บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Cullasuvakarajajatakam santi rukkhati idam sattha savatthiyam viharanto veranjakandam arabbha kathesi. Satthari veranjayam vassam vasitva anupubbena savatthim anuppatte bhikkhu dhammasabhayam katham samutthapesum avuso tathagato khattiyasukhumalo buddhasukhumalo mahantena iddhanubhavena samannagatopi veranjena Brahmanena nimantito temasam vasanto maravattanavasena tassa santika ekadivasampi bhikkham alabhitva loluppacaram pahaya temasam patthapulakapatthodanena yapento annattha na agamasi aho vata tathagatanam appicchasantutthibhavoti. Sattha agantva kaya nuttha bhikkhave etarahi kathaya sannisinnati pucchitva imaya namati vutte anacchariyam bhikkhave tathagatassa idani loluppacarappahanam so pubbepi tiracchanayoniyam nibbatto loluppacaram pahasiti vatva atitam ahari. Sabbampi vatthum hettha kathitaniyameneva vittharetabbam santi rukkha haritapatta duma nekaphala bahu kasma nu sukkhe kolape suvassa nirato mano. Phalassa upabhunjimha nekavassagane bahu aphalampi viditvana sa ca mitti yatha pure. Sukkhanca rukkhakolapam opattamaphalam dumam ohaya sakuna yanti kim dosam passase dija. Ye phalattha sambhajanti aphaloti jahanti nam attatthapanna dummedha te honti pakkhapatino. Sadhu sakkhi katam hoti mitti samsati santhavo sacetam dhammam rocesi pasamsosi vijanatam. So te suva varam dammi pattayana vihangama varam varassu vankanga yamkinci manasicchasi. Api nama nam puna passe sapattam saphalam dumam daliddova nidhim laddha nandeyyaham punappunam. Tato amatamadaya abhisinci mahiruham tassa sakha viruhimsu sitacchaya manorama. Evam sakka sukhi hohi saha sabbehi natibhi yathahamajja sukhito disvana saphalam dumam. Suvassa ca varam datva katvana saphalam dumam pakkami saha bhariyaya devanam nandanam vananti. Atthopi purimavaseneva veditabbo. Anuttanapadamattameva pana vannayissama haritapattati nilapattasanchanna. Kolapeti vate paharante akotitasaddam viya muncamane nissare. Suvassati ayasmato suvarajassa kasma evarupe rukkhe mano nirato. Phalassati phalam assa rukkhassa. Nekavassaganeti anekavassagane. Bahuti samanepi anekasate na dve na tayo atha kho bahuni. Viditvanati hamsaraja idani amhakam imam rukkham aphalam viditvapi yatha pure etena saddhim metti yava metti tam hi mayam na bhindama mettim bhindanta hi anariya asappurisa nama hontiti pakasento evamaha. Opattanti avapattam nippattam patitapattam. Kim dosam passaseti anne sakuna etam ohaya annattha gacchanti tvam evamgamane kim nama dosam passasiti. Ye phalatthati ye pakkhino phalatthaya phalakarana sambhajanti upagacchanti. Aphaloti Natva etam jahanti. Attatthapannati attano atthaya panna param anoloketva attaniyeva thita etesam pannati attatthapanna. Pakkhapatinoti te attanoyeva vuddhim paccasimsamana mittipakkham patenti nasentiti pakkhapatino nama honti. Attano pakkheyeva va patantitipi pakkhapatino. Api nama nanti hamsaraja sace mama manoratho nipphajjeyya taya dinno varo sampajjeyya api nama aham imam rukkham sapattam saphalam puna passeyyam tato daliddova nidhim labhitva punappunam etam abhinandeyyam tam disvava pamodeyyanti. Amatamadayati attano anubhavena thito gangodakam gahetva abhisincayiti attho. Imasmim jatake imaya saddhim dve abhisambuddha- gatha honti. Sattha imam dhammadesanam aharitva jatakam samodhanesi tada sakko anuruddho ahosi suvaraja pana ahamevati. Cullasuvakarajajatakam catuttham.The Pali Atthakatha in Roman Book 39 page 355-358. http://84000.org/tipitaka/atthapali/read_rm.php?B=39&A=7165&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=7165&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1236 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5191 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5239 The Pali Tipitaka in Roman Character :- http://84000.org/tipitaka/read/roman_read.php?B=27&A=5239 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]