AtthaPali Vol.50

54. Kaccayanavagga 533/121. 1. Mahakaccayanattherapadanavannana catupannasamavagge pathamapadane padumuttaro nama jinotiadikam ayasmato mahakaccayanattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale gahapatimahasalakule nibbattitva vuddhippatto ekadivasam satthu santike dhammam sunanto satthara sankhittena bhasitassa vittharena attham vibhajantanam aggatthane thapiyamanam ekam bhikkhum disva sayampi tam thanantaram patthento panidhanam katva danadini punnani katva devamanussesu samsaranto sumedhassa bhagavato kale vijjadharo hutva akasena gacchanto ekasmim vanasande nisinnam bhagavantam disva pasannamanaso kanikarapupphehi pujam akasi. So tena punnena aparaparam sugatisuyeva parivattento kassapadasabalassa kale baranasiyam kulagehe nibbattitva parinibbute bhagavati suvannacetiya- kammatthane satasahassagghanikaya suvannitthakaya pujam ^1- katva "imassa nissandena nibbattanibbattatthane sariram me suvannavannam hotu"ti patthanam akasi. Tato yavajivam kusalakammam katva ekabuddhantaram devamanussesu samsaritva imasmim buddhuppade ujjeniyam ranno candapajjotassa purohitagehe nibbatti, tassa namaggahanadivase mata "mayham putto suvannavanno, attano namam gahetva agato"ti kancanamanavotveva namam akasi. So vuddhimanvaya tayo vede ugganhitva pitu accayena purohitatthanam labhi. So gottavasena @Footnote: ¹ Ma. cayam. Kaccayanoti pannayittha. Atha raja candapajjoto buddhuppadam sutva "acariya tumhe tattha gantva sattharam idhanetha"ti pesesi. So attatthamo satthu santikam upagato tassa sattha dhammam desesi, desanapariyosane sattahi janehi saddhim saha patisambhidahi arahatte patitthasi. [1] So evam pattaarahattaphalo attano pubbakammam saritva somanassajato pubbacaritapadanam pakasento padumuttaro nama jinotiadimaha. Tam hettha vuttatthameva. Atha sattha "etha bhikkhavo"ti hattham pasaresi. Te tavadeva dvangulamattakesamassuiddhimayapattacivaradhara vassasatthikatthera viya ahesum. Evam thero sadattham nipphadetva "bhante raja pajjoto tumhakam pade vanditum dhammanca sotum icchati"ti arocesi. Sattha "tvamyeva kaccana tattha gaccha, tayi gate raja pasidissati"ti aha. Thero satthu anaya attatthamo tattha gantva rajanam pasadetva avantisu sasanam patitthapetva puna satthu santikameva agato. Attano pubbapatthanavasena kaccayanappakaranam mahaniruttippakaranam nettippakarananti pakaranattayam samghamajjhe byakasi. Atha santutthena bhagavata "etadaggam bhikkhave mama savakanam sankhittena bhasitassa vittharena attham vibhajantanam yadidam mahakaccano"ti ^1- etadaggatthane thapito aggaphalasukhena vihasiti. Mahakaccayanattherapadanavannana nitthita. -------------

The Pali Atthakatha in Roman Book 50 page 263-264. http://84000.org/tipitaka/atthapali/read_rm.php?B=50&A=5601&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=5601&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=121 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3626 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4449 The Pali Tipitaka in Roman Character :- http://84000.org/tipitaka/read/roman_read.php?B=32&A=4449 Contents of The Tipitaka Volume 32 http://84000.org/tipitaka/read/?index_32