AtthaPali Vol.55

12. Asevanapaccayaniddesavannana [12] Asevanapaccayaniddese purima purimati sabbanayesu samanantaratitava datthabba. Kasma panettha anantarapaccaye viya "purima purima kusala dhamma pacchimanam pacchimanam abyakatanam dhammanan"tiadina nayena bhinnajatikehi saddhim niddeso na katoti? attano gatim gahapetum asamatthataya. Bhinnajatika hi bhinnajatikanam arupadhammanam asevanagunena pagunabalavabhavam sadhayamana attano kusaladibhavasankhatam gatim gahapetum na sakkonti. Tasma tehi saddhim niddesam akatva ye yesam vasanasankhatena asevanena pagunataram balavatarabhava- visittham attano kusaladibhavasankhatam gatim gahapetum sakkonti, tesam tehi samanajatikeheva saddhim niddeso katoti veditabbo. Atha vipakabyakatam kasma na gahitanti? asevanabhavena. Vipakanhi kammavasena vipakabhavappattam kammaparinamitam hutva vattati nirussaham dubbalam ^1- tam asevanagunena attano sabhavam gahapetva paribhavetva neva annam vipakam uppadetum sakkoti, na purimavipakanubhavam gahetva uppajjitunti. Kammavegakkhittam pana patitam viya hutva @Footnote: ¹ Ma. dubbalanti, cha. dubbalanti tam

--------------------------------------------------------------------------------------------- page428.

Uppajjatiti sabbathapi vipake asevanam natthiti asevanabhavena vipakam na gahitam. Kusalakusalakiriyanantaram uppajjamanampi cetam kammapatibaddhavuttitaya asevanagunam na ganhatiti kusaladayopissa asevanapaccaya na honti. Apica nana- jatikattapete na hontiyeva. Bhumito pana arammanato va nanajatikata ^1- nama natthi. Tasma kamavacarakusalakiriyamahaggatakusalakiriyanampi sankhararammananca anulomakusalam nibbanarammanassa gotrabhukusalassa asevanapaccayo hotiyevati ayam tavettha palivannana. Ayam pana asevanapaccayo jatito tava kusalo akusalo kiriyabyakatoti tidha thito. Tattha kusalo bhumito kamavacaro rupavacaro arupavacaroti tividho hoti, akusalo kamavacarova, kiriyabyakato kamavacaro rupavacaro arupavacaroti tividhova, lokuttaro asevanapaccayo nama natthiti evamettha nanappakarabhedato vinnatabbo vinicchayo. Evam bhinne panettha kamavacarakusalam attano anantarassa kamavacarakusalasseva. Yam panettha nanasampayuttam, tam attana sadisavedanassa rupavacarakusalassa arupavacara- kusalassa lokuttarakusalassati imesam rasinam asevanapaccayo hoti. Rupavacarakusalam pana rupavacarakusalasseva. Arupavacarakusalam arupavacarakusalasseva. Akusalam pana akusalasseva asevanapaccayo hoti. Kiriyato pana kamavacarakiriyasankhato tava kamavacarakiriyasseva. Yo panettha nanasampayutto, so attana sadisavedanassa rupavacarakiriyassa arupavacarakiriyassati imesam rasinam asevanapaccayo hoti. Rupavacarakiriyasankhato pana rupavacarakiriyasseva, arupavacarakiriyasankhato arupavacara- kiriyasseva asevanapaccayo hoti. Vipako pana ekadhammassapi ekadhammopi va koci vipakassa asevanapaccayo natthiti evamettha paccayuppannatopi vinnatabbo vinicchayoti. Asevanapaccayaniddesavannana nitthita. ------------ @Footnote: ¹ cha.Ma. nanajatikattam

The Pali Atthakatha in Roman Book 55 page 427-428. http://84000.org/tipitaka/atthapali/read_rm.php?B=55&A=9645&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9645&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=413 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1767 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1948 The Pali Tipitaka in Roman Character :- http://84000.org/tipitaka/read/roman_read.php?B=36&A=1948 Contents of The Tipitaka Volume 36 http://84000.org/tipitaka/read/?index_36