บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
539/127. 7. Mahakotthikattherapadanavannana sattamapadane padumuttaro nama jinotiadikam ayasmato mahakotthikattherassa apadanam. Ka uppatti? ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare mahabhogakule nibbattitva vinnutam patto matapitunam accayena kutumbam santhapetva gharavasam vasanto ekadivasam padumuttarassa bhagavato dhammadesanakale hamsavatinagaravasino gandhamaladihatthe yena buddho yena dhammo yena samgho, tanninne tappone tappabbhare gacchante disva tehi saddhim bhagavantam upasankamitva sattharam ekam bhikkhum patisambhidappattanam aggatthane thapentam disva "ayam imasmim sasane patisambhidappattanam bhikkhunam 1- aggo, yannunahampi ekassa buddhassa sasane ayam viya patisambhidappattanam aggo bhaveyyan"ti cintetva satthu desanapariyosane vutthitaya parisaya bhagavantam upasankamitva "bhante sve mayham gehe bhikkham ganhatha"ti nimantesi. Sattha adhivasesi. So bhagavantam abhivadetva padakkhinam katva sakanivesanam gantva sabbarattim buddhassa ca bhikkhusamghassa ca nisajjatthanam gandhamaladihi alankaritva khadaniyabhojaniyam patiyadapetva tassa rattiya accayena sakanivesane bhikkhusatasahassaparivaram sattharam vividhayagukhajjakaparivaram sasupabyanjanam gandhasalibhojanam bhojapetva bhattakiccapariyosane cintesi "mahantam kho aham thanantaram patthemi, na pana yuttam maya ekadivasameva danam datva tam thanantaram patthetum, anupatipatiya sattaham danam datva patthessami"ti. So teneva niyamena sattaham mahadanam datva bhattakiccapariyosane dussakotthagaram vivarapetva uttamam ticivarappahonakam sukhumavattham buddhassa padamule thapetva bhikkhusatasahassassa ca ticivaram datva @Footnote: 1 cha.Ma. ayam patho na dissati. Tathagatam upasankamitva "bhante yo so bhikkhu tumhehi ito sattame divasamatthake patisambhidappattanam aggatthane thapito, ahampi so bhikkhu viya anagate uppajjanakassa buddhassa sasane pabbajitva patisambhidappattanam aggo bhaveyyan"ti satthu padamule nipajjitva patthanam akasi. Sattha tassa samijjhanabhavam natva "anagate ito kappasatasahassamatthake gotamo nama buddho loke uppajjissati, tassa sasane tava patthana samijjhissati"ti byakasi. So tattha yavatayukam punnani katva tato cuto devasampattim anubhavitva aparaparam devamanussesu paribbhami. Evam so devamanussesu samsaranto tattha tattha bhave punnananasambhare sambhasanto imasmim buddhuppade savatthiyam brahmanamahasalakule nibbatti, kotthikotissa namam akamsu. Kasma matuya va ayyakapeyyakadinam va namam aggahetva evam namam karimsuti ce? attano pannavantataya vedangesu satakkaparatakkesu sanighanduketubhesu sakkharappabhedesu sakalabyakaranesu ca chekabhavena ca ditthaditthe jane mukhasattihi kotthento pakkotthento vitudanto vicaratiti anvatthanamam karimsuti veditabbam. So vayappatto tayo vede uggahetva brahmanasippe nipphattim patto ekadivasam satthu santikam gantva dhammam sutva patiladdhasaddho pabbajitva upasampannakalato patthaya vipassanaya kammam karonto saha patisambhidahi arahattam patva patisambhidasu cinnavasi hutva abhito mahathere upasankamitva panham pucchantopi dasabalam upasankamitva patisambhidasuyeva panham pucchi. Evamayam thero tattha katadhikarataya tattha cinnavasibhavena ca patisambhidappattanam aggo jato. Atha nam sattha mahavedallasuttam atthuppattim katva patisambhidappattanam aggatthane thapesi, "etadaggam bhikkhave mama savakanam bhikkhunam patisambhidappattanam yadidam mahakotthiko"ti. 1- [221] So aparena samayena vimuttisukham patisamvedento somanassajato attano pubbacaritapadanam pakasento padumuttaro nama jinotiadimaha. Tam sabbam hettha vuttanayatta uttanatthameva. Ittham sudamayasma mahakotthikoti ettha sudanti nidassane nipato. Ayasmati garavadhivacanam, yatha tam ayasma mahamoggallanoti. Mahakotthikattherapadanavannana nitthita. -----------The Pali Atthakatha in Roman Book 50 page 294-296. http://84000.org/tipitaka/atthapali/read_rm.php?B=50&A=6308&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=6308&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=127 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3764 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4607 The Pali Tipitaka in Roman Character :- http://84000.org/tipitaka/read/roman_read.php?B=32&A=4607 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]