|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Chaddantajatakam
kim nu socasiti idam sattha jetavane viharanto ekam daharabhikkhunim
arabbha kathesi.
Sa kira savatthiyam kuladhita gharavase adinavam disva sasane
pabbajitva ekadivasam bhikkhunihi saddhim dhammassavanaya gantva
alankatadhammasane nisiditva dhammam desentassa dasabalassa
apparimanapunnappabhavabhinibbattam uttamarupasampattiyuttam attabhavam oloketva
paricinnapubba nukho me bhavasmim vicarantiya imassa mahapurisassa
padaparicarikati cintesi. Athassa tam khananneva jatissarananam
uppajji chaddantavaranakale aham imassa mahapurisassa padaparicarika
bhutapubbati. Athassa sarantiya mahantam pitipamojjam
uppajji. Sa pitivegena mahahasitam hasitva puna cintesi
padaparicarika nama samikanam hitajjhasaya appaka ahitajjhasayava
bahutara hitajjhasaya nukho aham imassa purisassa ahosim
ahitajjhasayati. Sa anussaramana aham hi appamattam dosam hadaye
thapetva visaratanasatikam chaddantamahagajissaram sonuttarannama nesadam
pesetva visapitena sallena vijjhapetva jivitakkhayam papesinti
addasa. Athassa soko udapadi. Hadayam unham ahosi. Sokam
santharetum asakkonti assasitva passasitva mahasaddena parodi.
Tam disva sattha sitam patukaritva ko nukho bhante hetu ko paccayo
sitassa patukammayati bhikkhusanghena puttho bhikkhave ayam daharabhikkhuni
pubbe mayi katam aparadham saritva rodatiti vatva atitam ahari.
Atite himavante chaddantadaham upanissaya atthasahassahatthinaga
vasimsu iddhimanto vehasangama. Tada bodhisatto jetthakavaranassa
putto hutva nibbatti. So sabbaseto ahosi rattamukhapado.
So aparabhage vuddhippatto atthasitihatthubbedho ahosi
visaratanasatayamo atthapannasahatthaya rajatadamasadisaya sondaya
samannagato. Danta panassa parikkhepato pannarasahattha ahesum dighato
timsahattha chabbannaramsihi samannagata. So atthannam nagasahassanam
jetthako ahosi. Pancasate paccekabuddhe pujesi. Tassa dve
aggamahesiyo ahesum cullasubhadda mahasubhadda cati. Nagaraja
atthanagasahassaparivaro kancanaguhayam vasati. So pana chaddantadaho
ayamato ca vittharato ca dvipannasayojano hoti. Tassa
majjhe dvadasayojanappamane thane sevalam va panakam va kaddamam
va natthi manikkhandhavannam udakameva santitthati tadanantaram yojanavitthatam
suddhakallaharavanam tam udakam parikkhipitva thitam tadanantaram yojanavitthatameva
suddhaniluppalavanam tam parikkhipitva thitam tato
yojanayojanavitthataneva rattuppalasetuppalarattapadumasetapadumakumudavanani purimam
parikkhipitva thitani. Imesam pana sattannam vananam anantaram
sabbesampi tesam kallaharadinam vasena omissakavanam yojanavitthatameva
Tani parikkhipitva thitam. Tadanantaram naganam katippamane udake
yojanavitthatameva rattasalivanam. Tadanantaram udakapariyante
yojanavitthatameva nila pita lohita odatasurabhikusumasamakinnam udakagacchavanam .
Iti imani dasa vanani yojanavitthataneva. Tato khuddakarajamasa-
maharajamasamuggavanam. Tadanantaram tipusaelalukalabukakumbhandavallivanam.
Tato pugarukkhappamanam ucchuvanam. Tato hatthidantappamanaphalam
kadalivanam. Tato salavanam. Tadanantaram catippamanaphalam
panasavanam. Tato madhuraphalam lincavanam. Tato kapitthavanam. Tato
omissako mahavanasando. Tato veluvanam. Ayamassa tasmim
kale sampatti. Samyuttatthakathayam pana idani vattamanasampattiyeva
kathita.
Veluvanam pana parikkhipitva satta pabbata thita. Tesam
bahirantarato patthaya pathamo cullakalapabbato nama dutiyo
mahakalapabbato nama. Tato udakapassapabbato nama. Tato
candapassapabbato nama. Tato suriyapassapabbato nama. Tato
manipassapabbato nama. Sattamo suvannapassapabbato nama.
So ubbedhato sattayojaniko chaddantadaham parikkhipitva pattassa
mukhavatti viya thito. Tassa abbhantarimapassam suvannavannam.
Tato nikkhantena obhasena chaddantadaho samuggatabalasuriyo viya
hoti. Bahirapabbatesu pana eko ubbedhato chayojaniko eko
panca eko cattari eko tini eko dve eko
Yojaniko. Evam sattapabbataparikkhittassa pana tassa chaddantadahassa
pubbuttarakanne udakavatappaharanokase mahanigrodharukkho atthi.
Tassa khandho parikkhepato pancayojaniko ubbedhato sattayojaniko
catusu disasu catasso sakha chayojanika uddham uggatasakhapi
chayojanikava. Iti so mulato patthaya ubbedhena terasayojanikova
sakhanam upari samantato dvadasayojaniko atthahi parohasahassehi
patimandito mundamanipabbato viya vilasamano titthati.
Chaddantadahassa pana pacchimadisabhage suvannapassapabbate
dvadasayojanika kancanaguha. Chaddanto nama nagaraja vassaratte
atthasahassanagaparivuto kancanaguhayam vasati. Gimhakale udakavatam
sampaticchamano mahanigrodhamule parohantare titthati. Athassa
ekadivasam mahasalavanam pupphitanti arocayimsu. So saparivaro
salakilam kilissamiti tam salavanam gantva ekam supupphitam salarukkham
kumbhena pahari. Cullasubhadda uparivatapasse thita. Tassa
sarire sukkhadandakamissani puranapannani ceva tambakipillikani
ca patimsu. Mahasubhadda adhovatapasse thita. Tassa sarire
puppharenukinjakkhapattani patimsu. Cullasubhadda attano piyabhariyaya
upari puppharenukinjakkhapattani patesi ayam nagaraja mama sarire
sukkhadandakamissani puranapannani ceva tambakipillikani ca patesi
hotu kattabbam janissamiti cintetva mahasatte veram bandhi.
Aparampi divasam nagaraja saparivaro nahanatthaya chaddantadaham
Otari. Atha dve tarunanaga sondaya usirakalape gahetva
kelasakutam majjanta viya nahapesum. Tasmim nahatva uttinne
dve karenuyo nahapesum. Tapi uttaritva mahasattassa santike
atthamsu. Tato atthasahassanaga saram otaritva udakakilam kilitva
sarato nanapupphani aharitva rajatathupam alankaronto viya mahasattam
alankaritva paccha dve karenuyo alankarimsu. Atheko hatthi
sare vicaranto sattuddayam mahapadumam labhitva aharitva mahasattassa
adasi. So tam sondaya gahetva renu kumbhe okiritva
jetthakaya mahasubhaddaya adasi. Tam disva itara idampi
sattuddayam mahapadumam attano piyabhariyaya eva adasi na mayhanti
punapi tasmim veram bandhi.
Athekadivasam bodhisatte madhuraphalani ceva bhimsamulani ca
pokkharamadhuna yojetva pancasate paccekabuddhe bhojente cullasubhadda
attano laddhaphalaphalam paccekabuddhanam datva bhante aham itodani
cavitva maddarajakule nibbattetva subhadda nama rajakanna hutva
vayappatta baranasiranno aggamahesibhavam patva tassa piya
manapa tam attano rucim katum samattha hutva tassa acikkhitva
ekam luddakam pesetva imam hatthim visapitena sallena vijjhapetva
jivitakkhayam papetva chabbannaramsi visajjente yamakadante aharapetum
samattha homiti patthanam thapesi. Sa tato patthaya gocaram agahetva
sussitva na cirasseva kalam katva maddaratthe aggamahesiya
Kucchimhi nibbatti. Jayamanaya ca subhaddatissa namam akamsu.
Atha nam vayappattam baranasiranno adamsu. Sa tassa piya
manapa solasannam itthisahassanam jetthaka jatissaranananca patilabhi.
Sa cintesi samiddha me patthana idani tassa nagassa
yamakadante aharapessamiti. Tato sariram telena makkhetva
kilitthavattham nivasetva gilanakaram dassetva sirisayanam pavisitva
mancake nipajji. Raja kuhim subhaddati vatva gilanati sutva
sirigabbham pavisitva mancake nisidapetva tassa pitthim parimajjanto
pathamam gathamaha
kinnu socasi anuccangi pandusi varavannini
milayasi visalakkhi malava parimadditati.
Tattha anuccangiti kancanasannibhasarire. Malava parimadditati
hatthehi parimadditapaduma viya.
Tam sutva sa itaram gathamaha
dohalo me maharaja supinantenupaccaga
na so sulabharupova yadiso mama dohaloti.
Tattha na soti yadiso mama. Supinantenupaccagati supinante
supinam passantiya maya dittho dohalo so sulabharupo viya
na hoti dullabho so mayham pana tam alabhantiya jivitam
natthiti avaca.
Tam sutva raja gathamaha
Ye keci manusa kama idha lokasmi nandane
sabbe te paccura mayham ahante dammi dohalanti.
Tattha paccurati bahu sulabha bhadde subhadde idha lokasmim
manusa kama manussehi patthiyamana ye keci satta ratana nandane
manuse ye keci panca kamaguna atthi sabbe te vatthukamakilesakame
aham te tuyham dammi dadamiti.
Tam sutva devi maharaja dullabho mama dohalo na tam
idani kathemi yavatika pana vo vijite ludda te sabbe
sannipatetha tesam majjhe kathessamiti dipenti anantaram gathamaha
ludda deva samayantu ye keci vijite tava
etesam ahamakkhissam yadiso mama dohaloti.
Tattha deva ye keci tava vijite yutta ludda atthi sabbe te
ludda samayantu pakkosimsu aham yadiso mama dohalo etesam
luddanam akkhissam akkhissamiti.
Raja sadhuti sirigabbha nikkhamitva yavatika tiyojanasatike
kasikaratthe ludda sabbesam sannipatatthaya bherincarapethati
amacce anapesi. Te tatha karimsu. Na cirasseva kasikaratthavasino
ludda yathabalam pannakaram gahetva agantva agatabhavam
ranno arocapesum. Te sabbepi satthisahassamatta ahesum.
Raja tesam agatabhavam natva vatapane thito hattham pasaretva
tesam agatabhavam deviya kathento aha
Ime te luddaka devi katahattha visarada
vanannu ca migannu ca mamatthe cattajivitati.
Tattha imeti ye tvam sannipatapesi ime te. Katahatthati
vijjhanachedanesu katahattha sukusala susikkhita. Visaradati nibbhaya.
Vanannu ca migannu cati vanani ca mige ca jananti. Mamattheti
sabbepi cete mamatthe cattajivita yamaham icchami tam karontiti.
Tam sutva devi te amantetva itaram gathamaha
luddaputta nisametha yavantettha samagata
chabbisanam gajam setam addasam supine aham
tassa dantehi me attho alabhe natthi jivitanti.
Tattha bhonto luddaputta ettha tasmim thane yavanta
yattaka tumhe samagata me mama vacanam nisametha sunatha.
Chabbisananti chabbannavisanam. Aham gajam kidisam chabbisanam setam
evarupam gajam supine addasam passami tassa nagarajassa dantehi
me attho alabhe natthi jivitanti.
Tam sutva luddaputta ahamsu
na no pitunam na pitamahanam
dittho suto kunjaro chabbisano
yamaddasa supine rajaputti
akkhahi no yadiso hatthinagoti.
Tattha pitunanti karanatthe samivacanam. Idam vuttam hoti deva
amhakam pituhi pitamahehipi evarupo kunjaro na ditthapubbo
pageva amhehi tasma attana ditthalakkhanavasena akkhahi no
yadiso taya dittho hatthinagoti.
Anantaragathapi teheva vutta
disa catasso vidisa catasso
uddham adho dasa disa ima yo
katamam disam titthati nagaraja
yamaddasa supine chabbisananti.
Tattha disati disasu. Katamanti etasu disasu katamaya
disayati.
Evam vutte subhadda sabbe ludde oloketva tesam antare
patthatapadam bhattaputasadisajangham mahajanukam mahaphasukam bahalamassum
tambadathikam nibbiddhapingalam dussanthanam vibhaccham sabbesam matthakena
pannayamanam mahasattassa pubbaverim sonuttaram nama nesadam disva
esa mama vacanam katum sakkhissatiti rajanam anujanapetva tam
adaya sattabhumikapasadassa uparitalam aruyha uttarasihapanjaram
vivaritva uttarahimavantabhimukham hattham pasaretva catasso gatha
abhasi
ito ujum uttarayam disayam
atikkamma so satta giri brahante
Suvannapasso nama giri ularo
sampupphito kimpurisanucinno.
Aruyha selam bhavanam kinnaranam
olokaya pabbatapadamulam
atha dakkhasi meghasamanavannam
nigrodharajam atthasahassapadam.
Tatthacchati kunjaro chabbisano
sabbaseto duppasaho parebhi
rakkhanti nam atthasahassanaga
isadanta vatajavappaharino.
Titthanti te tumulamassasanta
kuppanti vatassapi eritassa
manussabhutam pana tattha disva
bhasmam kareyyum nassa rajopi tassati.
Tattha itoti bho luddaputta so tvam imamha thana.
Uttarayanti uttaraya uddissa ujum gaccha gacchahi gantvana
brahante satta giri atikkamma atikkantena taya pathamameva cha
pabbate atikkamitva suvannamayo nama giri kidiso. Ularoti
mahanto itarehi chahi pabbatehi uccataro. Olokayati
olokeyyasi. Tatthacchatiti tasmim nigrodhamule gimhasamaye udakavatam
sampaticchanto titthati. Duppasahoti anne tam upagantva pasayham
Katum samattha nama natthiti duppasaho parebhi evarupo kunjaro
tattha tasmim nigrodhamule gimhasamaye udakavatam sampaticchanto acchati
titthati. Ludda atthasahassanaga kidisa. Isadantati rathisaya
samanadanta. Vatajavappaharinoti vatajavena gantva paccamitte
paharanasila evarupa atthasahassa naga nam nagarajanam rakkhanti.
Tumulanti bhimsanakam mahasaddanubandham assasapassasam muncanta
titthanti. Eritassati vatapaharitassa yam saddanubandhaeritacalitakampanam
tassapi kuppanti te naga tattha tasmim thane agatam
manussabhutam disva evam pharusa. Nassati tassa nasavateneva
viddhamsitva bhasmam katassa tassa rajopi na bhaveyyati.
Tam sutva sonuttaro maranabhayabhito
bahu hi me rajakulamhi santi
pilandhana jatarupassa devi
mutta mani veluriyamaya ca
kim kahasi dantapilandhanena
maretukama kunjaram chabbisanam
udahu ghatessasi luddaputteti
aha.
Tattha pilandhanati abharanani. Veluriyamayati veluriyamayani.
Ghatessasiti udahu pilandhanapadesena luddaputte ghatapetukamasiti
pucchi.
Tato devi gathamaha
sa issita dukkhita casmi ludda
uddhanca sussami anussaranti
karohi me luddaka etamattham
dassami te gamavarani pancati.
Tattha sati sa aham. Anussarantiti tena varanena pure
mayi katam veram anussaramanava. Dassami teti etasmim te atthe
nipphadite samvacchare samvacchare satasahassutthanake panca gamavare
te tuyham dassami dadami.
Evanca pana vatva samma luddaputta aham etam chaddantahatthim
marapetva yamakadante aharapetum samattha homiti pubbe
paccekabuddhanam danam datva patthanam thapesim maya supinante dittham nama
natthi sa pana maya patthitapatthana samijjhissati tvam gacchanto
ma bhayiti tam samassasesi. So sadhu ayyeti tassa vacanam
sampaticchitva tenahi me pakatam katva tassa vasanatthanam kathehiti
pucchanto aha
katthacchati kattha mupeti thanam
vithissa ka nahanagatassa hoti
kathanhi so nahayati nagaraja
katham vijanemu gatim gajassati.
Tattha katthacchatiti kattha vasati. Kattha mupetiti kattha upeti.
Kattha titthatiti attho. Vithissa kati tassa nahanagatassa ka vithi
hoti kataramaggena so gacchati. Katham vijanemu gatinti taya
akathite mayam katham tassa gajassa gatim vijanissama tasma kathehi
noti attho.
Tato sa jatissarananena paccakkhato ditthatthanam tassa
acikkhanti dve gatha abhasi
tattheva sa pokkharani adure
ramma sutittha ca mahodaka ca
sampupphita bhamaragananucinna
ettha hi so nahayati nagaraja.
Sisam nahato uppalamaladhari
sabbaseto pundarikatacangi
amodamano gacchati saniketam
purakkhatva mahesim sabbasubhaddanti.
Tattha tatthevati tattha vasanatthaneyeva. Pokkharaniti
chaddantadaham sandhayaha. Sampupphitati duvidhehi kumudehi tividhehi uppalehi
pancavannehi padumehi samantato pupphita. Ettha hi soti so
nagaraja ettha chaddantadahe nahayati. Uppalamaladhariti uppaladinam
jalathalajatanam pupphanam malam dharento. Pundarikatacangiti pundarikasadisatacena
odatena angena samannagato. Amodamanoti amoditapamodito.
Saniketanti attano vasanatthanam. Purakkhatvati
Sabbasubhaddam nama mahesim purato katva atthahi nagasahassehi
parivuto attano vasanatthanam gacchatiti aha.
Tam sutva sonuttaro sadhu ayye aham tam varanam maretva
dante aharissamiti sampaticchi. Athassa sa tussitva sahassam
datva geham tava gaccha ito sattahaccayena tattha gamissasiti
tam uyyojetva kammare pakkosapetva tata amhakam
vasipharasukuddalanikhadanamutthikavelugumbacchedanasatthatinalayana-
asilohadandakakakacakhanukaayasimghatakehi attho sabbam sigham katva aharati
anapetva cammakare pakkosapetva tata amhakam kumbhabharagahikam
cammabhastam katum vattati cammayottavarattahatthipadaupahanacammachattehipi
no attho sabbam sigham katva aharati anapesi.
Tato ubhopi sabbani sigham katva aharitva adamsu. Sa tassa
patheyyam samvidahitva aranisahitam adim katva sabbam upakarananca
baddhasattuadikam patheyyanca cammabhastayam pakkhipi. Tam sabbampi
kumbhabharamattam ahosi. Sonuttaropi attano parivaccham katva
sattame divase agantva devim vanditva atthasi. Atha nam sa
nitthitante sabbupakaranam imam tava pasibbakam ganhati aha. So
pana mahathamo pancannam hatthinam balam dhareti. Tasma
tambulapasibbakam viya ukkhipitva upakacchantare thapetva rittahattho viya
atthasi. Subhadda luddakassa darakanam paribbayam datva ranno
acikkhitva sonuttaram uyyojesi. Sopi rajananca devinca
Vanditva rajanivesana oruyha rathe thatva mahantena parivarena
nagara nikkhamitva gamanigamaparamparaya paccantam patva janapade
nivattetva paccantavasihi saddhim arannam pavisitva manussapatham
atikkamma paccantavasinopi nivattetva ekakova gacchanto timsayojanam
patva pathamam dabbagahanam kasagahanam tinagahanam tulasigahanam saragahanam
tirivacchagahanam cha gahanani kantakagumbagahanani vettagahanam omissakagahanam
nalavanagahanam saravanagahanasadisam uragenapi dubbinivijjham ghanavanagahanam
rukkhagahanam velugahanam kalalagahanam udakagahanam pabbatagahananti attharasa
gahanani patipatiya patva upagantva dabbagahanadini asitena
layitva tulasigahanadini veluvanagumbacchedanasatthena chinditva rukkhe
pharasuna kottetva atimahante nikhadanena vijjhitva maggam karonto
velugumbavane nissenim katva velugumbam aruyha velum chinditva
aparassa velugumbassa upari patetva velugumbamatthakena gantva
kalalagahane sukkharukkhapadaram attharitva tena gantva aparam attharitva
itaram ukkhipitva puna purato attharanto tam atikkamitva udakagahanam
patva donim katva taya udakagahanam taritva pabbatapade thatva
ayasighatakam yottena bandhitva uddham khipitva pabbate laggapetva
yottena oruyha tattha thitova cammayottam olambetva tam adaya
otaritva hetthimakhanuke bandhitva yottena aruyha vajiraggena
lohadandena pabbatam vijjhitva khanukam kottetva tattha thatva
sighatakam akaddhitva puna upari laggapetva tattha thito cammayottam
Olambetva tam adaya otaritva hetthimakhanuke bandhitva
yottenaruyha vamahatthena yottam gahetva dakkhinahatthena muggaram
adaya yottam paharitva khanukam niharitva puna abhiruhati.
Etenupayena pabbatamatthakam aruyha purato otaranto itare
purimanayeneva pathamapabbatamatthake khanukam kottetva cammapasibbake
yottam bandhitva khanuke vethetva sayam antopasibbake nisiditva
makkatakanam makkatasuttavisajjanakarena yottam vinivethento otari.
Cammachattena vatam gahapetva sakuno viya otaratiti vadantiyeva.
Evam tassa subhaddaya vacanam adaya nagara nikkhamitva sattarasa
gahanani atikkamitva pabbatagahanam patva tatrapi cha pabbate
atikkamitva suvannapassapabbatamatthakam aruyhabhavam avikaronto
sattha aha
tattheva so uggahetvana vakyam
adaya tuninca dhanunca luddo
vituriya so satta giri brahante
suvannapassannama giri ularam.
Aruyha selam bhavanam kinnaranam
olokayi pabbatapadamulam
tatthaddasa meghasamanavannam
nigrodharajam atthasahassapadam.
Tatthaddasa kunjaram chabbisanam
sabbasetam duppasaham parebhi
rakkhanti nam atthasahassanaga
isadanta vatajavappaharino.
Tatthaddasa pokkharani adure
rammam sutitthanca mahodakanca
sampupphitam bhamaragananucinnam
yattha hi so nahayati nagaraja.
Disvana nagassa gati thitanca
vithissa ya nahanagatassa hoti
opatamagacchi anariyarupo
payojito cittavasanugayati.
Tattha soti bhikkhave so luddo tattheva sattabhumipasadatale
thitaya tassa vacanam uggahetva saratuninca mahadhanunca adaya
pabbatagahanam patva kataro nukho suvannapassapabbato namati
satta mahapabbate. Vituriyati tasmim kale vituleti tireti. So
evam tirento suvannapassannama giri ularam disva ayam so
bhavissatiti cintesi. Olokayiti tam kinnaranam bhavanabhutam pabbatam
aruyha subhaddaya dinnasannavasena hettha olokesi. Tatthati
tasmim pabbatapadamule avidureyeva tam nigrodham addasa. Tatthati
tasmim nigrodhamule thitam. Tatthati tattheva antopabbate tassa
Nigrodhassa avidure patva yattha so nahayati tam pokkharani
addasa. Disvanati suvannapassapabbata oruyha hatthinam gatakale
hatthipadaupahanam aruyha tassa nagaranno gatatthanam
nibbaddhavasanatthananca upadharento imina maggena gacchati idha nahayati
nahatva otinno idha titthatiti sabbam disva ahirikabhavena
anariyarupataya cittavasanugaya payojito tasma opatam agacchi
patipajji avatam khaniti attho.
Tatrayam anupubbikatha. So kira mahasattassa vasanokasam
sattamasadhikehi sattahi samvaccharehi sattahi ca divasehi patva
vuttanayeneva tassa vasanokasam sallakkhetva idha avatam khanitva
tasmim thito varanadhipati vijjhitva jivitakkhayam papessamiti
vavatthapetva arannam pavisitva thambhadinam atthaya rukkhe chinditva
dabbasambhare sajjetva hatthisu nahanatthaya gatesu tassa vasanokase
mahakuddalena caturassam avatam khanitva uddhatapamsubijam vapanto
viya udakena vikiritva udukkhalapasananam upari thambhe patitthapetva
tuladhare datva padarani attharitva kanthappamanam chiddam katva
upari pamsunca kacavaranca pakkhipitva ekena passena attano
pavisanatthanam katva evam nitthite avate paccusakaleyeva patisisakam
patimuncitva kasavani paridahitva saddhim visapitena sallena dhanum
adaya avatam otaritva atthasi.
Tamattham pakasento sattha aha
Khanitvana kasum phalakehi chadayi
attanamodhaya dhanunca luddo
passagatam puthusallena nagam
samappayi dukkatakammakari.
Vaddho ca nago koncamanadi ghoram
sabbeva naga ninnadu ghorarupam
tinanca katthanca ranam karonta
dhavimsu te attha disa samantato.
Vadhissametanti paramasanto
kasavamaddakkhi dhajam isinam
dukkhena phutthassudapadi sanna
arahaddhajo sabbhi avajjharupoti.
Tattha odhayati odahitva pavesetva. Passagatanti attano
avatassa passe agatam. So kira dutiyadivase agantva nahatva
uttinno tasmim mahavisalamalake nama padese atthasi. Athassa
sarirato udakam nabhippadesena ogalitva tena chiddena luddassa
sarire pati. Taya sannaya so mahasattassa agantva thitabhavam
natva tam passagatam puthusallena samappayi vijjhi. Dukkatakammakariti
tassa mahasattassa kayikacetasikassa dukkhassa uppadanena dukkatassa
kammassa karako. Koncamanaditi koncanadam kari. Tassa kira
tam sallam nabhiya pavisitva pihakadini sancunnetva antadini
Chinditva pitthibhagam pharasuna padalentam viya uggantva akasena
pakkhandi. Bhinnarajatakumbhato rajanam viya paharamukhena lohitam paggharati.
Balavavedana uppajji. So vedanam adhivasetum asakkonto
vedanappatto sakalapabbatam ekaninnadam karonto tikkhattum mahantam koncanadam
nadi. Sabbevati tepi sabbe atthasahassanaga tam saddam sutva
maranabhayabhita ghorarupam ninnadum. Ranam karontati ghorarupam saddadarunam
karonto tena saddenagantva chaddantavaranam vedanappattam
disva paccamittam ganhissamati tinanca katthanca cunnam
karonta dhavisu. Vadhissametanti bhikkhave so chaddantavarano disasu
pakkantesu nagesu subhaddaya kaneruya passe thatva sandharetva
samassasayamanaya vedanam adhivasetva kandassa agatatthanam
sallakkhento sace idam puratthimadisadihi agatam abhavissa kumbhadihi
pavisitva pacchimakayadihi nikkhamissati idam pana nabhiya pavisitva
akase pakkhandati tasma pathaviyam thitena vissattham bhavissatiti
upadharetva thitatthanam upaparikkhitukamo ko janati kim bhavissati
subhaddam apanetum vattatiti cintetva bhadde atthasahassanaga mama
paccamittam pariyesanta disasu pakkhanta tvam idha kim karositi
vatva deva aham tumhe sandharetva samassasenti thita khamatha
meti tikkhattum padakkhinam katva catusu thanesu vanditva taya
akasam pakkhantaya nagaraja bhumiyam padanakhena pahari. Padaram
uppatitva gatam. So tam chiddena olokento sonuttaram disva
Vadhissami nanti cittam uppadetva rajatadamavannasondam pavesetva
paramasanto buddhadinam isinam dhajam kasavam addakkhi. So tam
ukkhipitva purato thapesi. Athassa tena tatharupenapi dukkhena
phutthassa arahaddhajo nama sabbhi panditehi avajjharupo annadatthum
sakkatabbo garukatabboyevati ayam sanna udapadi. So tena
saddhim sallapanto gathadvayamaha
anikkasavo kasavam yo vattham paridahessati
apeto damasaccena na so kasavamarahati.
Yo ca vantakasavassa silesu susamahito
upeto damasaccena save kasavamarahatiti.
Tassattho samma luddaputta yo puriso ragadihi kasavehi
anikkasavo indriyadamanena ceva vacisaccena ca apeto anupagato
tehi gunehi kasaya rasapitam kasavam vattham paridahati so tam
kasavam narahati nanucchaviko so tassa vatthassa yo pana
tesam kasavanam vantatta vantakasavo assa. Silesu susamahitoti
supatitthitaparipunnasilacaro so etam kasavam arahati namati.
Evam vatva mahasatto tasmi cittam nibbapetva samma
kimattham mam vijjhasi ki attano atthaya udahu annena
payojitositi pucchi.
Tamattham pakasento sattha aha
Samappito puthusallena nago
adutthacitto luddakam abhasi
kimatthiyam kissa va samma hetu
mamam vadhi kassa vayam payogoti.
Tattha kimatthiyanti ayatim ki patthento. Kissa vati kissa
hetu kena karanena ki nama tava maya saddhim veranti adhippayo.
Kassa vati kassa va annassa ayam payogo kena payojito
mam avadhiti attho.
Athassa acikkhanto luddo gathamaha
kasissa ranno mahesi bhadante
sa pujita rajakule subhadda
(sa) tam addasa sa ca mamam asamsi
dantehi atthoti mamam avocati.
Tattha pujitati aggamahesitthanena pujita. Addasati sa
kira tam supinante addasa. Asamsiti sa ca mama sakkaram karetva
himavantappadese evarupo nama nago asukasmi nama thane vasatiti
mamam acikkhati. Dantehiti tassa nagassa chabbannaramsi samujjala
danta tehi mama attho atthi pilandhanam karetukamamhi te
me aharati mamam avoca.
Tam sutva idam cullasubhaddaya kammanti natva mahasatto
vedanam adhivasetva aha tassa mama dantehi attho natthi mam
Maretukamataya pana pahiniti dipento gathadvayamaha
bahu hi me dantayuga ulara
ye me pitunanca pitamahanam
janati sa kodhana rajaputti
vadhatthika veramakasi bala.
Utthehi tvam ludda kharam gahetva
dante ime chinda pura marami
vajjasi tam kodhanam rajaputtim
nago hato handa imassa dantati.
Tattha imeti tassa kira pitupitamahanam danta ma vinassimsuti
guhaya sannicita te sandhaya evamaha. Janatiti bahunam varananam
idha thane sannicita dante janati. Vadhatthikati kevalam pana
sa mam maretukama appamattakampi dosam hadaye thapetva attano
veram akasi. Evarupena pharusakammena matthakam papesi. Kharanti
kakacam. Pura maramiti yava na marami. Vajjasiti vadeyyasi.
Handa imassa dantati hato so maya nago manoratho te matthakam
patto ganha ime tassa dantati.
So tassa vacanam sutva nisidanatthana vutthaya kakacam adaya
dante chindissamiti tassa santike upagato. So pana ubbedhato
atthasitihattho rajatapabbato viya thito tenassa so dantatthanam
na papuni. Athassa mahasatto kayam upanamento hetthasisako
Nipajji. Tada pana nesado mahasattassa rajatadamasadisam sondam
maddanto abhiruhitva kelasakute viya kumbhe thatva mukhakotimamsam
januna paharitva anto pakkhipitva kumbhato oruyha kakacam
antomukhe pavesesi. Ubhohi hatthehi dalham aparaparam kaddhi.
Mahasattassa balavavedana uppajji. Mukham lohitena puri. Nesado
itocitoca sancaranto kakacena chinditum nasakkhi. Atha nam
mahasatto mukhato lohitam chaddetva vedanam adhivasetva kim samma
chinditum na sakkositi pucchi. Ama samiti. Mahasatto satim
paccupatthapetva tenahi samma mama sondam ukkhipitva kakacakotim
ganhapehi mama sayam sondam ukkhipitum balam natthiti aha.
Nesado tatha akasi. Mahasatto sondaya kakacam gahetva
aparaparam caresi. Danta pana kalira viya chindimsu. Atha ne
aharapetva ganhitva samma luddaputta aham ime dante tuyham
dadamano neva mayham appiyati dammi na sakkattamarattabrahmattani
patthento imehi pana me dantehi satagunena sahassagunena
sabbannutananadantava piya sabbannutananappativedhaya me idam
punnam paccayo hotuti dante datva samma imam thanam kittakena
kalena agatositi pucchitva sattamasasattadivasadhikehi sattahi
samvaccharehiti vutte gaccha imesam dantanam anubhavena
sattadivasabbhantareyeva baranasim papunissasiti vatva tassa parittam katva
Sallena viddho byathitopi santo
kasavavatthamhi manam na dussayi
sace imam nagavarena saccam
ma mam vane balamiga aganchunti
tam uyyojesi uyyojetva ca pana anagatesuyeva tesu nagesu
subhaddaya ca anagataya kalamakasi.
Tamattham pakasento sattha aha
utthaya so luddo kharam gahetva
chetvana dantani gajuttamassa
vaggu subhe appatime pathabya
adaya pakkami tato hi khippanti.
Tattha vagguti vilasavante. Subheti sundare. Appatimeti
imissam pathaviyam annehi dantehi asadisam. Tasmim pakkante te
naga paccamittam adisva agamimsu.
Tamattham pakasento sattha aha
bhayaddita nagavadhena atta
ye te naga dasa disa vidhavum
adisvana posam gajapaccamittam
paccagamum yena so nagarajati.
Tattha bhayadditati maranabhayena upadduta. Attati dukkhita.
Gajapaccamittanti gajassa paccamittam. Yena soti yattha
Visalamalake so nagaraja kalam katva kelasapabbato viya patito tam
thanam paccagamunti attho.
Tehi pana saddhim mahasubhaddapi agata te sabbepi atthasahassanaga
tattha roditva kanditva mahasattassa kulupakapaccekabuddhanam
santikam gantva bhante tumhakam paccayadayako visapitena sallena
viddho kalakato sivathikadassanamassa gacchathati vadimsu. Pancasata
paccekabuddhapi akasenagantva visalamalake otarimsu. Tasmim
khane dve tarunanaga nagaranno sariram dantehi ukkhipitva
paccekabuddhe vandapetva citakam aropetva jhapayimsu. Paccekabuddha
sabbarattim ahalane dhammasajjhayam karimsu. Atthasahassanaga ahalanam
nibbapetva nahatva mahasubhaddam purato katva attano vasanatthanam
agamimsu.
Tamattham pakasento sattha aha
te tattha kanditva roditvana naga
sise sake pamsukam okiritva
agamimsu te sabbe sakam niketam
purakkhatva mahesim sabbabhaddanti.
Tattha pamsukanti ahalanapamsukam.
Sonuttaropi appatteyeva sattame divase dante adaya
baranasim sampapuni.
Tamattham pakasento sattha aha
Adaya dantani gajuttamassa
vaggu subhe appatime pathabya
suvannarajihi samantamodare
so luddo kasipuram upagami
upanesi so rajakannaya dante
nago hato handa imassa dantati.
Tattha suvannarajihiti suvannaramsihi. Samantamodareti samantato
obhasante sakalavanasandam suvannavannam viya karonte. Upanesiti
aham chaddantavaranassa chabbannaramsivisajjane yamakadante adaya
agacchami nagaram alankarapethati deviya sasanam pesetva taya
ranno arocapetva devanagaram viya nagare alankarapite sonuttaropi
nagaram pavisitva pasadamaruhitva dante upanesi upanetva
ca pana ayye yassa kira tumhe appamattakam dosam hadaye karittha
so nago maya hato mato tassa matabhavam janatha handa
passatha ime tassa dantati dante adasi. Sa mahasattassa
chabbannaramsi vicittadante manitalavantena gahetva urusu thapetva
purimabhave attano piyasamikassa dante olokenti evarupam nama
sobhaggappattam varanam visapitena sallena jivitakkhayam papetva dante
chinditva sonuttaro agatoti mahasattam anussaranti sokam
uppadetva adhivasetum nasakkhi. Athassa tattheva hadayam phali. Tam
divasameva kalamakasi.
Tamattham pakasento sattha aha
disvana dantani gajuttamassa
bhattuppiyassa purimaya jatiya
tattheva tassa hadayam aphali
teneva sa kalamakasi balati.
Athassa dasabalassa gune vannenta dhammasangahakatthera
evamahamsu
sambodhipatto ca mahanubhavo
sitam akasi parisaya majjhe
pucchimsu bhikkhu suvimuttacitta
nakarane patukaronti buddha.
Yamaddasatha daharim kumarim
kasavavattham anagariyam carantim
sa kho tada rajakanna ahosi
aham tada nagaraja ahosim.
Adaya dantani gajuttamassa
vaggu subhe appatime pathabya
yo luddako kasipuram upagami
so kho tada devadatto ahosi.
Anavasuram cirarattasamsitam
uccavacam caritamidam puranam
Vitaddaro vitasoko visallo
sayam abhinnaya abhasi buddho.
Aham vo tena kalena ahosim tattha bhikkhavo
nagaraja tadahosim evam dharetha jatakanti.
Ima gatha dasabalassa gune vannentehi dhammasangahakattherehi
thapita.
Tattha sitam akasiti avuso sambodhi patto sattha mahanubhavo
alankatadhammasabhayam alankatadhammasane parisamajjhe nisinno
ekadivasam sitam akasi. Nakaraneti bhante buddha nama akarane
sitam na karonti tumhehi ca sitam katam kena nukho karanena
sitam katanti mahakhinasava bhikkhu pucchimsu. Yamaddasathati evam
puttho avuso sattha attano sitakaranam acikkhanto ekam
daharabhikkhunim dassetva evamaha bhikkhave yam etam daharayobbanappattam
kumarikam kasavavattham anagariyam upetam pabbajitva imasmim sasane
carantim addasatha passatha sa tada visapitena sallena nagarajam
vijjhitva gantva vadhehiti sonuttarassa peseta rajakanna
ahosi tena gantva jivitakkhayam papito aham tada so nagaraja
ahosinti attho. Devadattoti bhikkhave idani devadatto tada
so luddako ahosi. Anavasuranti na avasuram anatthangatasuriyanti
attho. Cirarattasamsitanti ito cirato anekavassakotimatthake samsitam
samsaritam anucinnam. Idam vuttam hoti avuso ito
Anekavassakotimatthake samsaritampi mulhena vimulhena katam pubbanhena katam tam
divasameva sayanhe saranto viya attano caritavasena uccatta
rajadhitaya ca sonuttarassa ca caritavasena nicatta uccanicacaritam
idam puranam ragadinam vigataya vitaddaro natidhanasokadinam abhavena
vitasoko ragasalladinam vigatatta visallo attanava vijanitva
buddho abhasiti ahu. Aham voti ettha voti nipatamattam.
Bhikkhave aham tena kalena tattha chaddantadahe ahosinti attho.
Nagarajati honto ca na anno koci tada homi athakho
nagaraja homiti attho. Evam dharethati tumhe etam jatakam
evam dharetha ugganhatha pariyapunathati.
Imanca pana desanam sutva bahu sotapannadayova ahesum.
Sa bhikkhuni paccha vipassanam vaddhetva arahattam pattati.
Chaddantajatakam nitthitam.
Catuttham.
-------------
The Pali Atthakatha in Roman Book 41 page 226-255.
http://84000.org/tipitaka/atthapali/read_rm.php?B=41&A=4638&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=41&A=4638&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=2327
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=9415
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=10125
The Pali Tipitaka in Roman Character :-
http://84000.org/tipitaka/read/roman_read.php?B=27&A=10125
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]