AtthaPali Vol.55

7. Sattakaniddesavannana [203] Sattake sakim nimuggoti ekavaram nimuggo. Ekantakalakehiti ekanteneva kalakehi natthikavadaahetukavadaakiriyavadasankhatehi niyatamicchaditthi- dhammehi. Evam puggaloti imina karanena puggalo ekavaram nimuggo tatha nimuggova hoti. Etassa hi puna bhavato vutthanam nama natthiti vadanti. Makkhaligosaladayo viya hettha narakagginamyeva aharo hoti.

--------------------------------------------------------------------------------------------- page117.

Sahu saddha kusalesu dhammesuti kusalesu dhammesu saddha nama sadhuladdhikati ummujjati. So tavatakeneva kusalena ummujjati nama. Sadhu hiritiadisupi eseva nayo. Hayatiyevati pankavare ^1- asittudakam viya ekantena parihayateva. Evam puggaloti evam sahu saddhati imesam saddhadinam vasena ekavaram ummujjitva tesam parihaniya puna nimujjatiyeva devadattadayo viya. Devadatto hi attha samapattiyo panca ca abhinnayo nibbattetvapi puna buddhanam patikantakataya tehi gunehi parihino ruhiruppadakammam samghabhedakammanca katva kayassa bheda dutiyacittavarena niraye nibbatti. Kokaliko dve aggasavake upavaditva padumaniraye nibbatto. Neva hayati no vaddhatiti appahonakakalepi na hayati, pahonakakalepi na vaddhati. Ubhayampi panetam agarikenapi anagarikenapi dipetabbam. Ekacco hi agariko appahonakakale pakkhikabhattam va salakabhattam va vassavasikam va upanibandhapeti. So paccha pahonakakalepi pakkhikabhattadimattameva pavatteti. Anagarikopi adimhi appahonakakale uddesam va dhutangam va ganhati. Medhabalaviriyasampattiya pahonakakalepi tato uttarim na karoti. Evam puggaloti evam imaya saddhadinam thitiya puggalo ummujjitva thito nama hoti. Ummujjitva vipassati viloketiti sotapanno utthahitva uddham gamanamaggam ^2- gantabbadisam va oloketi nama. Ummujjitva pataratiti sakadagamipuggalo kilesatanutaya utthahitva gantabbadisabhimukho patarati nama. Patigadhappatto hotiti anagamipuggalo utthaya viloketva pataritva gantva ekasmim thane patitthapatto nama hoti, titthati na punagacchati. @Footnote: ¹ cha.Ma. cankavare ² cha.Ma. sotapanno puggalo utthahitva gamanamaggam

--------------------------------------------------------------------------------------------- page118.

Tinno parangato thale titthatiti sabbakilesogham taritva paratiram gantva nibbanathale thito nama hoti. Ime pana satta puggala udakupamena dipita. Satta kira janghavanija addhanamaggapatipanna antaramagge ekam punnanadim papunimsu. Tesu pathamam otinno udakabhiruko puriso otinnatthaneyeva nimujjitva puna utthatum nasakkhi, antoyeva macchakacchapabhakkho jato. Dutiyo otinnatthane nimujjitva sakim utthahitva puna nimuggo utthatum nasakkhi, antoyeva macchakacchapabhakkho jato. Tatiyo nimujjitva utthito, ^1- so majjhe nadiya thatva neva orato agantum, na parato gantum asakkhi. Catuttho utthaya thito uttaranatittham olokesi. Pancamo otaranatittham oloketva patari. Chattho pataritva parimatiram gantva katippamane udake thito. Sattamo parimatiram gantva gandhacunnadini nhatva varavatthani nivasetva surabhivilepanam vilimpitva niluppaladini pilandhitva nanalankarapatimandito mahanagaram pavisitva pasadamaruyha ^2- uttamabhojanam bhunji. Tattha satta janghavanija viya ime satta puggala, nadi viya vattam, purisassa pathamassa udakabhirukassa purisassa otinnatthaneyeva nimujjanam viya niyatamicchaditthikassa vatte nimujjanam, ummujjitva nimuggapuriso viya saddhadinam uppattimattakena ummujjitva tesam parihaniya nimuggapuggalo, majjhe nadiya thito viya saddhadinam thitiya thitapuggalo, uttaranatittham olokento viya gantabbamaggam gantabbadisam va olokento sotapanno, pataritapuriso viya kilesatanutaya pataranto sakadagami, pataritva katimatte udake thitapuriso viya anavattitadhammataya thito anagami, nhatva parimatiram uttaritva thale thitapuriso viya cattaro oghe atikkamitva nibbanathale thito khinasavabrahman,o thale thitapurisassa nagaram @Footnote: ¹ cha.Ma. utthahi ² cha.Ma. pasadavaramaruyha

--------------------------------------------------------------------------------------------- page119.

Pavisitva pasadavaram aruyha uttamabhojanabhunjanam viya khinasavassa nibbanarammanam phalasamapattim appetva vitinamanam veditabbam. Ubhatobhagavimuttadayo hettha pakasitayevati. Sattakaniddesavannana nitthita.

The Pali Atthakatha in Roman Book 55 page 116-119. http://84000.org/tipitaka/atthapali/read_rm.php?B=55&A=2618&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=2618&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=663 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=4796 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=4657 The Pali Tipitaka in Roman Character :- http://84000.org/tipitaka/read/roman_read.php?B=36&A=4657 Contents of The Tipitaka Volume 36 http://84000.org/tipitaka/read/?index_36