Atthakatha Book 50 : PALI ROMAN
Apa.A.2 (visuddha.2)

              142. 10. Piyālaphaladāyakattherāpadānavaṇṇanā 3-
     parodhako tadā āsintiādikaṃ āyasmato piyālaphaladāyakattherassa apadānaṃ.
Ayampi purimabuddhesu katādhikāro tattha tattha bhave vivaṭṭūpanissayāni puññāni
@Footnote: 1 pāḷi. sāladāyaka....  2 cha.Ma. samattā.  3 pāḷi. phaladāyaka....
Upacinanto sikhissa bhagavato kāle nesādakule nibbatto himavante ekasmiṃ
pabbhāre mige vadhitvā jīvikaṃ kappetvā vasati. Tasmiṃ kāle tattha gataṃ sikhiṃ
bhagavantaṃ disvā pasannamānaso sāyaṃ pātaṃ namassamāno kañci deyyadhammaṃ
apassanto madhurāni piyālaphalāni uccinitvā adāsi. Bhagavā tāni paribhuñji.
So nesādo buddhārammaṇāya pītiyā nirantaraṃ phuṭṭhasarīro pāpakamme virattacitto
mūlaphalāhāro nacirasseva kālaṃ katvā devaloke nibbatti.
     [66] So tattha dibbasampattiyo anubhavitvā manussesu ca anekavidhasampattiyo
anubhavitvā imasmiṃ buddhuppāde gahapatikule nibbatto viññutaṃ patto
gharāvāsaṃ saṇṭhapetvā tattha anabhirato gehaṃ pahāya satthu santike pabbajitvā
vipassanaṃ vaḍḍhetvā nacirasseva arahattaṃ patto attano kataphaladānakammaṃ
saritvā somanassajāto pubbacaritāpadānaṃ pakāsento parodhako tadā
āsintiādimāha. Tattha yadā ahaṃ piyālaphalaṃ datvā cittaṃ pasādesiṃ, tadā ahaṃ
parodhako āsinti sambandho. Parodhakoti parasattarodhako vihesako. "pararodhako"ti
vattabbe pubbassa rakārassa lopaṃ katvā "parodhako"ti vuttaṃ.
     [69] Paricāriṃ vināyakanti taṃ nibbānapāpakaṃ satthāraṃ "bhante imaṃ phalaṃ
paribhuñjathā"ti pavāriṃ nimantasiṃ ārādhesinti attho. Sesaṃ suviññeyyamevāti.
                 Piyālaphaladāyakattherāpadānavaṇṇanā niṭṭhitā.
                      Cuddasamavaggavaṇṇanā niṭṭhitā.
                           ----------


             The Pali Atthakatha in Roman Book 50 page 183-184.
http://84000.org/tipitaka/atthapali/read_rm.php?B=50&A=3979
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=3979
             อ่านอรรถกถาแปลไทย :-
http://84000.org/tipitaka/attha/attha.php?b=32&i=142
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=4070
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4956
             The Pali Tipitaka in Roman Character :-
http://84000.org/tipitaka/read/roman_read.php?B=32&A=4956
             Contents of The Tipitaka Volume 32
http://84000.org/tipitaka/read/?index_32