บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
15. Vatthunanattanananiddesavannana [66] Vatthunanattanananiddese cakkhum ajjhattam vavatthetiti ajjhattabhutam cakkhum vavatthapeti. Yatha so cakkhum vavatthapeti, tatha vattukamo katham cakkhum ajjhattam vavatthetiti pucchitva puna cakkhu avijjasambhutanti vavatthetitiadina vavatthapanakaram dasseti. Tattha avijjatanha atita upatthambhakahetuyo, kammam atitam janakahetu, aharo idani upatthambhakahetu. Etena cakkhupatthambhakani utucittani gahitaneva honti. Catunnam mahabhutanam upadayati upayogatthe samivacanam, cattari maha- bhutani upadiyitva pavattanti attho. Etena pasadacakkhubhavo dassito hoti, sasambharabhavo patikkhitto. Uppannanti addhavasena, santatikhanavasena va paccuppannam. Samudagatanti hetuto samutthitam. Ettavata vipassanapubbabhage cakkhu vavatthanam dassitam. Ahutva sambhutantiadihi aniccanupassana. Pubbe udaya avijjamanato ahutva sambhutam, uddham vaya abhavato hutva na bhavissati. Antavantatoti anto assa atthiti antava, antava eva antavanto. Yatha "satimanto gatimanto dhitimanto ca yo isi"ti 1- tato antavantato, bhangavijjamanatoti attho. Addhuvanti sabbavatthanipatitaya, thirabhavassa ca abhavataya na thiram. Asassatanti na @Footnote: 1 khu.thera. 26/1052/401 Niccam. Viparinamadhammanti jaraya ceva maranena cati dvedha parinamapakatikam. Cakkhum aniccantiadini cakkhum aniccatotiadini ca vuttatthani. Manoti idha bhavangamanassa adhippetatta avijjasambhutotiadi yujjatiyeva. Aharasambhutoti ettha sampayuttaphassaharamanosancetanaharavasena veditabbam. Uppannoti ca addhasantativasena. Vatthunanattanananiddesavannana nitthita. --------------The Pali Atthakatha in Roman Book 47 page 305-306. http://84000.org/tipitaka/atthapali/read_rm.php?B=47&A=6816&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6816&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=160 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1815 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2165 The Pali Tipitaka in Roman Character :- http://84000.org/tipitaka/read/roman_read.php?B=31&A=2165 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]