gahito.
Samarakaggahanena chakamavacaradevaloko, sabrahmakaggahanena rupi brahmaloko.
Sassamanabrahmanadiggahanena catuparisavasena sammatidevehi va saha manussaloko
avasesasabbasattaloko va.
    Apicettha sadevakavacanena ukkatthaparicchedato sabbassa lokassa
sacchikatabhavamaha. Tato yesam ahosi "maro mahanubhavo chakamavacarissaro vasavatti,
kim sopi etena sacchikato"ti, tesam vimatim vidhamanto samarakanti aha. Yesam
pana ahosi "brahma mahanubhavo, ekanguliya ekasmim cakkavalasahasse alokam
pharati, dvihi .pe. Dasahi angulihi dasasu cakkavalasahassesu alokam pharati,
anuttaranca jhanasamapattisukham patisamvedeti, kim sopi sacchikato"ti, tesam vimatim
vidhamanto sabrahmakanti aha. Tato ye cintesum "puthu samanabrahmana sasanassa
paccatthika, kintepi sacchikata"ti, tesam vimatim vidhamanto sassamanabrahmanim pajanti
aha. Evam ukkatthukkatthanam sacchikatabhavam pakasetva atha sammatideve
avasesamanusse ca upadaya ukkatthaparicchedavasena sesasattalokassa sacchikatabhavam
pakasento sadevamanussanti aha. Ayamettha bhavanukkamo. 1- Porana panahu:-
sadevakanti devatahi saddhim avasesalokam. Samarakanti marena saddhim avasesalokam.
Sabrahmakanti brahmehi saddhim avasesalokam. Evam sabbepi tibhavu page satte
tihakarehi tisu padesu pakkhipitva puna dvihi purimapadehi 2- pariyadiyanto
@Footnote: 1 vibhavananukkamoti amhakam khanti. upari patho pana bhavanukkamo bhavavasena paresam
@ajjhasayavasena sadevakantiadinam padanam anukkamoti tikayam vuttena sameti.
@2 cha.Ma. padehi
"sassamanabrahmanim pajam sadevamanussan"ti aha. Evam pancahi padehi tena
tenakarena tedhatukameva pariyadinnanti.
    Sayam abhinna sacchikatva pavedetiti sayanti samam aparaneyyo hutva.
Abhinnati abhinnaya, adhikena nanena natvati attho. Sacchikatvati paccakkham
katva. Etena anumanadipatikkhepo kato hoti. Pavedetiti bodheti napeti 1-
pakaseti. So dhammam deseti adimajjhapariyosanakalyananti so bhagava sattesu
karunnatam paticca hitvapi anuttaram vivekasukham dhammam deseti. Tanca kho appam
va bahum va desento adikalyanadippakarameva deseti. Adimhipi kalyanam
bhaddakam anavajjameva katva deseti. Majjhepi. Pariyosanepi. Kalyanam bhaddakam
anavajjameva katva desetiti vuttam hoti.
    Tattha atthi desanaya adimajjhapariyosanam, atthi sasanassa. Desanaya
tava catuppadikayapi gathaya pathamapado adi nama, tato dve majjham nama,
ante eko pariyosanam nama. Ekanusandhikassa suttassa nidanam adi,
idamavocati pariyosanam, ubhinnamantara majjham. Anekanusandhikassa suttassa
pathamanusandhi adi, ante anusandhi pariyosanam, majjhe eko va dve va
bahu va majjhameva. Sasanassa pana silasamadhivipassana adi nama. Vuttampi
cetam "ko cadi kusalanam dhammanam, silanca suvisuddham, ditthi ca ujuka"ti. 2-
"atthi bhikkhave majjhima patipada tathagatena abhisambuddha"ti 3- evam vutto
pana ariyamaggo majjham nama, phalanceva nibbananca pariyosanam nama. "etadatthamidam
brahmana brahmacariyam, etam saram, etam pariyosanan"ti 4- hi ettha phalam
pariyosananti vuttam. "nibbanogadham hi avuso visakha brahmacariyam nibbanaparayanam
nibbanapariyosanan"ti 5- ettha nibbanam pariyosananti vuttam. Idha desanaya
adimajjhapariyosanam adhipapetam. Bhagava hi dhammam desento adimhi silam dassetva
@Footnote: 1 cha.Ma. vinnapeti   2 sam. maha. 19/369/125 bhikkhusutta
@3 sam. maha. 19/1081/367  dhammacakkappavattanasutta,
@vinaYu. maha. 4/13/13 pancavaggiyakatha
@4 Ma.mu. 12/324/288 culasaropamasutta   5 Ma.Ma. 12/466/416 culavedallasutta
Majjhe maggam pariyosane nibbanam dasseti. Tena vuttam "so dhammam deseti
adikalyanam majjhekalyanam pariyosanakalyanan"ti. Tasma annopi dhammakathiko
dhammam kathento:-
              adimhi silam deseyya       majjhe maggam vibhavaye
              pariyosane ca 1- nibbanam   esa kathikasanthititi.
    Sattham sabyanjananti yassa hi yagubhattaitthipurisadivannananissita desana
hoti, na so sattham deseti. Bhagava pana tatharupam desanam pahaya catusatipatthanadinissitam
desanam deseti. Tasma "sattham deseti"ti vuccati. Yassa pana desana
ekabyanjanadiyutta va sabbanirotthabyanjana va sabbavisatthasabbaniggahitabyanjana
va, tassa damilakiratasavaradimilakkhunam 2- bhasa viya byanjanaparipuriya
abhavato abyanjana nama desana hoti. Bhagava pana:-
              sithilam dhanitanca digharassam        garukam lahukanceva niggahitam
              sambandham vavatthitam vimuttam       dasadha byanjanabuddhiya pabhedoti 3-
    evam vuttam dasavidham byanjanam amakkhetva paripunnam byanjanameva katva
dhammam deseti. Tasma "sabyanjanam dhammam deseti"ti vuccati.
    Kevalaparipunnanti ettha kevalanti sakaladhivacanam. Paripunnanti anunadhikavacanam.
Idam vuttam hoti "sakalaparipunnameva deseti, ekadesanapi aparipunna natthi"ti.
Parisuddhanti nirupakkilesam. Yo hi imam dhammadesanam nissaya labham va sakkaram
va labhissamiti deseti, tassa aparisuddha desana hoti. Bhagava pana
lokamisanirapekkho hitapharanena mettabhavanaya muduhadayo ullumpanasabhavasanthitena
cittena deseti. Tasma "parisuddham dhammam deseti"ti vuccati. Brahmacariyam
pakasetiti ettha brahmacariyanti sikkhattayasangaham sakalasasanam. Tasma brahmacariyam
pakasetiti so dhammam deseti adikalyanam .pe. Evam parisuddham, evam desento ca
@Footnote: 1 cha.Ma. pariyosanamhi   2 ayam poranako. tikanayo pana evam agato
@damilakiratasavanapadasikadimilakkhuti   3 su.vi. 1/160
Sikkhattayasangahitam sakalasasanam brahmacariyam pakasetiti evamettha attho datthabbo.
Brahmacariyanti setthatthena brahmabhutam cariyam. Brahmabhutanam va buddhadinam
cariyanti vuttam hoti.
    Tam dhammanti tam vuttappakarasampadam dhammam. Sunati gahapati vati kasma pathamam
gahapatim niddisatiti? nihatamanatta ussannatta ca. Yebhuyyena hi khattiyakulato
pabbajita jatim nissaya manam karonti. Brahmanakula pabbajitva. 1- Mante
nissaya manam karonti. Hinajaccakula pabbajita attano vijatitaya patitthatum
na sakkonti. Gahapatidaraka pana kacchehi sedam muncantehi pitthiya lonam
pupphamanaya bhumim kasitva nihatamanadappa honti, te pabbajitva manam va
dappam va akatva yathabalam buddhavacanam ugganhitva vipassanaya kammam karonta
sakkonti arahatte patitthatum. Itarehi ca kulehi nikkhamitva pabbajita nama
na bahuka, gahapatika va bahuka, iti nihatamanatta ca ussannatta ca pathamam
gahapatim niddisatiti.
    Annatarasmim vati itaresam va kulanam annatarasmim. Paccajatoti patijato. 2-
Tathagate saddham patilabhatiti parisuddham dhammam sutva dhammasamimhi tathagate
"sammasambuddho vata bhagava"ti saddham patilabhati. Iti patisancikkhatiti evam
paccavekkhati. Sambadho gharavasoti sacepi satthihatthe ghare yojanasatantarepi va dve
jayapatika vasanti, tathapi nesam sakincanasapalibodhatthena gharavaso sambadhova. Rajopathoti
ragarajadinam utthanatthananti mahaatthakathayam vuttam. Agamanapathotipi vattati.
Alagganatthena abbhokaso viyati abbhokaso. Pabbajito hi kutagararatana-
pasadadevavimanadisu pihitadvaravatapanesu paticchannesu vasantopi neva laggati
na sajjati na bajjhati. Tena vuttam "abbhokaso pabbajja"ti. Apica sambadho
gharavaso kusalakiriyaya okasabhavato. Rajopatho asamvutasankaratthanam viya rajanam
kilesarajanam sannipatatthanato. Abbhokaso pabbajja kusalakiriyaya yathasukham
okasasabbhavato.
@Footnote: 1 cha.Ma. pabbajita   2 Si. jato
    Nayidam sukaram .pe. Pabbajeyyanti ettha ayam sankhepakatha:- yadetam
sikkhattayabrahmacariyam ekampi divasam akhandam katva carimakacittam papetabbataya
ekantaparipunnam. Ekadivasampi ca kilesamalena amalinam katva carimakacittam
papetabbataya ekantaparisuddham, sankhalikhitam likhitasankhasadisam dhotasankhasappatibhagam
caritabbam, idam na sukaram agaram ajjhavasata agaram ajjhavasantena ekantaparipunnam
.pe. Caritum. Yannunaham kese ca massunca oharetva kasaya rasapitataya
kasayani brahmacariyam carantanam anucchavikani vatthani acchadetva paridahitva
agarasma nikkhamitva anagariyam pabbajeyyanti. Ettha ca yasma agarassa hitam
kasivanijjadikammam agariyanti vuccati, tanca pabbajjaya natthi. Tasma pabbajja
anagariyati natabba, tam anagariyam. Pabbajeyyanti patipajjeyyam. Appam vati
sahassato hettha bhogakkhandho appo nama hoti, sahassato patthaya maha.
Abandhanatthena nati eva parivatto natiparivatto. So visatiya hettha appo
hoti, visatiya patthaya maha.
    [292] Bhikkhunam sikkhasajivasamapannoti ya bhikkhunam adhisilasankhata sikkha,
tanca, yattha cete saha jivanti ekajivika sabhagavuttino honti, tam bhagavata
pannattasikkhapadasankhatam sajivanca tattha sikkhanabhavena samapannoti bhikkhunam
sikkhasajivasamapanno. Samapannoti sikkham paripurento, sajivanca avitikkamanto
hutva tadubhayam upagatoti attho. Panatipatam pahayatiadisu panatipatadikatha
hettha vittharita eva. Pahayati imam panatipatacetanasankhatam dussilyam
pajahitva. Pativirato hotiti pahinakalato patthaya tato dussilyato orato viratova
hoti. Nihitadando nihitasatthoti parupaghatatthaya dandam va sattham va adaya
avattanato nikkhittadando ceva nikkhittasattho cati attho. Ettha ca thapetva
dandam sabbampi avasesam upakaranam sattanam vihimsanabhavato satthanti veditabbam.
Yampana bhikkhu kattaradandam va dantakatthavasim va pipphalakam va gahetva vicaranti,
na tam parupaghatatthaya. Tasma nihitadando nihitasatthotveva sankham gacchati.
Lajjiti papajigucchanalakkhanaya lajjaya samannagato. Dayapannoti dayam mettacittatam
Apanno. Sabbapanabhutahitanukampiti sabbe panabhute hitena anukampako, taya
dayaya sampannataya 1- sabbesam panabhutanam hitacittakoti attho. Viharatiti iriyati
paleti.
    Dinnameva adiyatiti dinnadayi. Cittenapi dinnameva patikankhatiti
dinnapatikankhi. Thenetiti theno. Na thenena athenena. Athenattayeva sucibhutena.
Attanati attabhavena, athenam sucibhutam attabhavam katva viharatiti vuttam hoti.
    Abrahmacariyanti asetthacariyam. Brahmam settham acaram caratiti brahmacari.
Aracariti abrahmacariyato duracari. 2- Methunati ragapariyutthanavasena sadisatta
methunakati laddhavoharehi patisevitabbato methunati sankham gata asaddhamma.
Gamadhammati gamavasinam dhamma.
    Saccam vadatiti saccavadi. Saccena saccam sandahati ghatetiti saccasandho,
na antarantara musa vadatiti attho. Yo hi puriso kadaci musa vadati, kadaci
saccam, tassa musavadena antaritatta saccam saccena na ghatiyati. Tasma na so
saccasandho, ayampana na tadiso, jivitahetupi musavadam avatva saccena saccam
sandahatiyevati saccasandho. Thetoti thiro, thirakathoti attho. Eko hi puggalo
haliddirago viya, thusarasimhi nikhatakhanu viya, assapitthe thapitakumbhandamiva ca
na thirakatho hoti. Eko pasanalekha viya indakhilo viya ca thirakatho hoti, asina
sise chijjantepi dve katha na katheti, ayam vuccati theto. Paccayikoti
pattiyayitabbako, saddhayikoti attho. Ekacco hi puggalo na paccayiko hoti,
"idam kena vuttam, asukena"ti vutte "ma tassa vacanam saddahatha"ti vattabbatam
apajjati. Eko paccayiko hoti, idam kena vuttam, asukena"ti vutte "yadi
tena vuttam, idameva pamanam, idani upaparikkhitabbam 3- natthi, evameva idan"ti
vattabbatam apajjati, ayam vuccati paccayiko. Avisamvadako lokassati taya
saccavaditaya lokam na visam vadetiti attho.
@Footnote: 1 cha.Ma. taya dayapannataya   2 cha.Ma. duracari
@3 Si. parikkhitabbam, Ma. pativekkhitabbam
    Imesam bhedayati yesam ito sutvati vuttanam santike sutam, tesam
bhedaya. Bhinnanam va sandhatati dvinnampi mittanam va samanupajjhayakadinam
va kenacideva karaniyena 1- bhinnanam ekamekam upasankamitva "tumahakam idise
kule jatanam evam bahussutanam idam na yuttan"tiadini vatva sandhanam katta.
Anuppadatati sandhananuppadata, dve jane samagge disvapi "tumhakam
evarupe kule jatanam evarupehi gunehi samannagatanam anucchavikametan"tiadini
vatva dalhikammam kattati attho. Samaggo aramo assati samaggaramo. Yattha
samaggo 2- natthi, na tattha vasitum icchatiti attho. "samaggaramo"tipi pali,
ayamevettha attho. Samaggaratoti samaggesu rato, te pahaya annattha gantum 3-
na acchatiti attho. Samagge disvapi sutvapi nandatiti samagganandi. Samaggakaranim
vacam bhasitati ya vaca satte samaggeyeva karoti, tam samaggigunaparidipakameva
vacam bhasati, na itaranti.
    Nelati elam vuccati doso, nassa elanti nela, niddosati attho.
"nelango setapacchado"ti 4- ettha vuttanelam 5- viya. Kannasukhati byanjanamadhurataya
kannanam sukha, sucivijjhanam viya kannasulam na janeti. Atthamadhurataya sakalasarire
kopam ajanetva pemam janetiti pemaniya. Hadayam gacchati, appatihannamana
sukhena cittam pavisatiti hadayangama. Gunaparipunnataya pure bhavati pori, pure
samvaddhanari viya sukumaratipi pori, purassa esatipi pori, nagaravasinam kathati
attho. Nagaravasino hi yuttakatha honti, pitimattam pitati, matimattam matati,
bhatimattam bhatati vadanti. Evarupi katha bahuno janassa kanta hotiti bahujanakanta.
Kantabhaveneva bahuno janassa manapa cittavuddhikarati 6- bahujanamanapa.
    Kalena vadatiti kalavadi, vattabbayuttakalam sallakkhetva vadatiti attho.
Bhutam taccham sabhavameva vadatiti bhutavadi. Ditthadhammikasamparayikatthasannissitameva
katva vadatiti atthavadi. Navalokuttaradhammasannissitam vacam katva vadatiti dhammavadi.
@Footnote: 1 cha.Ma. karanena        2 cha.Ma. samagga     3 cha.Ma. annatra gantumpi
@4 khu.u. 25/65/206 aparalakundakabhaddiyasutta  5 Si. vuttasilam  cha.Ma.
@6 cittavuddhikarati
Samvaravinayapahanavinayasannissitam katva vadatiti vinayavadi. Nidhanam vuccati thapanokaso,
nidhanamassa atthiti nidhanavati, hadaye nidhatabbayuttavacam bhasitati attho.
Kalenati evarupim bhasamanopi ca "aham nidhanavatim vacam bhasissami"ti na
akalena bhasati, yuttakalampana avekkhitva bhasatiti attho. Sapadesanti saupamam,
sakarananti attho. Pariyantavatinti paricchedam dassetva yathassa paricchedo
pannayati, evam bhasatiti attho atthasanhitanti anekehipi nayehi vibhajantena
pariyadatum asakkuneyyatta atthasampannam, yam va so atthavadi attham vadati,
tenatthena sanhitatta atthasanhitavacam bhasati, na annam nikkhipitva annam
bhasatiti vuttam hoti.
    [293] Bijagamabhutagamasamarambhati mulabijam khandhabijam phalubijam 1- aggabijam
bijabijanti pancavidhassa bijagamassa ceva yassa kassaci nilatinarukkhadikassa
bhutagamassa ca samarambha, chedanabhedanapacanadibhavena vikopana pativiratoti attho.
Ekabhattikoti patarasabhattam sayamasabhattanti dve bhattani. Tesu patarasabhattam
antomajjhantikena paricchinnam, itaram majjhantikato uddham antoarunena. Tasma
antomajjhantike dasakkhattum bhunjamanopi ekabhattiko hoti, tam sandhaya vuttam
"ekabhattiko"ti. Rattiya bhojanam ratti, tato uparatoti rattuparato. Atikkante
majjhantike yava suriyatthangamana bhojanam vikalabhojanam nama. Tato viratatta
virato vikalabhojana. Sasanassa ananulomatta visukam patanibhutam dassananti
visukadassanam. Attana naccananaccapanadivasena nacca ca gita ca vadita ca antamaso
mayuranaccanadivasenapi pavattanam naccadinam visukabhuta dassana cati
naccagitavaditavisukadassana. Naccadini hi attana payojetum va parehi payojapetum va
payuttani passitum va neva bhikkhunam na bhikkhuninam vattanti. Maladisu malati
yankinci puppham. Gandhanti yankinci gandhajatam. Vilepananti chaviragakaranam. Tattha
pilandhanto dhareti nama. Unatthanam purento mandeti nama. Gandhavasena
chaviragavasena ca sadiyanto vibhuseti nama. Thanam vuccati karanam. Tasma yaya
dussilyacetanaya tani maladharanadini mahajano karoti, tato pativiratoti attho.
@Footnote: 1 cha.Ma. phalubijam
    Uccasayanam vuccati pamanatikkantam. Mahasayanam nama akappiyattharanam.
Tato pativiratoti attho. Jatarupanti suvannam. Rajatanti kahapano lohamasako
jatumasako darumasakoti ye voharam gacchanti, tassa ubhayassapi patiggahana
pativirato, neva nam ugganhati, na ugganhapeti, na upanikkhittam sadiyatiti
attho. Amakadhannapatiggahanati salivihiyavagodhumakanguvarakakudrusakasankhatassa
sattavidhassapi amakadhannassa patiggahana. Na kevalanca etesam patiggahanameva,
amasanampi bhikkhunam na vattatiyeva. Amakamamsapatiggahanati ettha annatra uddissa 1-
anunnata amakamamsamacchanam patiggahanameva bhikkhunam na vattati, no amasanam.
    Itthikumarikapatiggahanati ettha itthiti purisantaragata, itara kumarika
nama. Tasam patiggahanampi amasanampi akappiyameva. Dasidasapatiggahanati ettha
dasidasavaseneva tesam patiggahanam na vattati, "kappiyakarakam dammi, aramikam
dammi"ti evam vutte pana vattati. Ajelakadisupi khettavatthupariyosanesu
kappiyakappiyanayo vinayavasena upaparikkhitabbo. Tattha khettam nama yasmim pubbannam
ruhati. Vatthu nama yasmim aparannam ruhati. Yattha va ubhayampi ruhati, tam khettam.
Tadatthaya akatabhumibhago vatthu. Khettavatthusisena cettha vapitalakadinipi sangahitaneva.
Duteyyam vuccati dutakammam, gihinam pannam va sasanam va gahetva tattha tattha
gamanam. Pahinagamanam vuccati ghara gharam pesitassa khuddakagamanam. Anuyogo nama
tadubhayakaranam, tasma duteyyapahinagamananam anuyogoti 2- evamettha attho datthabbo. 3-
    Kayavikkayati kaya ca vikkaya ca. Tulakutadisu kutanti vancanam. Tattha
tulakutantava rupakutam angakutam gahanakutam paticchannakutanti catubbidham hoti. Tattha
rupakutam nama dve tula samarupa 4- katva ganhanto mahatiya ganhati, dadanto
khuddikaya deti. Angakutam nama ganhanto pacchabhage hatthena tulam akkamati,
dadanto pubbabhage. Gahanakutam nama ganhanto mule rajjum ganhati, dadanto
agge. Paticchannakutam nama tulam susiram katva anto ayacunnam pakkhipitva
@Footnote: 1 cha.Ma. odissa   2 cha.Ma. anuyogati        3 cha.Ma. veditabbo  4 cha.Ma. sarupa
Ganhanto tam pacchabhage karoti, dadanto aggabhage. Kamso vuccati suvannapati,
taya vancanam kamsakutam. Katham? ekam suvannapatim katva anna dve tisso
lohapatiyo suvannavanna karoti, tato janapadam gantva kincideva addhakulam
pavisitva "suvannabhajanani kinatha"ti vatva agghe pucchite samagghataram
datukama honti. Tato tehi "katham imesam suvannabhavo janitabbo"ti vutte
"vimamsitva ganhatha"ti suvannapatim pasane ghamsitva sabba patiyo datva
gacchati.
    Manakutam nama hadayabhedasikhabhedarajjubhedavasena tividham hoti. Tattha hadayabhedo
sappiteladiminanakale labbhati. Tani hi ganhanto hettha chiddena manena
"sanikam asinca"ti vatva antobhajane bahum paggharapetva ganhati, dadanto
chiddam pidhaya sigham puretva deti. Sikhabhedo tilatanduladiminanakale labbhati.
Tani hi ganhanto hettha 1- sanikam sikham ussapetva ganhati, dadanto vegena
puretva sikham chindanto deti. Rajjubhedo khettavatthuminanakale labbhati. Lancam 2-
alabhanta hi khettam amahantampi mahantam katva minanti.
    Ukkotanadisu ukkotananti samike assamike katum lancaggahanam.
Vancananti tehi tehi upayehi paresam vancanam. Tatridamekam vatthu:- eko kira
luddako miganca migapotakanca gahetva agacchati. Tameko dhutto "kim migo
agghati, kim migapotako"ti aha. "migo dve kahapane migapotako ekan"ti ca
vutte kahapanam datva migapotakam gahetva thokam gantva nivatto "na me bho
migapotakena attho, migam me dehi"ti aha. Tena hi "dve kahapane dehi"ti.
So aha "nanu te bho maya pathamam eko kahapano dinno"ti. Ama
dinnoti. "imampi migapotakam ganha, evam so ca kahapano ayam ca kahapanagghanako
migapotakoti dve kahapana bhavissanti"ti. So karanam vadatiti sallakkhetva
migapotakam gahetva migam adasiti.
@Footnote: 1 cha.Ma. ayam saddo na dissati       2 cha.Ma. lanjam
    Nikatiti yogavasena va mayavasena va apamangam pamanganti, amanim
maninti, asuvannam suvannanti katva patirupakena vancanam. Saciyogoti
kutilayogo, etesamyeva ukkotanadinametam namam, tasma ukkotanasaciyogo
vancanasaciyoto nikatisaciyogoti evamettha attho datthabbo. Keci annam dassetva
annassa parivattanam saciyogoti vadanti. Tampana vancaneneva sangahitam. Chedanadisu
chedananti hatthacchedanadi. Vadhoti maranam. Bandhoti rajjubandhanadihi bandhanam.
Viparamosoti himaviparamoso gumbaviparamosoti duvidho. Yam himapatasamaye himena
paticchanna hutva maggapatipannam janam musanti, ayam himaviparamoso. Yam gumbadihi
paticchanna musanti, ayam gumbaviparamoso. Alopo vuccati gamanigamadinam vilopakaranam.
Sahasakaroti sahasikakiriya, geham pavisitva manussanam ure sattham thapetva
icchitabhandaggahanam, evametasma chedana .pe. Sahasakara pativirato hoti.
    [294] So santuttho hotiti svayam bhikkhu hettha vuttena catusu
paccayesu dvadasavidhena itaritarapaccayasantosena samannagato hoti. Imina pana
dvadasavidhena itaritarapaccayasantosena samannagatassa bhikkhuno atthaparikkhara
vattanti tini civarani patto dantakatthacchedanavasi eka suci kayabandhanam
parissavananti. Vuttampi cetam:-
              "ticivaranca patto ca      vasi suci ca bandhanam
               parissavanena atthete   yuttayogassa bhikkhuno"ti.
    Te sabbe kayaparihariyapi 1- honti kucchiparihariyapi. 1- Katham? ticivaram tava
Nivasetva parupitva ca vicaranakale kayam pariharati posetiti kayaparihariyam 1-
hoti, civarakannena udakam parissavetva pivanakale khaditabbaphalaphalaggahanakale
ca kucchim pariharati posetiti kucchiparihariyam hoti. Pattopi tena udakam uddharitva
nhanakale kutiparibhandakaranakale ca kayaparihariyo hoti. Aharam gahetva
bhunjanakale 2- kucchiparihariyo 3- hoti. Vasipi taya dantakatthacchedanakale
mancapithanam
@Footnote: 1 cha.Ma. kayapariharikapi,...harikam, evamuparipi,  2 Si.Ma. valanjanakale
@3 cha.Ma. kucchiparihariko
Angapadacivarakutidandakacchedanakale 1- ca kayaparihariya hoti, ucchucchedana-
nalikeraditacchanakale kucchiparihariya. Sucipi civarasibbanakale kayaparihariya hoti,
puvam va phalam va vijjhitva khadanakale kucchiparihariya. Kayabandhanam bandhitva
vicaranakale kayaparihariyam, ucchuadini bandhitva gahanakale kucchiparihariyam.
Parissavanam tena udakam parissavetva nhanakale senasanaparibhandakaranakale
ca kayaparihariyam, paniyaparissavanakale 2- teneva tilatandulaputhukadini gahetva
khadanakale ca kucchiparihariyam. Ayantava atthaparikkharikassa parikkharamatta.
    Navaparikkharikassa pana seyyam pavisantassa tatratthakam paccattharanam va
kuncika va vattati. Dasaparikkharikassa nisidanam va cammakkhandam vatatati.
Ekadasaparikkharikassa kattarayatthi va telanalika va vattati. Dvadasaparikkharikassa
chattam va upahana va vattati. Etesu pana atthaparikkharikova santuttho,
itare asantuttha, mahiccha maharagati 3- na vattabba. Etepi hi appicchava
santutthava subharava sallahukavuttinova. Bhagava pana nayimam suttam tesam vasena
kathesi, atthaparikkharikassa vasena kathesi. So hi khuddakavasinca sucinca parissavane
pakkhipitva pattassa anto thapetva pattam amsakute laggetva ticivaram kayapatibaddham
katva yenicchakam sukham pakkamati. Patinivattetva gahetabbam namassa na hoti,
iti imassa bhikkhuno sallahukavuttitam dassento bhagava santuttho hoti
kayaparihariyena 4- civarenatiadimaha.
    Tattha kayaparihariyenati 4- kayapariharanamattakena. Kucchiparihariyenati 4-
kucchipariharanamattakena. Samadayeva pakkamatiti tam atthaparikkharamattakam sabbam
gahetva kayapatibaddham katvava gacchati, "mama viharo parivenam upatthako"tissa
sango va bandho va na hoti, so jiyamutto saro viya, yutha apakkanto
mattahatthi viya, icchiticchitam senasanam vanasandam rukkhamulam vanapabbharam 5-
paribhunjanto ekova titthati, ekova nisidati, sabbiriyapathesu ekova adutiyo.
@Footnote: 1 cha.Ma. anga...sajjanakale  2 Si. paniyapanakaparissavanakale
@3 cha.Ma.mahabharati, si, mahaejati  4 cha.Ma. kaYu...rikena,...kucchi...rikena,
@evamuparipi    5 Si.vanam pabbharam
                   "catuddiso appatigho ca hoti
                    santussamano itaritarena
                    parissayanam sahita achambhi
                    eko care khaggavisanakappo"ti. 1-
    Evam vannitam khaggavisanakappatam apajjati.
    Idani tamattham upamaya sadhento seyyathapitiadimaha. Tattha pakkhi
sakunoti pakkhayutto sakuno. Detiti uppatati. Ayam panettha sankhepattho:- sakuna
nama "asukasmim padese rukkho paripakkaphalo"ti natva nanadisahi agantva
nakhapakkhatundadihi tassa phalani vijjhanta vidhunanta khadanti, "idam ajjatanaya
idam svatanaya bhavissati"ti tesam na hoti. Phale pana parikkhine 2- neva rukkhassa
arakkham thapenti, na tattha pattam va nakham va tundam va thapenti, athakho
tasmim rukkhe anapekkho hutva yo yam disabhagam icchati, so tena sapattabharova
uppatitva gacchati, evameva ayam bhikkhu nissango nirapekkhoyeva pakkamati. Tena
vuttam "samadayeva pakkamati"ti. Ariyenati niddosena. Ajjhattanti sake
attabhave. Anavajjasukhanti niddosasukham.
    [295] So cakkhuna rupam disvati so imina ariyena silakkhandhena
samannagato bhikkhu cakkhuvinnanena rupam passitvati attho. Sesapadesu yam vattabbam
siya, tam sabbam visuddhimagge vuttam. Abyasekasukhanti kilesehi anavasittasukham,
avikinnasukhantipi vuttam. Indriyasamvarasukhanhi ditthadisu ditthamattadivasena
pavattataya avikinnam hoti. So abhikkante patikkanteti so manacchatthanam
indriyanam samvarena samannagato bhikkhu imesu abhikkantapatikkantadisu sattasu
thanesu satisampajannavasena sampajanakari hoti. Tattha yam vattabbam siya, tam satipatthane
vuttameva.
    [296] So imina catiadina kim dasseti? arannavasassa paccayasampattim
Dasseti. Yassa hi ime cattaro paccaya natthi, tassa arannavaso na icchati,
@Footnote: 1 khu. sutta. 25/42/343 khaggavilanasutta         2 cha.Ma. khine
Tiracchanagatehi va vanacarakehi va saddhim vattabbatam apajjati, aranne adhivattha
devata "kim evarupassa papabhikkhuno arannavasena"ti bheravasaddam saventi,
hatthena 1- sisam paharitva palayanakaram karonti, "asuko bhikkhu arannam pavisitva
idancidanca papakammam akasi"ti ayaso pattharati. Yassa panete cattaro
paccaya atthi, tassa arannavaso ijjhati, so hi attano silam paccavekkhanto
kinci kalakam va tilakam va apassanto pitim uppadetva tam khayato vayato
sammasanto ariyabhumim okkamati, aranne adhivattha devata attamana vannam
bhasanti, itissa udake pakkhittatilatelabindu viya yaso vitthariko hoti.
    Tattha vivittanti sunnam appasaddam, appanigghosanti attho. Etadeva
hi sandhaya vibhange "vivittanti santike cepi senasanam hoti, tanca
anakinnam gahatthehi pabbajitehi, tena tam vivittan"ti 2- vuttam. Seti ceva
asati ca etthati senasanam, mancapithadinametam adhivacanam, tenaha "senasananti
mancopi senasanam, pithampi, bhisipi, bimbohanampi, 3- viharopi, addhayogopi,
pasadopi, hammiyampi, guhapi, attopi, malopi, lenampi, velugumbopi,
rukkhamulampi, mandapopi senasanam, yattha va pana bhikkhu patikkamanti, sabbametam
senasanan"ti. Apica "viharo addhayogo pasado hammiyam guha"ti idam
viharasenasanam nama. "manco pitham bhisi bimbohanan"ti idam mancapithasenasanam
nama. "cimilika cammakkhando tinasantharo pannasantharo"ti idam santhatasenasanam
nama, "yattha va pana bhikkhu patikkamanti"ti idam okasasenasanam namati evam
catubbidham senasanam hoti, tam sabbampi senasanaggahanena gahitameva. Imassa
pana sakunasadisassa catuddisikassa 4- bhikkhuno anucchavikam dassento arannam
rukkhamulantiadimaha.
    Tattha arannanti "nikkhamitva bahi indakhila, sabbametam arannan"ti
idam bhikkhuninam vasena agatam arannam. "arannakam nama senasanam pancadhanusatikam
@Footnote: 1 cha.Ma. hatthehi   2 abhi.vi. 35/526/302  3 Ma. nibbohanampi   4 cha.Ma. catuddissa
Pacchiman"ti 1- idam pana imassa bhikkhuno anurupam, tassa lakkhanam visuddhimagge
dhutanganiddese vuttam. Rukkhamulanti yankinci santacchayam 2- vivittam
rukkhamulam. Pabbatanti selam. Tattha hi udakasondisu udakakiccam katva sitaya
rukkhacchayaya nisinnassa nanadisasu khayamanasu sitena vatena vijiyamanassa cittam
ekaggam hoti. Kandaranti kam vuccati udakam, tena daritam, udakena bhinnam
pabbatappadesam, yam naditumbantipi nadikunjantipi vadanti. Tattha hi rajatapattasadisa
valika honti, matthake manivitanam viya vanagahanam, manikkhandhasadisam udakam sandati.
Evarupam kandaram oruyha paniyam pivitva gattani sitani katva valikam
ussapetva pamsukulacivaram pannapetva nisinnassa samanadhammam karoto cittam
ekaggam hoti. Giriguhanti dvinnam pabbatanam antara, 3- ekasmimyeva va
umangasadisam mahavivaram. Susanalakkhanam visuddhimagge vuttam. Vanapatthanti
atikkamitva manussanam upacaratthanam, yattha na kasanti na vapanti. Tenevaha
"vanapatthanti duranametam senasananam adhivacanan"tiadi. 4- Abbhokasanti acchannam,
akankhamano panettha civarakutim katva vasati. Palalapunjanti palalarasim.
Mahapalalapunjato hi palalam nikkaddhitva pabbharalenasadise alaye karonti,
gacchagumbadinampi upari palalam pakkhipitva hettha nisinna samanadhammam karonti, tam
sandhayetam vuttam.
    Pacchabhattanti bhattassa pacchato. Pindapatapatikkantoti pindapatapariyesanato
patikkanto pallankanti samantato urubaddhasanam. Abhujitvati bandhitva.
Ujum kayam panidhayati uparimam sariram ujukam thapetva attharasa pitthikantake
kotiya kotim patipadetva. Evam hi nisinnassa cammamamsanaharuni na panamanti.
Athassa ya tesam panamanapaccaya khane khane vedana uppajjeyyum, ta na
uppajjanti, tasu anuppajjamanasu cittam ekaggam hoti. Kammatthanam na paripatati,
vuddhim phatim upagacchati. Parimukham satim upatthapetvati kammatthanabhimukham satim
thapayitva, mukhasamipe va katvati attho. Teneva vibhange vuttam "ayam
sati upatthita hoti
@Footnote: 1 vi. mahavi. 2/654/97 sasankasikkhapada      2 cha.Ma. sandacchayam
@3 Ma. antaram               4 abhi.vi. 35/531/303
Supatthita hoti nasikagge va mukhanimitte va, tena vuccati parimukham satim
upatthapetva"ti. 1- Athava "pariti pariggahattho, mukhanti niyyanattho, satiti
upatthanattho, tena vuccati parimukham satin"ti 2- evam patisambhidayam
vuttanayenevettha 3- attho datthabbo. Tatrayam sankhepo:- "pariggahitaniyyanam
satim katva"ti.
    Abhijjham loketi ettha lujjanapalujjanatthena pancupadanakkhandha loko,
tasma pancasu upadanakkhandhesu ragam pahaya kamacchandam vikkhambhetvati
ayamettha attho. Vigatabhijjhenati vikkhambhanavasena pahinatta vigatabhijjheneva,
na cakkhuvinnanasadisenati attho. Abhijjhaya cittam parisodhetiti abhijjhato
cittam parimoceti. Yatha tam sa muncati ceva, muncitva ca na puna ganhati,
evam karotiti attho. Byapadapadosam pahayatiadisupi eseva nayo. Byapajjati
imina cittam putikummasadayo viya purimapakatim pajahatiti byapado. Vikarapattiya
padussati, param va paduseti vinasetiti padoso. Ubhayametam kodhassevadhivacanam. Thinam
cittagelannam. Middham cetasikagelannam. Thinanca middhanca thinamiddham. Alokasanniti
rattimpi divapi ditthalokasanjananasamatthataya vigatanivaranaya parisuddhaya sannaya
samannagato. Sato sampajanoti satiya ca nanena ca samannagato, idam ubhayam
alokasannaya upakarakatta vuttam. Uddhaccanca kukkuccanca uddhaccakukkuccam.
Tinnavicikicchoti vicikiccham taritva atikkamitva thito. "kathamidam kathamidan"ti
evam nappavattatiti akathamkathi. Kusalesu dhammesuti anavajjesu dhammesu. "ime nu kho
kusala, kathamime kusala"ti evam na vicikicchati na kankhatiti attho. Ayamettha
sankhepo, imesu pana nivaranesu vacanatthalakkhanadibhedato yam vattabbam siya, tam
sabbam visuddhimagge vuttam.
    [297] Pannaya dubbalikaraneti ime panca nivarana uppajjamana
anuppannaya lokiyalokuttaraya pannaya uppajjitum na denti, uppannapi
atthasamapattiyo panca va abhinna ucchinditva 4- patenti, tasma "pannaya
@Footnote: 1 abhi.vi. 35/537/304           2 khu. pati. 31/388/264 (sya)
@3 cha.Ma. vuttanayenapettha       4 Ma. upacchinditva
Dubbalikarana"ti vuccanti. Tathagatapadam itipiti idampi tathagatassa nanapadam
nanavalanjam nanena akkantatthananti vuccati. Tathagatanisevitanti tathagatassa
nanaphasukaya nighamsitatthanam. Tathagataranjitanti tathagatassa nanadathaya
aranjitatthanam.
    [299] Yathabhutam pajanatiti yathasabhavam pajanati. Na tveva tava ariyasavako
nittham gato hotiti ima jhanabhinna bahirakehipi sadharanati na tava nittham
gato hoti. Maggakkhanepi apariyositakiccataya na tava nitthagato hoti. Apica kho
nittham gacchatiti apica kho pana maggakkhane mahahatthim passanto nagavaniko viya
sammasambuddho bhagavati imina akarena tisu ratanesu nittham gacchati. Nittham
gato hotiti evam maggakkhane nittham gacchanto arahattaphalakkhane
pariyositasabbakiccataya sabbakarena tisu ratanesu nittham gato hoti. Sesam sabbattha 1-
uttanatthamevati.
                    Papancasudaniya majjhimanikayatthakathaya
                    culahatthipadopamasuttavannana nitthita.
                          ------------



             The Pali Atthakatha in Roman Book 8 page 102-125. http://84000.org/tipitaka/atthapali/read_rm.php?B=8&A=2597&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=2597&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=12&i=329              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=5763              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=6830              The Pali Tipitaka in Roman Character :- http://84000.org/tipitaka/read/roman_read.php?B=12&A=6830              Contents of The Tipitaka Volume 12 http://84000.org/tipitaka/read/?index_12

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]