AtthaPali Vol.50

24. 2. Upavanattherapadanavannana padumuttaro nama jinotiadikam ayasmato upavanattherassa apadanam. Ayampayasma purimabuddhesu katadhikaro tattha tattha bhave vivattupanissayani @Footnote: ¹ Si. ranjasi. Punnani upacinanto padumuttarassa bhagavato kale daliddakule nibbattitva vinanutam patto bhagavati parinibbute tassa dhatum gahetva manussadevanagagarula- kumbhandayakkhagandhabbehi sattaratanamaye sattayojanike thupe kate tattha sudhotam attano uttarasatakam velagge laggetva abandhitva dhajam katva pujam akasi. Tam gahetva abhisammatako nama yakkhasenapati devehi cetiyapujarakkhanattham thapito adissamanakayo tam akase dharento cetiyam tikkhattum padakkhinam akasi. So tam disva bhiyyoso mattaya pasannamanaso hutva tena punnakammena devamanussesu samsaranto imasmim buddhuppade savatthiyam brahmanakule nibbattitva upavanoti laddhanamo vayappatto jetavanapatiggahane buddhanubhavam disva patiladdhasaddho pabbajitva vipassanaya kammam karonto arahattam patva chalabhinno ahosi. Yada bhagavato aphasu ahosi, tada thero unhodakam tatharupam panakanca bhesajjam bhagavato upanamesi. Tenassa satthuno rogo vupasami. Tassa bhagava anumodanam akasi. [52] Evam so pattaarahattaphalo adhigataetadaggatthano attano pubbakammam saritva somanassavasena pubbacaritapadanam pakasento padumuttaro nama jinotiadimaha. Tattha sabbesam lokiyalokuttaradhammanam paragu pariyosanam nibbanam gato patto padumuttaro nama jino jitapancamaro bhagava aggikkhandho iva chabbanna buddharamsiyo jalitva sabbalokam dhammapajjotena obhasetva sambuddho sutthu buddho avijjaniddupagataya pajaya savasanaya kilesaniddaya patibuddho vikasitanettapankajo parinibbuto khandhaparinibbanena nibbuto adassanam gatoti sambandho. [57] Janghati cetiyakaranakale upacinitabbanam itthakanam thapanatthaya, nibandhiyamanasopanapanti. ^1- @Footnote: ¹ i., Ma. pasanapanti. [88] Sudhotam rajakenahanti vatthadhovakena purisena sutthu dhovitam suvisuddhakatam, uttareyyapatam mama uttarasatakam aham velagge laggitva dhajam katva ukkhipim, ambare akase ussapesinti attho. Sesam suvinneyyamevati. Upavanattherapadanavannana nitthita. ------------

The Pali Atthakatha in Roman Book 50 page 44-46. http://84000.org/tipitaka/atthapali/read_rm.php?B=50&A=976&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=976&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=24 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1591 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2076 The Pali Tipitaka in Roman Character :- http://84000.org/tipitaka/read/roman_read.php?B=32&A=2076 Contents of The Tipitaka Volume 32 http://84000.org/tipitaka/read/?index_32