AtthaPali Vol.47

6. Udayabbayanananiddesavannana [49] Idani anantaram vuttassa sammasanananassa nananayehi bhavanathira- karanena param gantva thitena aniccadito ditthe sankhare udayabbayena paricchinditva aniccadito vipassanattham vuttassa udayabbayanupassanananassa niddese. Jatam rupantiadisu santativasena yathasakam paccayehi nibbattam rupam. Tassa rupassa jatassa nibbattilakkhanam jatim uppadam abhinavakaram udayoti @Footnote: ¹ Si. apunappunaruppattivasena ² Si.Ma. jaramaranantiadisu

--------------------------------------------------------------------------------------------- page272.

Viparinamalakkhanam khayam bhangam vayoti, anupassana punappunam nisamana, udayabbayanupassananananti attho. Vedanadisupi eseva nayo. Jatijara- maranavantanamyeva udayabbayassa pariggahetabbatta jatijaramarananam udayabbaya- bhavato jatijaramaranam anamasitva jatam cakkhum .pe. Jato bhavoti peyyalam katam. So evam pancannam khandhanam udayabbayam passanto evam janati "imesam khandhanam uppattito pubbe anuppannanam rasi va nicayo va natthi, uppajjamananampi rasito va nicayato va agamanam nama natthi, nirujjhamananampi disavidisa gamanam nama natthi, niruddhanampi ekasmim thane rasito nicayato nidhanato avatthanam nama natthi. Yatha pana vinaya vadiyamanaya uppannassa saddassa neva uppattito pubbe sannicayo, atthi, na uppajjamano sannicayato agato, na nirujjhamanassa disavidisa gamanam atthi, na niruddho katthaci sannicito titthati, atha kho vinanca upavinanca purisassa ca tajjam vayamam paticca ahutva sambhoti, hutva pativeti evam sabbepi ruparupino dhamma ahutva sambhonti, hutva pativenti"ti ^1- passati. [50] Evam sankhepato udayabbayadassanattham dassetva idani vittharato dassetum pancannam khandhanam udayam passanto kati lakkhanani passatitiadihi rasito gananam pucchitva pancannam khandhanam udayam passanto pancavisati lakkhanani passatitiadihi rasitova gananam vissajjetva pune rupakkhandhassa udayam passanto kati lakkhanani passatitiadihi vibhagato gananam pucchitva rupakkhandhassa udayam passanto panca lakkhanani passatitiadihi vibhagato gananam vissajjetva puna rupakkhandhassa udayam passanto katamani panca lakkhanani passatitiadihi lakkhanavibhagam pucchitva vissajjanam katam. @Footnote: ¹ visuddhi 3/266-3 (sya)

--------------------------------------------------------------------------------------------- page273.

Tattha avijjasamudaya rupasamudayoti "purimakammabhavasmim moho avijja"ti vuttaya avijjaya sati imasmim bhave rupassa uppado hotiti attho. Paccayasamudayatthenati paccayassa uppannabhavenati attho. Avijjatanhakammani cettha idha patisandhihetubhuta atitapaccaya. Imesu ca tisu gahitesu sankharupadanani gahitaneva honti. Aharasamudayati pavattipaccayesu kabalikaraharassa balavatta soyeva gahito. Tasmim pana gahite pavattihetubhutani utucittanipi gahitaneva honti. Nibbattilakkhananti addhasantatikhanavasena rupassa uppadam, uppadoyeva sankhata- lakkhanatta lakkhananti ca vutto. Panca lakkhananiti avijjatanhakammahara nibbatti cati imani panca lakkhanani. Avijjadayopi hi rupassa udayo lakkhiyati etehiti lakkhana. Nibbatti pana sankhatalakkhanameva, tampi sankhatanti lakkhiyati etenati lakkhanam. Avijjanirodha rupanirodhoti anagatabhavassa paccayabhutaya imasmim bhave avijjaya arahattamaggananena nirodhe kate paccayabhava anagatassa rupassa anuppado virodho hotiti attho. Paccayanirodhatthenati paccayassa niruddha- bhavenati attho. Nirodho cettha anagatapatisandhipaccayanam idha avijja- tanhakammanamyeva nirodho. Aharanirodha rupanirodhoti pavattipaccayassa kabalikaraharassa abhave tamsamutthanarupabhavo hoti. Viparinamalakkhananti addhasantatikhanavasena rupassa bhangam, bhangoyeva sankhatalakkhanatta lakkhananti vutto. Idha panca lakkhananiti avijjatanhakammaharanam abhavanirodha cattari, viparinamo ekanti panca. Esa nayo vedanakkhandhadisu. Ayam pana viseso:- arupakkhandhanam udayabbayadassanam addhasantativasena, na khanavasena. Phasso vedanasannasankharakkhandhanam pavattipaccayo, tannirodha ca tesam nirodho. Namarupam vinnanakkhandhassa pavattipaccayo, tamnirodha ca tassa nirodhoti.

--------------------------------------------------------------------------------------------- page274.

Keci panahu "catudha paccayato udayabbayadassane atitadivibhagam anamasitvava sabbasamannavasena avijjadihi udetiti uppajjamanabhavamattam tanhati, na uppadam. Avijjanirodha nirujjhatiti anuppajjamanabhavamattam ganhati, na bhangam khanato udayabbayadassane paccuppannanam uppadam bhangam tanhati"ti. Vipassamano pana vipassako pathamam paccayato udayabbayam manasikaritva vipassana kale avijjadike caturo dhamme vissajjetva udayabbayavanteyeva khandhe gahetva tesam udayabbayam passati. Evanca tassa vipassakassa "evam rupadinam udayo, evam vayo, evam rupadayo udenti, evam ventiti paccayato ca khanato ca vittharena udayabbayam passato "iti kira ime dhamma ahutva sambhonti, hutva pativenti"ti nanam visadataram hoti, saccapaticcasamuppadanayalakkhanabheda pakata honti. Yam hi so avijjadisamudaya khandhanam samudayam avijjadinirodha ca khandhanam nirodham passati, idamassa paccayato udayabbayadassanam. Yam pana nibbattilakkhanaviparinamalakkhanani passanto khandhanam udayabbayam passati, idamassa khanato udayabbayadassanam. Uppattikkhaneyeva hi nibbattilakkhanam, bhangakkhane ca viparinamalakkhanam. Iccassevam paccayato ceva khanato ca dvedha udayabbayam passato paccayato udayadassanena samudayasaccam pakatam hoti janakavabodhato. Khanato udayadassanena dukkhasaccam pakatam hoti jatidukkhavabodhato. Paccayato vayadassanena nirodhasaccam pakatam hoti paccayanuppadena paccayavatam anuppadavabodhato. Khanato vayadassanena dukkhasaccameva pakatam hoti maranadukkhavabodhato. Yancassa udayabbayadassanam, maggovayam lokikoti maggasaccam pakatam hoti tatra sammohavighatato. Paccayato cassa udayadassanena anulomo paticcasamuppado pakato hoti "imasmim sati idam hoti"ti avabodhato. Paccayato vayadassanena patilomo

--------------------------------------------------------------------------------------------- page275.

Paticcasamuppado pakato hoti "imassa nirodha idam nirujjhati"ti ^1- avabodhato. Khanato pana udayabbayadassanena paticcasamuppanna dhamma pakata honti sankhatalakkhanavabodhato. Udayabbayavanto hi sankhata, te ca paticcasamuppannati. Paccayato cassa udayadassanena ekattanayo pakato hoti hetuphalasambandhena santanassa anupacchedavabodhato. Atha sutthutaram ucchedaditthim pajahati. Khanato udayadassanena nanattanayo pakato hoti navanavanam uppadavabodhato. Atha sutthutaram sassataditthim pajahati. Paccayato cassa udayabbayadassanena abyaparanayo pakato hoti dhammanam avasavattibhavavabodhato. Atha sutthutaram attaditthim pajahati. Paccayato pana udayadassanena evam dhammatanayo pakato hoti paccayanurupena phalassuppadavabodhato. Atha sutthutaram akiriyaditthim pajahati. Paccayato cassa udayadassanena anattalakkhanam pakatam hoti dhammanam nirihakatta- paccayapatibaddhavuttitavabodhato. Khanato udayabbayadassanena aniccalakkhanam pakatam hoti hutva abhavavabodhato, pubbantaparantavivekavabodhato ca. Dukkhalakkhanampi pakatam hoti udayabbayehi patipilanavabodhato. Sabhavalakkhanampi pakatam hoti udayabbaya- paricchinnavabodhato. Sabhavalakkhane sankhatalakkhanassa tavakalikattampi pakatam hoti udayalakkhane vayassa, vayakkhane ca udayassa abhavavabodhatoti. Tassevam pakatibhutasaccapaticcasamuppadanayalakkhanabhedassa "evam kira namime dhamma anuppannapubba uppajjanti, uppanna nirujjhanti"ti niccanavava hutva sankhara upatthahanti. Na kevalanca niccanavava, suriyuggamane ussavabindu viya udakapubbulo viya udake dandaraji viya aragge sasapo viya ca vijjuppado viya ca parittatthayino mayamaricisupinantaalatacakkagandhabbanagaraphenukadaliadayo viya @Footnote: ¹ Ma.mu. 12/406/363, sam.ni. 16/22/28, khu.u. 25/2/94

--------------------------------------------------------------------------------------------- page276.

Asara nissarati capi upatthahanti. Ettavata tena "vayadhammameva uppajjati, uppannanca vayam upeti"ti imina akarena samapannasa lakkhanani pativijjhitva thitam udayabbayanupassana nama pathamam tarunavipassanananam adhiggatam hoti, yassadhigama "araddhavipassako"ti sankham gacchati. Imasmim nane thitassa obhasadayo dasa vipassanupakkilesa uppajjanti, yesam uppattiya akusalo yogavacaro tesu maggananasanni hutva amaggameva "maggo"ti ganhati, upakkilesajatajatito ca hoti. Kusalo pana yogavacaro tesu vipassanam aropento ca hoti. Kusalo pana yogavacaro tesu vipassanam aropento upakkilesajatam vijatetva "ete dhamma na maggo, upakkilesavimuttam pana vithipatipannam vipassanananam maggo"ti magganca amagganca vavatthapeti. Tassevam magganca natva thitam nanam maggamaggananadassanavisuddhi nama. Ettavata ca pana tena catunnam saccanam vavatthanam katam hoti. Katham? namarupapariggahe sati paccayapariggahasabhavato dhammatthitinanavacaneneva Vuttena ditthivisuddhisankhatena namarupavavatthapanena ^1- dukkhasaccavavatthanam katam hoti, kankhavitaranavisuddhisankhatena paccayapariggahanena samudayasaccassa vavatthanam, udayabbayanupassanena ca khanato udayabbayadassanena dukkhasaccavavatthanam katam, paccayato udayadassanena samudayasaccassa vavatthanam, paccayato vayadassanena nirodhasaccassa vavatthanam, yancassa udayabbayadassanam, maggovayam lokikoti tatra sammohavighatato imissanca maggamaggananadassanavisuddhiyam vipassato samma maggassa avadharanena maggasaccassa vavatthanam katam. Evam lokiyena tava nanena catunnam saccanam vavatthanam katam hotiti. Udayabbayanananiddesavannana nitthita. @Footnote: ¹ Si. namarupavavatthanena

The Pali Atthakatha in Roman Book 47 page 271-276. http://84000.org/tipitaka/atthapali/read_rm.php?B=47&A=6068&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6068&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=103 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1267 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1545 The Pali Tipitaka in Roman Character :- http://84000.org/tipitaka/read/roman_read.php?B=31&A=1545 Contents of The Tipitaka Volume 31 http://84000.org/tipitaka/read/?index_31