AtthaPali Vol.50

37. 5. Mogharajattherapadanavannana atthadassi tu bhagavatiadikam ayasmato mogharajattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale kulagehe nibbattitva vinnutam patto ekadivasam satthu santike dhammam sunanto sattharam ekam bhikkhum lukhacivaradharanam aggatthane thapentam disva tam thanantaram akankhanto panidhanam katva tattha tattha bhave punnani karonto atthadassissa bhagavato kale puna brahmanakule nibbattitva brahmananam vijjasippesu nipphattim gato Ekadivasam atthadassim bhagavantam bhikkhusamghaparivutam rathiyam gacchantam disva pasannamanaso pancapatitthitena vanditva sirasi anjalim katva "yavata rupino sattha"tiadihi chahi gathahi abhitthavitva bhajanam puretva madhum upanesi, sattha tam patiggahetva anumodanam akasi. So tena punnakammena devamanussesu samsaranto kassapabhagavato kale katthavahanassa nama ranno amacco hutva nibbatto tena satthu anayanatthaya pesito satthu santikam gantva dhammam sutva patiladdhasaddho pabbajitva visativassasahassani samanadhammam katva tato cuto ekam buddhantaram sugatisuyeva parivattento imasmim buddhuppade brahmanakule nibbattitva mogharajati laddhanamo bavaribrahmanassa ^1- santike uggahitasippo samvegajato tapasapabbajjam pabbajitva tapasasahassaparivaro ajitadihi saddhim satthu santikam pesito tesam pannarasamo hutva panham pucchitva vissajjanapariyosane arahattam papuni. Arahattam pana patva satthalukham suttalukham ^2- rajanalukhanti visesena tividhenapi lukhena samannagatam pamsukulam dharesi. Tena nam sattha lukhacivaradharanam aggatthane thapesi. [64] Evam so panidhananurupena arahattaphalam patva attano pubbasambharam disva pubbakammapadanam pakasento atthadassi tu bhagavatiadimaha. Tam sabbam uttanatthameva. [73] Putakam purayitvanati putakam vuccati varakam, ghatam va. Anelakam niddosam makkhikandavirahitam khuddamadhuna ghatam puretva tam ubhohi hatthehi paggayha pakarena adarena gahetva mahesino bhagavato upanesinti sambandho. Sesam suvinneyyamevati. Mogharajattherapadanavannana nitthita. ------------- @Footnote: ¹ cha.Ma. bavariyabrahmanassa. ² Ma. vatthalukham sibbanalukham.

The Pali Atthakatha in Roman Book 50 page 72-73. http://84000.org/tipitaka/atthapali/read_rm.php?B=50&A=1602&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1602&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=37 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1997 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2569 The Pali Tipitaka in Roman Character :- http://84000.org/tipitaka/read/roman_read.php?B=32&A=2569 Contents of The Tipitaka Volume 32 http://84000.org/tipitaka/read/?index_32