บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
81. 9. Thitanjaliyattherapadanavannana migaluddo pure asintiadikam ayasmato thitanjaliyattherassa apadanam. Ayampi purimabuddhesu katadhikaro tattha tatthuppannabhave vivattupanissayani punnani upacinanto tissassa bhagavato kale purakatena ekena kammacchiddena nesadayoniyam nibbattitva vinnutam patto migasukaradayo maretva nesadakammena aranne vasam kappesi. Tasmim samaye tisso bhagava tassanukampaya himavantam agamasi. So tam dvattimsavaralakkhanehi asitanubyanjanabyamappabhahi ca jalamanam bhagavantam disva somanassajato panamam katva gantva pannasanthare nisidi. Tasmim khane devo gajjanto asani pati, tato maranasamaye buddhamanussaritva punanjalimakasi. So tena punnena sukhette katakusalatta akusalavipakam patibahitva sagge nibbatto kamavacarasampattiyo anubhavitva manussesu manussasampattiyo ca anubhavitva aparabhage imasmim buddhuppade ekasmim kulagehe nibbatto vuddhimanvaya purakatavasanaya satthari pasiditva pabbajito nacirasseva araha ahosi. [42] So tato param attano pubbakammam saritva somanassajato pubbacaritapadanam pakasento migaluddo pure asintiadimaha. Tattha migaluddoti miganam maranam 1- upagacchatiti migaluddo. Miganti sigham vatavegena gacchanti dhavantiti miga, tesam miganam marane luddo daruno lobhiti migaluddo. So aham pure bhagavato dassanasamaye migaluddo asim ahosinti attho. Aranne kananeti arati gacchati migasamuho etthati arannam, atha va a samantato rajjanti tattha vivekabhirata buddhapaccekabuddhadayo @Footnote: 1 Si. maranaya Mahasarappatta sappurisati arannam. Ka kucchitakarena va bhayanakakarena va nadanti saddam karonti, ananti vindantiti va kananam. Tasmim aranne kanane migaluddo pure asinti sambandho. Tattha addasam sambuddhanti tattha tasmim aranne upagatam sambuddham addasam addakkhinti attho. Dassanam pure ahosi avidure, tasma manodvaranusarena cakkhuvinnanam purecarikam kayavinnanasamangim 1- papeti appetiti attho. [44] Tato me asanipatoti a samantato sananto gajjanto patatiti asani, asaniya pato patanam asanipato, devadandoti attho. Sesam sabbattha uttanatthamevati. Thitanjaliyattherapadanavannana nitthita. ------------The Pali Atthakatha in Roman Book 50 page 125-126. http://84000.org/tipitaka/atthapali/read_rm.php?B=50&A=2711&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2711&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=81 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2917 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3639 The Pali Tipitaka in Roman Character :- http://84000.org/tipitaka/read/roman_read.php?B=32&A=3639 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]