AtthaPali Vol.39

Migalopajatakam na me ruciti idam sattha jetavane viharanto ekam dubbacabhikkhum arabbha kathesi. Atha sattha tam bhikkhum pakkosapetva saccam kira tvam bhikkhu dubbacoti pucchitva ama bhanteti vutte na kho bhikkhu idaneva pubbepi dubbacoyeva dubbacabhavam pana nissaya panditanam vacanam akaronto verambhavatamukhe byasanam gatositi vatva atitam ahari atite baranasiyam brahmadatte rajjam karente bodhisatto gijjhayoniyam nibbattitva aparannagijjho nama ahosi. So gijjhaganaparivuto gijjhakutapabbate vasi. Putto panassa migalopo nama thamasampanno ahosi. So annesam gijjhanam simam atikkamitva atiuccam uppagati. Gijjha putto te atiduram uppagatiti gijjharanno acikkhimsu. Tam sutva so tam pakkosapetva tvam kira tata atiuccam gacchasi atiuccam gacchanto jivitakkhayam papunissatiti vatva tisso gatha abhasi na me ruci migalopa yassa te tadisa gati atuccam tata gacchasi abhumim tata sevasi. Catukkannamva kedaram yatha te pathavi siya tato tata nivattassu masu etto param gami. Santi annepi sakuna pattayana vihangama ukkhitta vatavegena nattha te sassatisamati. Tattha migalopati puttam namenalapati. Atuccam tata gacchasiti tata tvam annesam gijjhanam simam atikkamitva atiuccam gacchasi. Catukkannamva kedaranti iminassa simam acikkhati. Idam vuttam hoti tata yada te ayam mahapathavi catukkannam kedaram viya siya evam khuddaka viya hutva pannayetha atha tvam ettaka thana nivatteyyasi etto param ma gamiti. Santi annepiti na kevalam tvameva annepi gijjha evam karimsuti dipeti. Ukkhittati tepi amhakam simam atikkamitva gata vatavegena akaddhita nassimsu. Sassatisamati sassatihi pathavipabbatadihi samam attanam mannamana attano vassasahassaparimanam ayum apuretvapi antara vinatthati attho. Migalopo ca anovadakatta pitu vacanam akatva langhanto langhanto pitara akkhatam simam disva tam atikkamma kalavate khepitva tepi chinditva uppatito verambhavatamukham pakkhandi. Atha nam verambhavata paharimsu. So tehi pahatamattova khandakhandam hutva akaseyeva antaradhayi. Tena vuttam akatva aparannassa pitu vuddhassa sasanam kalavate atikkamma verambhanam vasam gato. Tassa putta ca dara ca ye canne anujivino sabbe byasanamapatum anovadakare dije. Evampi idha vuddhanam yo vakyam navabujjhati atisimam caro ditto gijjho vatitasasano sabbe byasanam papponti akatva buddhasasananti. Ima tisso abhisambuddhagatha. Tattha anujivinoti tam nissaya anujivanaka. Anovadakare dijeti tasmimpi migalope gijjhe ovadam akaronte sabbepi te tena saddhim atikkamitva simam gantva vinasam papunimsu. Evampiti bhikkhave yatha so gijjho evam yo annopi gahattho va pabbajito va hitanukampakanam buddhanam vacanam na ganhati sopi ayam simam atikkamitva caranto ditto dappito gijjhova byasanam papunatiti. Sattha imam dhammadesanam aharitva saccani pakasetva jatakam samodhanesi tada migalopo dubbacabhikkhu ahosi aparanno pana ahamevati. Migalopajatakam chatthamam.

The Pali Atthakatha in Roman Book 39 page 36-38. http://84000.org/tipitaka/atthapali/read_rm.php?B=39&A=716&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=716&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=863 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3934 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3900 The Pali Tipitaka in Roman Character :- http://84000.org/tipitaka/read/roman_read.php?B=27&A=3900 Contents of The Tipitaka Volume 27 http://84000.org/tipitaka/read/?index_27