|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Pakinnakanipatavannana ---------- 1. Salikedarajatakam. Sampannam salikedaranti idam sattha jetavane viharanto matuposakabhikkhum arabbha kathesi. Vatthu pana samajatake avibhavissati. Sattha pana tam bhikkhum pakkosapetva saccam kira tvam bhikkhu gihi posesiti pucchitva saccam bhanteti kinte hontiti matapitaro me bhanteti vutte sadhu bhikkhu poranakapanditapi tiracchana hutva sakunayoniyam nibbattitva jinne matapitaro kulavake nipajjapetva mukhatundena gocaram aharitva posesunti vatva atitam ahari atite rajagahe magadharajanama rajjam karesi. Tada nagarato pubbuttaraya disaya salindiyonama brahmanagamo ahosi. Tassa pubbuttaradisaya magadhakhettam. Tattha kosiyagottonama salindiyavasi brahmano sahassakarisamattam khettam gahetva salim vapapesi. Utthite ca pana sasse vatim thiram karetva kassaci pannasakarisamattam kassaci satthikarisamattanti evam pancasatakarisamattam khettam attano parisananneva arakkhanatthaya datva sesam pancasatakarisamattam vatim--------------------------------------------------------------------------------------------- page250.
Katva ekassa bhatikassa adasi. So tattha kutim katva tattha rattindivam vasati. Khettassa pana pubbuttaradisayam ekasmim sanupabbate mahantam simbalivanam atthi. Tattha anekani suvasatani vasanti. Tada bodhisatto tasmim suvasamghe suvaranno putto hutva nibbatti. So vayappatto abhirupo thamasampanno sakatanabhippamanasariro ahosi. Athassa pita mahallakakale aham idani duram gantum na sakkomi tvam imam ganam pariharati puttassa rajjam niyyadeti. So punadivasato patthaya matapitunam gocaratthaya gantum nadasi. Suvaganam pariharanto himavantam gantva sayamjatasalivanesu yavadattham salim khaditva agamanakale matapitunam pahonakam gocaram adaya agantva matapitaro posesi. Athassa ekadivasam suva arocesum pubbe imasmim kale magadhakhette salim vapati idani kinnu kho katanti. Tenahi janathati dve suve pahini. Suva gantva magadhakhette otaranta tassa bhatiya rakkhanapurisassa khette otaritva salim khaditva ekam salisisam adaya simbalivanam agantva salisisam mahasattassa padamule thapetva tattha evarupo saliti vadimsu. So punadivase suvaganaparivuto tattha gantva tasmim bhatikassa khette otari. So pana puriso suve salim khadante disva itocito ca dhavitva varentopi varetum na sakkoti. Sesa suva yavadattham salim khaditva tucchamukhava gacchanti. Suvaraja pana bahuni salisisani ekato katva tundenadaya purato gantva aharitva--------------------------------------------------------------------------------------------- page251.
Matapitunam deti. Suva pana punadivasato patthaya tattheva salim khadimsu. Atha so puriso suve salim khadante disva itocito ca dhavitva varentopi varetum nasakkhi sace ime annam katipaham evam khadissanti kinci na bhavissati brahmano salim agghapetva mayham inam karissati gantva tassa arocessamiti. So salimutthina saddhim tatharupam pannakaram gahetva salindiyagamam gantva brahmanam passitva vanditva pannakaram datva ekamantam thito kim bho purisa sampannam salikhettanti puttho ama brahmana sampannanti vatva dve gatha abhasi sampannam salikedaram suva bhunjanti kosiya pativedemi te brahme na tam varetumussahe ekova tattha sakuno so nesam sabbasundaro bhutva salim yathakamam tundenadaya gacchatiti. Tattha sampannanti paripunnam avekallam. Salikedaranti salikhettam. Sabbasundaroti sabbehi kotthasehi sundaro rattatundo jinjukasannibhakkhi rattapado tihi rattarajihi parikkhittagivo mahamayurappamano so yavadattham salim khaditva annam tundena gahetva gacchatiti. Brahmano tassa katham sutva suvaraje sineham uppadetva khettapalam pucchi ambho purisa pasam odetum janasiti. Ama janamiti. Atha nam gathaya ajjhabhasi--------------------------------------------------------------------------------------------- page252.
Ujjhantu balapasani yatha bajjhetha so dijo jivanca nam gahetvana anayehi mamantiketi. Tattha ujjhantuti odayantu. Balapasaniti assavaladirajju- mayapasani. Jivanca nanti jivitamyeva nanti. Tam sutva khettapalo salim agghapetva inassa akatabhavena tuttho gantva assapase vattetva ajja imasmim thane otarissatiti suvaranno otaranatthanam sallakkhetva punadivase patova vatappaharena caranakam akatva pasam odetva suvanam agamanam olokento kutiyam nisidi. Suvarajapi suvaganaparivuto agantva aloluppacarataya hiyo khaditatthane oditapase padam pavesentova otari. So attano baddhabhavam natva cintesi sacaham idani baddharavam ravissami nataka me maranabhayatajjita gocaram agahetva palayissanti yava etesam gocaragahanam tava adhivasessamiti. So tesam suhitabhavam natva maranabhayatajjito hutva tikkhattum baddharavam ravi. Atha sabbe sutva palayimsu. Suvaraja eko me natisu nivattitva olokentopi natthi kim nukho maya papam katanti vilapanto gathamaha ete bhutva pivitva ca pakkamanti vihangama eko baddhosmi pasena kim papam pakatam mayati. Khettapalo suvarajassa baddharavam suvanam ca akase pakkhandanasaddam sutva kim nukhoti kutiya oruyha pasatthanam gantva suvarajam--------------------------------------------------------------------------------------------- page253.
Disva yasseva me paso odito sveva baddhoti tutthamanaso suvarajam pasato mocetva dve pade ekato katva bandhitva dalham adaya salindiyagamam gantva suvarajam brahmanassa adasi. Brahmano balavasinehena mahasattam ubhohi hatthehi dalham gahetva anke nisidapetva tena saddhim sallapanto dve gatha abhasi udaram nuna annesam suva accodaram tava bhutva salim yathakamam tundenadaya gacchasi. Kotthannu tattha puresi suva verannu te maya puttho me samma akkhahi kuhim sali nidhiyasiti. Tattha udaram nunati annesam udarameva manne tava udaram pana atiudaram. Tatthati tasmim simbalivane. Puresiti vassarattatthaya puresi. Nidhiyasiti nidhesi nidhanam katva thapesiti. Tam sutva suvaraja madhuraya manussavacaya sattamam gathamaha na me veram taya saddhim kottho mayham na vijjati inam muncaminam dammi sampatto kotisimbalim nidhimpi tattha nidahami evam janahi kosiyati. Tattha inam muncaminam dammiti tava salim haritva inam muncamiceva inam dadami cati. Nidhimpiti ekam tattha simbalivane anugamikam nidhimpi nidahami. Atha nam brahmano pucchi--------------------------------------------------------------------------------------------- page254.
Kidisam te inadanam inamokkhova kidiso nidhinidhanam akkhahi atha pasa pamokkhasiti. Tattha inadananti inassa danam. Nidhinidhananti nidhino nidhananti. Evam brahmanena puttho suvaraja tassa byakaronto catasso gatha abhasi ajatapakkha taruna puttaka mayha kosiya te mam bhatta bharissanti tasma tesam inam dade. Mata pita ca me vuddha jinnaka gatayobbana tesam tundena hatuna munce pubbe katam inam. Anne ca tattha sakuna khinapakkha sudubbala tesam punnatthiko dammi tam nidham ahu pandita. Idisam me inadanam inamokkho ca idiso nidhinidhanam akkhami evam janahi kosiyati. Tattha hatunati haritva. Tam nidhinti tam punnakammam pandita anugamikam nidhim nama kathenti. Nidhinidhananti nidhino nidhanam nidahantipi patho ayameva va patho. Brahmano mahasattassa dhammakatham sutva pasannacitto dve gatha abhasi bhaddako vatayam pakkhi dijo paramadhammiko ekaccesu manussesu ayam dhammo na vijjati.--------------------------------------------------------------------------------------------- page255.
Bhunja salim yathakamam saha sabbehi natibhi punapi suva passemu piyam me tava dassananti. Tattha bhunja salinti ito patthaya nibbhayo hutva bhunjati karisasahassampi tasseva niyyadento evamaha. Passemuti attano ruciya agatam annesupi divasesu tam passeyyamati. Evam brahmano mahasattam yacitva piyaputtamviya muducittena olokento padato bandhanam mocetva satapakatelena pade makkhetva bhaddapithe nisidapetva kancanatatakena madhulaje khadapetva sakkharodakam payesi. Athassa suvaraja appamatto hohi mahabrahmanati vatva ovadam dento aha bhuttanca pitanca tavassamamhi rattinca no kosiya tesakasam nikkhittadandesu dadahi danam jinne ca matapitaro bharassuti. Tattha tavassamamhiti tava nivesane. Tam sutva brahmano tutthahadayo udanam udanento gathamaha lakkhi vata me udapadi ajja yo tam addasam pavaram dijanam suvassa sutvana subhasitani kahami punnani anappakaniti.--------------------------------------------------------------------------------------------- page256.
Tattha lakkhiti siripi punnampi pannapi. Mahasatto brahmanena attano dinnam karisasahassamattam khettam patikkhipitva atthakarisamattameva ganhi. Brahmano thambhani khanitva tassa khettam niyyadetva gandhamaladihi pujetva khamapetva gaccha sami assumukhe rodamane matapitaro assasehiti uyyojesi. So tutthamanaso salisisam adaya gantva matapitunam purato nikkhipitva ammatata utthethati aha. Te tassa assumukha hasamana utthahimsu. Tavadeva suvagana sannipatitva katham muttosi devati pucchimsu. So tesam sabbam vittharato kathesi. Kosiyopi suvaranno ovadam sutva tato patthaya dhammikasamanabrahmananam mahadanam patthapesi. Tamattham pakasento sattha osanagathamaha so kosiyo attamano udaggo annanca panancabhisamharitva annena panena pasannacitto santappayi samane brahmane cati. Tattha santappayiti gahitagahitabhajanani purento tappesi. Sattha imam dhammadesanam aharitva evam bhikkhave matuposanannama panditanam vamsoti vatva saccani pakasetva jatakam samodhanesi (saccapariyosane so bhikkhu sotapattiphale patitthahi) tada suvagana buddhaparisa ahesum matapitaro maharajakulani ahesum--------------------------------------------------------------------------------------------- page257.
Khettapalo channo brahmano anando suvaraja pana ahamevati. Salikedarajatakam pathamam. ------------The Pali Atthakatha in Roman Book 40 page 249-257. http://84000.org/tipitaka/atthapali/read_rm.php?B=40&A=5063&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=5063&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=1872 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=7222 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=7492 The Pali Tipitaka in Roman Character :- http://84000.org/tipitaka/read/roman_read.php?B=27&A=7492 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]