AtthaPali Vol.55

page29.

Abhidhammapitaka puggalapannattivannana --------- namo tassa bhagavato arahato sammasambuddhassa. Arambhakatha nipunattham pakaranam dhatubhedappakasano sattha dhatukatham nama desayitva suralaye. Anantaram tassa jino pannattibhedadipanam aha puggalapannattim yam loke aggapuggalo. Tassa samvannanokaso yasmadani upagato tasma nam vannayissami tam sunatha samahitati. 1. Matikavannana [1] Cha pannattiyo khandhapannatti .pe. Puggalapannattiti ayam tava puggalapannattiya uddeso. Tattha chati gananaparicchedo. Tena ye dhamme idha pannapetukamo, tesam gananavasena sankhepato pannattiparicchedam dasseti. Pannattiyoti paricchinnadhammanidassanam. Tattha "acikkhati deseti pannapeti patthapeti"ti ^1- agatatthane pannapana dassana pakasana pannatti nama. "supannattam @Footnote: ¹ sam.ni. 16/20/25

--------------------------------------------------------------------------------------------- page30.

Mancapithan"ti ^1- agatatthane thapana nikkhipana pannatti nama. Idha ubhayampi vattati. Cha pannattiyoti hi cha pannapana cha dassana cha ^2- pakasanatipi cha thapana nikkhipanatipi idhadhippetameva. Namapannatti hi te te dhamme dassetipi, tena tena kotthasena thapetipi. Khandhapannattitiadi pana sankhepato tasam pannattinam sarupadassanam. Tattha khandhanam khandhati pannapana dassana pakasana thapana nikkhipana khandhapannatti nama. Ayatananam ayatananiti, dhatunam dhatuyoti, saccanam saccaniti, indriyanam indriyaniti, puggalanam puggalati pannapana dassana pakasana thapana nikkhipana puggalapannatti nama. Palimuttakena pana atthakathanayena aparapi cha pannattiyo vijjamanapannatti avijjamanapannatti vijjamanena avijjamanapannatti avijjamanena vijjamana- pannatti vijjamanena vijjamanapannatti avijjamanena avijjamanapannattiti. Tattha kusalakusalasseva sacchikatthaparamatthavasena ^3- vijjamanassa sato sambhutassa dhammassa pannapana vijjamanapannatti nama. Tatha avijjamanassa lokaniruttimattasiddhassa itthipurisadikassa pannapana avijjamanapannatti nama. Sabbakarenapi anupalabbhaneyyavacavatthumattasseva pancamasaccadikassa titthiyanam anupakatipurisadikassa va pannapanapi avijjamanapannattiyeva, sa pana sasanavacara na hotiti idha na gahita. Iti imesam vijjamanavijjamananam vikappanavasena sesa veditabba. Tevijjo chalabhinnotiadisu hi tisso vijja cha abhinna ca vijjamana, puggalo avijjamano, tasma tisso vijja assati tevijjo, cha abhinna assati chalabhinnoti evam vijjamanena avijjamanassa @Footnote: ¹ vinaYu. 1/269/193 ² cha.Ma. "../../bdpicture/cha"iti padam na dissati @³ cha.Ma. saccikattha.... evamuparipi

--------------------------------------------------------------------------------------------- page31.

Pannapanato evarupa vijjamanena avijjamanapannatti nama. Itthirupam purisa- rupantiadisu pana itthipurisa avijjamana, rupam vijjamanam, tasma itthiya rupam itthirupam, purisassa rupam purisarupanti evam avijjamanena vijjamanassa pannapanato evarupa avijjamanena vijjamanapannatti nama. Cakkhusamphasso sotasamphassotiadisu cakkhusotadayopi phassopi vijjamanoyeva, tasma cakkhumhi samphasso cakkhuto jato samphasso cakkhussa va phalabhuto samphasso cakkhusamphassoti evam vijjamanena vijjamanassa pannapanato evarupa vijjamanena vijjamanapannatti nama. Khattiyaputto brahmanaputto setthiputtotiadisu khattiyadayopi avijjamana puttopi, tasma khattiyassa putto khattiyaputtoti evam avijjamanena avijjamanassa pannapanato evarupa avijjamanena avijjamanapannatti nama. Tasu imasmim pakarane purima tissova pannattiyo labbhanti. "khandhapannatti .pe. Indriyapannatti"ti imasminhi thane vijjamanasseva pannapitatta vijjamana- pannatti labbhati, puggalapannattiti pade avijjamanapannatti, parato pana tevijjo chalabhinnotiadisu vijjamanena avijjamanapannatti labbhatiti. Atthakathamuttakena pana acariyanayena aparapi cha pannattiyo upadapannatti upanidhapannatti samodhanapannatti upanikkhittapannatti ^1- tajjapannatti santatipannattiti. Tattha yo rupavedanadihi ekattena va annattena va rupavedanadayo viya sacchikatthaparamatthena anupalabbhasabhavopi rupavedanadibhede khandhe upadaya nissaya karanam katva sammato satto, tani tani angani upadaya ratho geham mutthi uddhananti ca, te teyeva ruparasadayo upadaya ghatapata, ^2- candasuriyaparivattadayo upadaya kalo disa, tamtambhutanimittanceva bhavananisamsanca upadaya nissaya karanam katva sammatam tena tenakarena upatthitam uggahanimittam @Footnote: ¹ uparikkhittapannattitipi atthiti yojana ² cha.Ma. ghato pato

--------------------------------------------------------------------------------------------- page32.

Patibhaganimittanti, ayam evarupa upadapannatti nama. Pannapetabbatthena cesa pannatti nama, na pannapanatthena. Ya panetassatthassa pannapana ayam avijjamanapannattiyeva. Ya pathamadutiyadini upanidhaya dutiyam tatiyantiadika annamannanca upanidhaya digham rassam duram santikantiadika pannapana, ayam upanidhapannatti nama. Apicesa upanidhapannatti tadannapekkhupanidha hatthagatupanidha sampayuttupanidha samaropitupanidha aviduragatupanidha patibhagupanidha tabbahulupanidha tabbisitthupanidhati- adina bhedena anekappakaRa. Tattha dutiyam tatiyantiadikava tadannam apekkhitva vuttataya tadanna- pekkhupanidha nama. Chattapani satthapanitiadika hatthagatam upanidhaya vuttataya hatthagatupanidha nama. Kundali sikhari kirititiadika sampayuttam upanidhaya vuttataya sampayuttupanidha nama. Dhannasakatam sappikumbhotiadika samaropitam upanidhaya vuttataya samaropitupanidha nama. Indasalaguha piyanguguha serisakantiadika aviduragatam upanidhaya vuttataya aviduragatupanidha nama. Suvannavanno usabhagaviti- adika patibhagam upanidhaya vuttataya patibhagupanidha nama. Padumasaro brahmana- gamotiadika tabbahulam upanidhaya vuttataya tabbahulupanidha nama. Manikatakam vajirakatakantiadika tabbisittham upanidhaya vuttataya tabbisitthupanidha nama. Ya pana tesam tesam samodhanamapekkhitva tidandam atthapadam dhannarasi puppharasitiadika pannapana, ayam samodhanapannatti nama. Ya purimassa purimassa upanikkhipitva dve tini cattaritiadika pannapana, ayam upanikkhittapannatti nama. Ya tantam dhammasabhavam apekkhitva pathavi tejo kakkhalata unhatatiadika pannapana, ayam tajjapannatti nama. Ya pana santativicchedabhavam apekkhitva

--------------------------------------------------------------------------------------------- page33.

Asitiko navutikotiadika pannapana, ayam santatipannatti nama. Etasu pana tajjapannatti vijjamanapannattiyeva, sesa avijjamanapakkhanceva avijjamanena avijjamanapakkhanca bhajanti. Atthakathamuttakena acariyanayeneva aparapi cha pannattiyo kiccapannatti santhanapannatti lingapannatti bhumipannatti paccattapannatti asankhatapannattiti. Tattha bhanako dhammakathikotiadika kiccavasena pannapana kiccapannatti nama. Kiso thulo parimandalo caturassotiadika santhanavasena pannapana santhanapannatti nama. Itthi purisotiadika lingavasena pannapana lingapannatti nama. Kamavacara rupavacara arupavacara kosalaka madhuratiadika bhumivasena pannapana bhumipannatti nama. Tisso nago sumanotiadika paccattanamakaranamattavasena pannapana paccattapannatti nama. Nirodho nibbanantiadika asankhatadhammassa pannapana asankhatapannatti nama. Tattha ekacca bhumipannatti asankhatapannatti ca vijjamanapannattiyeva, kiccapannatti vijjamanena avijjamanapakkham bhajati sesa avijjamanapannattiyo nama. [2] Idani yasam pannattinam uddesavare sankhepato sarupadassanam katam, sankhepatoyeva tava tasam vatthum vibhajitva dassanavasena ta dassetum kittavatati- adimaha. tattha pucchaya tava evamattho veditabbo:- ya ayam khandhanam khandhati pannapana dassana thapana, sa kittakena hotiti kathetukamyatapuccha. Parato kittavata ayatananantiadisupi eseva nayo. Vissajjanepi evamattho veditabbo:- yattakena pannapanena sankhepato pancakkhandhati va pabhedato rupakkhandho .pe. Vinnanakkhandhoti va tatrapi rupakkhandho kamavacaro, sesa catubhumikati va evarupam pannapanam hoti, ettakena khandhanam khandhati pannatti hoti. [3] Tatha yattakena pannapanena sankhepato dvadasayatananiti va pabhedato cakkhvayatanam .pe. Dhammayatananti va tatrapi dasayatana kamavacara,

--------------------------------------------------------------------------------------------- page34.

Dvayatana catubhumikati va evarupam pannapanam hoti, ettakena ayatananam ayatananiti pannatti hoti. [4] Yattakena pannapanena sankhepato attharasa dhatuyoti va pabhedato cakkhudhatu .pe. Manovinnanadhatuti va tatrapi solasa dhatuyo kamavacara, dve dhatuyo catubhumikati va evarupam pannapanam hoti, ettakena dhatunam dhatuti pannatti hoti. [5] Yattakena pannapanena sankhepato cattari saccaniti va pabhedato dukkhasaccam .pe. Nirodhasaccanti va tatrapi dve sacca lokiya, dve sacca lokuttarati va evarupam pannapanam hoti, ettakena saccanam saccaniti pannatti hoti. [6] Yattakena pannapanena sankhepato bavisatindriyaniti va pabhedato cakkhundriyam .pe. Annatavindriyanti va tatrapi dasindriyani kamavacarani, navindriyani missakani, tinindriyani lokuttaraniti va evarupam pannapanam hoti, ettakena indriyanam indriyaniti pannatti hoti. Ettavata sankhepato vatthum vibhajitva dassanavasena panca pannattiyo dassita honti. [7] Idani vittharato vatthum vibhajitva dassanavasena puggalapannattim dassetum samayavimutto. Asamayavimuttotiadimaha. Sammasambuddhena hi ativisariya- manena viya hariyamanena viya ca ^1- hettha vibhangappakarane imasam pancannam pannattinam vatthubhuta khandhadayo nippadesena kathitati tena te idha ekadeseneva kathesi. Chattha puggalapannatti hettha akathitava. Idhapi uddesavare ekadeseneva kathita, tasma tam vittharato kathetukamo "samayavimutto, asamayavimutto"ti ekakato patthaya yava dasaka matikam thapesiti. Matikavannana nitthita. ----------- @Footnote: ¹ cha.Ma. tile visarayamanena viya vake hirayamanena viya ca

The Pali Atthakatha in Roman Book 55 page 29-34. http://84000.org/tipitaka/atthapali/read_rm.php?B=55&A=594&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=594&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=516 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2268 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2551 The Pali Tipitaka in Roman Character :- http://84000.org/tipitaka/read/roman_read.php?B=36&A=2551 Contents of The Tipitaka Volume 36 http://84000.org/tipitaka/read/?index_36