AtthaPali Vol.55

9. Anupubbabhisamayakathavannana [339] Idani anupubbabhisamayakatha nama hoti. Tattha yesam "anupubbena medhavi thokam thokam khane khane kammaro rajatasseva niddhame malamattano"ti adini ^1- suttani ayoniso gahetva "sotapattiphalasacchikiriyaya patipanno ekacce kilese dukkhassa dassanena pajahati, ekacce samudayanirodhamaggadassanena, tatha sesati ^2- evam solasahi kotthasehi anupubbena kilesappahanam katva arahattapatilabho hoti"ti evarupa nanabhisamayaladdhi uppanna seyyathapi etarahi andhakasabbatthikavadasamitiyabhadrayanikanam, ^3- tesam laddhivivecanattham anupubbabhisamayoti puccha sakavadissa, patinna itarassa. Anupubbena sotapattimagganti puttho pana ekassa maggassa bahubhavapattibhayena patikkhipati. Dutiyam puttho dukkhadassanadivasena patijanati. Tani va cattaripi nanani eko sotapattimaggoyevati patijanati, phalam pana ekameva icchati, tasma patikkhipati. Sakadagamimaggadisupi eseva nayo. [344] Magge ditthe phale thitoti panhe yasma dukkhadassanadihi dassanam aparinitthitam, maggadassanena parinitthitam nama hoti, tada so phale thitoti sankhyam gacchati, tasma patijanati. @Footnote: ¹ khu.dha. 25/239/58 ² cha.Ma. sesapiti ³ cha.Ma....sabbatthikasammitiYu....

--------------------------------------------------------------------------------------------- page187.

[345] Dukkhe ditthe cattari saccaniti puccha paravadissa, ekabhisamayavasena patinna sakavadissa. Puna dukkhasaccam cattari saccaniti anuyoge catunnampi nanasabhavatta patikkhepo tasseva. Rupakkhandhe aniccato dittheti puccha sakavadissa, samuddato ekabindussa rase patividdhe sesaudakassa pativedho viya ekadhamme aniccadito patividdhe sabbepi patividdha hontiti laddhiya patinna paravadissa. Catuhi nanehiti dukkhe nanadihi. Atthahi nanehiti savakanam sadharanehi saccananehi ceva patisambhidananehi ca. Dvadasahi nanehiti dvadasangapaticca- samuppadananehi. Catucattalisaya nanehiti "jaramarane nanam, jaramaranasamudaye nanan"ti evam nidanavagge vuttananehi. Sattasattatiya nanehiti "jaramaranam bhikkhave aniccam sankhatam paticcasamuppannam khayadhammam vayadhammam viragadhammam nirodhadhamman"ti ^1- evam tattheva vuttananehi. Sesamettha palinayeneva veditabbam saddhim suttasadhanenati. Anupubbabhisamayakathavannana nitthita. -----------

The Pali Atthakatha in Roman Book 55 page 186-187. http://84000.org/tipitaka/atthapali/read_rm.php?B=55&A=4179&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4179&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36