ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 6 : PALI ROMAN Di.A. (sumangala.3)

page152.

9. Atanatiyasutta pathamabhanavaravannana [275] Evamme sutanti atanatiyasuttam. Tatrayam anupubbapadavannana:- catuddisam rakkham thapetvati asurasenaya nivaranattham sakkassa devanamindassa catusu disasu arakkham thapetva. Gumbam thapetvati balagumbam thapetva. Ovaranam thapetvati catusu disasu arakkhike thapetva. Evam sakkassa devarajassa arakkham susamvihitam katva atanatanagare 1- nisinna satta buddhe arabbha imam parittam bandhitva "ye satthu dhammaanam amhakanca rajaanam na sunanti, tesam idancidanca karissama"ti savanam katva attanopi catusu disasu mahatiya ca yakkhasenayati adihi catuhi senahi arakkham samvidahitva abhikkantaya rattiya .pe. Ekamantam nisidimsu. Abhikkantaya rattiyati ettha abhikkantasaddo khayasundarabhi- rupaabbhanumodanadisu 2- dissati. Tattha "abhikkanta bhante ratti, nikkhanto pathamo yamo, ciram nisinno bhikkhusamgho uddissatu bhante bhagava bhikkhunam patimokkhan"ti 3- evamadisu khaye dissati. "ayam imesam catunnam puggalanam abhikkantataro ca panitataro ca"ti 4- evamadisu sundare. "ko me vandati padani, iddhiya yasasa jalam. Abhikkantena vannena sabba obhasayam disa"ti 5- evamadisu abhirupe. "abhikkantam bho gotama abhikkantam bho gotama"ti 6- evamadisu abbhanumodane. 7- Idha pana khaye. Tena abhikkantaya rattiya, parikkhinaya rattiyati vuttam hoti. @Footnote: 1 cha.Ma., i. atanatanagare evamuparipi 2 cha.Ma., i...... abbhanumodanadisu @evamuparipi 3 an. atthaka. 23/110/207 uposathasutta (sya) @4 an. catukka. 21/100/113 potaliyasutta. 5 khu. vimana. 26/857/87 @mandukadevaputtavimana 6 vinaYu. mahavi. 1/15/7 veranjakanda., @khu. suttanipata. 25/82/352 kasibharadvajasutata 7 cha.Ma. abbhanumodane

--------------------------------------------------------------------------------------------- page153.

Abhikkantavannati idha abhikkantasaddo abhirupe. Vannasaddo pana chavithutikulavaggakaranasanthanapamanarupayatanadisu dissati. Tattha "suvannavannosi bhagava"ti 1- evamadisu chaviyam. "kada sannulha pana te gahapati ime samanassa gotamassa vanna"ti 2- evamadisu thutiyam. "cattarome bho gotama vanna"ti 3- evamadisu kulavagge. "atha kena nu vannena gandhatthenoti vuccati"ti 4- evamadisu karane. "mahantam hatthirajavannam abhinimminitva"ti 5- evamadisu santhane. "tayo pattassa vanna"ti 6- evamadisu pamane. "vanno gandho raso oja"ti evamadisu rupayatane. So idha chaviyam datthabbo. Tena "abhikkantavannati, abhirupacchavi"ti vuttam hoti. Kevalakappanti ettha kevalasaddo anavasesayebhuyyaabyamissanatireka- dalhatthavisamyogadianekattho. Tatha hissa "kevalaparipunnam parisuddham brahma- cariyan"ti 7- evamadisu anavasesata attho. "kevalakappa ca angamagadha 8- pahutam khadaniyam bhojaniyam adaya abhikkamitukama honti"ti 9- evamadisu yebhuyyata. "kevalassa dukkhakkhandhassa samudayo hoti"ti 10- evamadisu abyamissata. "kevalam saddhamattakam nuna ayamayasma"ti 11- evamadisu anatirekata. "ayasmato bhante anuruddhassa bahiko nama saddhimvihariko kevalakappam samghabhedaya thito"ti 12- evamadisu dalhatthata. "kevali vusitva uttamapurisoti vuccati"ti 13- evamadisu visamyogo. Idha panassa anavasesata attho adhippeto. Kappasaddo panayam abhisaddahanavoharakalapannattichedanavikappa- lesasamantabhavadianekattho. Tathahissa "okappaniyametam bhoto gotamassa. Yatha tam arahato sammasambuddhassa"ti 14- evamadisu abhisaddahanamattho. "anujanami @Footnote: 1 Ma.Ma. 13/399/384 selasutta 2 Ma.Ma. 13/77/54 upalivadasutta @3 di. Si.. 9/266/92 tatiyaibbhavada 4 sam. saga. 15/234/246 padumapupphasutta @5 sam. saga. 15/138/124 6 vinaYu. mahavi. 2/602/68 @7 vinaYu. mahavi. 2/1/1 8 cha.Ma., i. angamagadha @9 vinaYu. mahavagga 4/43/37 10 vinaYu. mahavagga 4/1/1 @11 an. chakka. 22/326/420 12 an. catukka. 21/243/267 samghabhedakasutta @13 an. dasaka. 24/12/13 pancangasutta 14 Ma.mu. 12/387/345 mahasaccakasutta

--------------------------------------------------------------------------------------------- page154.

Bhikkhave pancahi samanakappehi phalam paribhunjitun"ti 1- evamadisu voharo. "yena sudam niccakappam viharami"ti 2- evamadisu kalo. "iccayasma kappo"ti 3- evamadisu pannatti. "alankato kappitakesamassu"ti 4- evamadisu chedanam. "kappati dvangulakappo"ti 5- evamadisu vikapPo. "atthi kappo nipajjitun"ti 6- evamadisu leso. "kevalakappam veluvanam obhasetva"ti 7- evamadisu samantabhavo. Idha panassa samantabhavo attho adhippeto. Tasma "kevalakappam gijjhakutan"ti ettha anavasesam samantato gijjhakutanti evamattho datthabbo. Obhasetvati vatthamalalankarasarirasamutthitaya abhaya pharitva. Candima viya suriyo viya ca ekobhasam ekapajjotam karitvati attho. Ekamantam nisidimsuti devatanam dasabalassa santike nisinnatthanam nama na bahum. 8- Imasmim pana sutte parittagaravavasena nisidimsu. [276] Vessavanoti kincapi cattaro maharajano agata. Vessavano pana dasabalassa vissasiko kathapavattane byatto susikkhito, tasma vessavano maharaja bhagavantam etadavoca. Ularati mahesakkha anubhavasampanna. Panatipata veramaniyati panatipate ditthadhammikasamparayikam adinavam dassetva tato veramaniya dhammam deseti. Sesesupi eseva nayo. Tattha santi ulara yakkha nivasinoti tesu senasanesu santi ulara yakkha nibaddhavasino. Atanatiyanti atanatanagare bandhatta 9- evamnamam. Kimpana bhagavato apaccakkhadhammo nama atthiti, natthi. Atha kasma vessavano "ugganhatu bhante bhagava"ti aha. 10- Okasakaranattham. So hi bhagavantam imam parittam savetum okasam karento evamaha. Satthu kathite imam parittam garu bhavissatitipi aha. Phasuviharayati gamanatthanadisu catusu iriyapathesu sukhaviharaya. @Footnote: 1 vinaYu. cula. 7/250/7 2 Ma.mu. 12/387/345/ mahasaccakasutta @3 khu. su. 25/1099/544 4 khu. vimana. 26/73/124 (sya) @5 vinaYu. cula. 7/446/286 6 an atthaka. 23/185/345 @7 sam. saga 15/94/61 dighalatthisutta, 8 cha.Ma., i. bahu @9 cha.Ma., i. baddhatta 10 cha.Ma. adimaha

--------------------------------------------------------------------------------------------- page155.

[277] Cakkhumantassati na vipassiyeva cakkhuma, sattapi buddha cakkhumanto, tasma ekekassa buddhassa etani satta satta namani honti. Sabbepi buddha cakkhumanto, sabbepi sabbabhutanukampino, sabbepi nhatakilesatta 1- nhataka. Sabbepi marasenappamaddino, 2- sabbepi vusitavanto, sabbepi vippamutta, 3- sabbepi angato rasminam nikkhantatta angirasa. Na kevalanca buddhanam etaneva satta namani. Asankheyyani namani sagunena mahesinoti vuttam. Vessavano pana attano pakatanamavasena evamaha. Te janati idha khinasava janati adhippeta. Apisunati desanasisamattametam, amusa apisuna apharusa mantabhaninoti 4- attho. Mahantati mahantabhavam patta. "mahattatipi patho, mahantati attho. Vitasaradati nissarada vigatalomahamsa. Hitanti mettapharanena hitam. Yam namassantiti ettha yanti nipatamattam. Mahantanti mahattam. Ayameva va patho, idam vuttam hoti "ye capi nibbuta 5- loke kilesanibbanena nibbuta yathabhutam vipassimsu, vijjadigunasampannanca hitam devamanussanam gotamam namassanti, te jana apisuna, tesampi namatthu"ti. Atthakathayam pana te jana apisunati te buddha apisunati evam pathamagathaya buddhanamyeva vanno kathito, tasma pathamagatha sattannam buddhanam vasena vutta. Dutiyagathaya "gotamanti"ti desanamukhamattametam. Ayampana sattannamyeva vasena vuttati veditabba. Ayanhettha attho, loke pandita devamanussa yam namassanti gotamam, tassa ca tato purimananca buddhanam namatthuti. [278] Yato uggacchatiti yato thanato udeti. Adiccoti aditiya putto, vevacanamattam va etam suriyasaddassa. Mahantam mandalam assati mandalimaha. Yassa cuggacchamanassati yamhi uggacchamane. Samvaripi nirujjhatiti ratti antaradhayati. Yassa cuggateti yasmim uggate. @Footnote: 1 Si. nihatakilesatta 2 cha.Ma. marasenapamaddino, i. marasenappamaddana @3 cha.Ma. i. vimutta 4 si. mattabhanino 5 cha.Ma., i. nibbuta na dissati

--------------------------------------------------------------------------------------------- page156.

Rahadoti udakarahado. Tatthati yato uggacchati suriyo, tasmim thane. Samuddoti yo so rahadoti vutto, so na anno, athakho samuddoti. Saritodakoti visatodako, 1- sarita nanappakara nadiyo assa udake pavitthati va saritodako. Evantam tattha janantiti tam rahadam tattha evam jananti. Kinti jananti? samuddo saritodakoti evam jananti. Itoti sineruto va tesam nisinnatthanato va. Janoti ayam mahajano. Ekanamati indanamena ekanamaka. 2- Sabbesam kira tesam sakkassa devaranno namameva namam akamsu. Asiti dasa eko cati ekanavutijana. Indanamati indo indoti evamnama. Buddham adiccabandhunanti kilesaniddapagamenapi buddham. Adiccena samanagottatayapi adiccabandhunam. Kusalena samekkhasiti anavajjena nipunena va sabbannutananena mahajanam olokesi. Amanussapi tam vandantiti amanussapi tam "sabbannutananena mahajanam oloketi"ti 3- vatva vandanti. Sutam netam abhinhasoti etam amhehi abhikkhanam sutam. Jinam vandatha gotamam, jinam vandama gotamanti amhehi puttha jinam vandama gotamanti vadanti. [279] Yena peta pavuccantiti peta nama kalakata, te yena disabhagena nihariyantuti vuccanti. Pisuna pitathimamsikati pisunavaca ceva pitthimamsam khadanta viya parammukhagarahaka ca. Ete ca yena nihariyantuti vuccanti, sabbepi hete dakkhinadvarena niharitva dakkhinato nagarassa dayhantu va chindantu va hannantu vati evam vuccanti. Ito sa dakkhina disati yena disabhagena te peta ca pisunadika ca nihariyantuti vuccanti, ito sa dakkhinadisa. Itoti sineruto va tesam nisinnatthanato va. Kumbhandananti te kira deva mahodara honti. Rahassangampi ca nesam kumbho viya mahantam hoti. Tasma kumbhandati vuccanti. [280] Yattha coggacchati suriyoti yasmim disabhage suriyo attham gacchati. @Footnote: 1 Ma. vipatodako 2 cha.Ma., i ekanama 3 cha.Ma. olokesiti

--------------------------------------------------------------------------------------------- page157.

[281] Yenati yena disabhagena. Mahaneruti sineru 1- pabbataraja. Sudassanoti sovannamayatta sundaradassano. Sinerussa hi pacinapassam rajatamayam, dakkhinapassam manimayam, pacchimapassam phalikamayam, uttarapassam sovannamayam, tam manunnadassanam hoti. Tasma yena disabhagena sineru sudassano hotiti 2- ayamettha attho. Manussa tattha jayantiti tattha uttarakurumhi manussa jayanti. Amamati vatthabharanapanabhojanadisupi mamattavirahita. Apariggahati itthipariggahena apariggaha. Tesam kira "ayam mayham bhariya"ti mamattam na hoti, mataram va bhaganim va disva chandarago na uppajjati. Napi niyanti nangalati nangalanipi tattha "kasikammam karissama"ti na khettam niyanti. Akatthapakimanti akatthe bhumibhage aranne sayameva jatam. Tandulapphalanti tandulava tassa phalam hoti. Tundikire pacitvanati ukkhaliyam akiritva niddhumangarena aggina pacitva. Tattha kira jotikapasana 3- nama honti. Atha te tayo pasane thapetva tam ukkhalim aropenti. Pasanehi tejo samutthahitva tam pacati. Tato bhunjanti bhojananti tato ukkhalito bhojanameva bhunjanti, anno supo va byanjanam va na hoti, bhunjantanam cittanukuloyeva cassa raso hoti. Te tam thanam sampattanam dentiyeva, macchariyacittam nama na hoti. Buddhapaccekabudadhadayopi mahiddhika tattha gantva pindapatam ganhanti. Gavim ekakhuram katvati gavim gahetva ekakhuram assam 4- viya vahanameva katva. Tam abhiruyha vessavanassa paricarika yakkha. Anuyanti disodisanti taya taya disaya anucaranti. Pasum ekakhuram katvati thapetva gavim avasesacatuppadajatikam pasum ekakhuram vahanameva katva disodisam anuyanti. Itthim vahanam katvati yebhuyyena gabbhinim matugamam vahanam karitva. Tassa pitthiyam nisiditva caranti. Tassa kira pitthi onamitum sahati. Itara @Footnote: 1 cha.Ma. mahasineru 2 cha.Ma., i. hoti na dissati @3 Si. jotipasana 4 cha.Ma., i. assam viya na dissati

--------------------------------------------------------------------------------------------- page158.

Pana itthiyo yane yojenti. Purisam vadanam katvati purise gahetva yane yojenti. Ganhanta ca sammaditthike gahetum na sakkonti. Yebhuyyena paccantimamilakkhuvasike 1- ganhanti. Annataro kirettha janapado ekassa therassa samipe nisiditva niddayati, thero "upasaka ativiya niddayasi"ti pucchi. "ajja bhante sabbarattim vessavanadasehi kilamitomhi"ti aha. Kumarim vahanam katvati kumariyo gahetva ekakhuram vahanam katva rathe yojenti. Kumaravahanepi eseva nayo. Pacara tassa rajinoti tassa ranno paricarika. Hatthiyanam assayananti na kevalam goyanadiniyeva, hatthiassayanadinipi abhiruhitva vicaranti. Dibbam yananti annampi nesam bahuvidham dibbayanam upatthitameva hoti, etani tava nesam upakappanayanani. Te pana paseade varasayanamhi nipannayeva pitthakasivikadisu 2- ca nisinna vicaranti. Tena vuttam "pasada sivika ceva"ti. Maharajassa yasassinoti evam anubhavasampannassa yasassino maharajassa etani yanani nibbattanti. Tassa ca nagara ahu, antalikkhe sumapitati tassa ranno akase sutthu mapita ete atanatadika nagara ahesum, nagarani bhavimsuti attho. Ekanhissa nagaram atanata nama asi, ekam kusinata nama, ekam parakusinata nama, ekam natapariya nama, ekam parakusitanata nama. Uttarena kapivantoti tasmim thatva ujum uttaradisaya kapivanto 3- nama annam nagaram. Janoghamaparena cati etassa aparabhage janogham nama annam nagaram. Navanavatiyoti annampi navanavatiyo nama ekam nagaram. Aparam ambaraambaravatiyo nama. Alakamandati aparapi alakamanda nama rajadhani. Tasma kuvero maharajati ayam kira anuppanne buddhe kuvero nama brahmano hutva ucchuvappam karetva satta yantani yojesi. Ekissa @Footnote: 1 Si., i. paccantimamilakkhuvasike 2 cha.Ma., i. pithasivikadisu 3 cha.Ma. kasivanto

--------------------------------------------------------------------------------------------- page159.

Yantasalaya utthitam ayam agatagatassa mahajanassa datva punnam akasi. Avasesasalahi tattheva bahutaro ayo utthasi, so tena pasiditva avasesasalasupi uppajjanakam gahetva visativassasahassani danam adasi. So kalam katva catummaharajikesu kuvero nama devaputto jato. Aparabhage visanaya rajadhaniya rajjam karesi. Tato patthaya vessavanoti vuccati. Paccesanto pakasentiti patiesanto visum visum atthe upaparikkhamana anusasamana anne dvadasa yakkharatthika pakasenti. Te kira yakkharatthika sasanam gahetva dvadasannam yakkhadovarikanam nivedenti. Yakkhadovarika tam sasanam maharajassa nivedenti. Idani tesam yakkharatthikanam namam dassento tatolati adimaha. Tesu kira eko tatola nama, eko tattala nama, eko tatotala nama, eko ojasi nama, eko tejasi nama, eko tatojasi nama. Suro rajati eko suro nama, eko raja nama, eko suroraja nama. Arittho nemiti eko arittho nama, eko nemi nama, eko aritthanemi nama. Rahadopi tattha dharani namati tattha paneko namena dharani nama udakarahado atthi, pannasayojana mahapokkharani atthiti vuttam hoti. Yato megha pavassantiti yato pokkharanito udakam gahetva megha pavassanti. Vassa yato patayantiti yato vutthiyo avattharamana niggacchanti. Meghesu kira utthitesu tato pokkharanito puranaudakam bhassati. Upari megha 1- utthahitva tam pokkharanim navodakena purenti. 1- Puranodakam hetthimam hutva nikkhamati. Paripunnaya pokkharaniya valahaka vigacchanti. Sabhapiti sabha, tassa kira pokkharaniya tire bhagalavatiya 2- nama lataya parikkhitto dvadasayojaniko ratanamandapo atthi, tam sandhayetam vuttam. Payirupasantiti nisidanti. Tattha niccaphala rukkhati tasmim thane tam mandapam parivaretva sada pharita ambajambuadayo rukkha niccapupphita ca @Footnote: 1 cha.Ma. megho.....pureti 2 cha.Ma. salavatiya

--------------------------------------------------------------------------------------------- page160.

Campakamaladayoti 1- dasseti. Nanadijagana yutati vividhapakkhisanghasamakula. Mayurakoncabhirudati mayurehi ca koncasakunehi ca abhiruta upagita. Jivanjivakasaddetthati "jiva jiva"ti 2- evam viravantanam jivanjivakasakunanampi ettha saddo atthi. Otthavacittakati "utthehi citta, utthehi citta"ti 3- evam vassamana utthavacittakasakunapi tattha vicaranti. Kukkutakati vanakukkutaka. Kulirakati suvannakakkataka. Vaneti padumavane. Pokkharasatakati pokkharasataka nama sakuna. Sukasalikasaddetthati sukananca salikananca saddo ettha. Dandamanavakani cati manussamukhasakuna. Te kira dvihi hatthehi suvannadandam gahetva ekam pokkharapattam akkamitva anantare pokkharapatte suvannadandam nikkhipanta vicaranti. Sobhati sabbakalam sati sa pokkharani sabbakalam sobhati. Kuveranaliniti kuverassa nalini padumasarabhuta, sa dharani nama pokkharani sada nirantaram sobhati. [282] Yassa kassaciti idam vessavano atanatiyam rakkham nitthapetva tassa parikammam dassento aha. Tattha suggahitati atthanca byanjananca parisodhetva sutthu uggahita. Samatta pariyaputati padabyanjanani ahapetva paripunna 4- uggahita. Atthampi palimpi visamvadetva sabbaso va pana apagunam katva bhanantassa hi parittam tejavantam na hoti, sabbaso pagunam katva bhanantasseva tejavantam hoti. Labhahetu uggahetva bhanantassapi attham na sadheti, nissaranapakkhe thatva mettam purecarikam katva bhanantasseva atthaya hotiti dasseti. Yakkhapacaroti yakkhaparicarako. Vatthum vati gharavatthum va. Vasam vati tattha nibaddhavasam va. Samitinti samagamam. Anavayhanti na avahayuttam. Avivayhanti na vivahayuttam. Tena 5- saha avahavivaham na kareyyunti attho. Attahipi paripunnahiti "kalarakkhi @Footnote: 1 Si. campakasaladayoti 2 Si. jivam jivati @3 Si. utthehi citte, utthehi citteti 4 cha.Ma. paripunnam 5 ka. tenassa

--------------------------------------------------------------------------------------------- page161.

Kalaradanta"ti evam etesam attabhavam upanetva vuttahi paripunna byanjanahi paribhasahi paribhaseyyum, yakkhaakkosehi nama akkoseyyunti attho. Rittampissa pattanti bhikkhunam pattasadisameva lohapattam hoti. Tam sise nikkujjitam yava galavataka bhavissati. 1- Atha nam majjhe ayokhilena akottenti. Candati kodhana. Ruddhati viruddha. Rabhasati karanuttariya. Neva maharajanam adiyantiti vacanam na ganhanti, anam na karonti. Maharajanam purisakananti atthavisatiyakkhasenapatinam. Purisakanam purisakananti yakkhasenapatinamyevanusasakanam. 2- Avaruddha namati paccamitta verino. Ujjhapetabbanti parittam vatva amanusse patikkamapetum asakkontena etesam yakkhanam ujjhapetabbam, ete janapetabbati attho. Idha pana thatva parittassa parikammam kathetabbam. Pathamameva hi atanatiyasuttam na bhanitabbam, mettasuttam dhajaggasuttam ratanasuttanti imani sattaham bhanitabbani. Sace muncati, sundaram. No ce muncati, atanatiyasuttam tam bhanantena bhikkhuna pittham va mamsam va na khaditabbam, susane na vasitabbam. Kasma? amanussa otaram 3- labhanti. Parittakaranatthanam haritupalittam karetva Tattha parisuddham asanam pannapetva nisiditabbam. Parittakarako bhikkhu viharato gharam nentehi phalakavudhehi parivaretva netabbo. Abbhokase nisiditva na vattabbam, dvaravatapanani pidahitva nisinnena avudhahatthehi samparivaritena mettacittam purecarikam katva vattabbam. Pathamam sikkhapadani gahapetva sile patitthitassa parittam katabbam. Evampi mocetum asakkontena viharam netva cetiyangane nipajjapetva asanapujam karetva dipe jalapetva cetiyanganam sammajjitva mangalakatha 4- vattabba. Sabbasannipato ghosetabbo. Viharassa upavane jetthakarukkho nama hoti, tattha bhikkhusamgho tumhakam agamanam patimanetiti pahinitabbam. Sabbasannipatatthane @Footnote: 1 cha.Ma., i. bhassati 2 cha.Ma., i. ye manussa tesam @3 cha.Ma. okasam 4 Si. mangalagatha

--------------------------------------------------------------------------------------------- page162.

Anagantum nama na labbhati. Tato amanussagahito "tvam ko nama"ti pucchitabbo. Name kathite nameneva alapitabbo. Itthannama tuyham malagandhadisu 1- patti, asanapujaya patti, pindapate patti, bhikkhusamghena tuyham pannakaratthaya mahamangalakatha vutta, bhikkhusamghe garavena etam muncahiti mocetabbo. Sace na muncati, devatanam arocetabbam "tumhe janatha, ayam amanusso amhakam vacanam na karoti, mayam buddhaanam karissama"ti parittam katabbam. Etam tava gihinam parikammam. Sace pana bhikkhu amanussena gahito hoti, asanani dhovitva sabbasannipatam ghosapetva gandhamaladisu pattim datva parittam bhanitabbam. Idam bhikkhunam parikammam. Vikkanditabbanti sabbasananipatam ghosapetva atthavisatiyakkhasenapatayo kanditabba. Viravitabbanti "ayam yakkho ganhati"ti adini bhanentena tehi saddhim kathetabbam. Tattha ganhatiti sarire adhimuccati. Avisatiti tasseva vevacanam. Athava laggati na apetiti vuttam hoti. Hethetiti uppannam rogam vaddhento badhati. Vihethetiti tasseva vevacanam. Himsatiti appamamsalohitam karonto dukkhapeti. Vihimsatiti tasseva vevacanam. Na muncatiti sumsumaraggaho 2- hutva muncitum na icchati, evam etesam viravitabbam. [283] Idani yesam evam viravitabbam, te dassetum katamesam yakkhananti adimaha. Tattha indo somoti adini tesam namani. Tesu vessamittoti vessamittapabbatavasi eko yakkho. Yugandharoti yugandharapabbatavasiyeva. Hiri netti ca mandiyoti hiri ca netti ca mandiyo ca. Mani manivaro dighoti mani ca manicaro 3- ca digho ca. Atho serisako sahati tehi saha anno serisako nama. "imesam yakkhanam .pe. Ujjhapetabban"ti ayam yakkho imam hetheti vihetheti na muncatiti evam etesam yakkhasenapatinam arocetabbam. Tato te bhikkhusamgho attano dhammaanam karoti, mayampi amhakam @Footnote: 1 i. gandhamaladisu 2 cha.Ma. appamadagaho. Si., i. apamaragaho @3 cha.Ma. mani ca mani ca varo ca digho ca

--------------------------------------------------------------------------------------------- page163.

Yakkharajaanam karomati ussukkam karissanti. Evam amanussanam okaso na bhavissati, budadhasavakanam phasuviharo ca bhavissatiti dassento "ayam kho sa marisa atanatiya rakkha"ti adimaha. Tam sabbam, tato paranca uttanatthamevati. Atanatiyasuttavannana nitthita. --------------


             The Pali Atthakatha in Roman Book 6 page 152-163. http://84000.org/tipitaka/atthapali/read_rm.php?B=6&A=3802&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=6&A=3802&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=11&i=207              เนื้อความพระไตรปิฎกฉบับหลวง :- http://84000.org/tipitaka/read/r.php?B=11&A=4207              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=11&A=4443              The Pali Tipitaka in Roman Character :- http://84000.org/tipitaka/read/roman_read.php?B=11&A=4443              Contents of The Tipitaka Volume 11 http://84000.org/tipitaka/read/?index_11

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]