บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kosambiyajatakam puthusaddoti idam sattha kosambim nissaya ghositarame viharanto kosambiyam bhandanakarake arabbha kathesi. Vatthum kosambikkhandhake agatameva. Ayam panettha sankhepo. Tada kira dve bhikkhu ekasmim avase vasimsu vinayadharo ca suttantiko ca. Tesu suttantiko ekadivasam sariravalanjam katva udakakotthake acamanaudakavasesam bhajane thapetva nikkhami. Paccha vinayadharo tattha pavittho tam udakam disva nikkhamitva itaram pucchi avuso taya udakam thapitanti. Ama avusoti. Kim panettha apattibhavam na janasiti. Ama na janamiti. Avuso etthapattiti. Tenahi patikarissami nanti. Sace pana te avuso asancicca asatiya katam natthi apattiti. So tassa apattiya anapattiditthi ahosi. Vinayadharopi attano nissittakanam ayam suttantiko apattim apajjamanopi na janatiti arocesi. Te Tassa nissittake disva tumhakam upajjhayo apattim apajjitva apattibhavam na janatiti ahamsu. Te gantva attano upajjhayassa arocesum. So evamaha ayam vinayadharo pubbe anapattiti vatva idani apattiti vadati musavadi esoti. Te gantva tumhakam upajjhayo musavaditi evampi annamannam kalaham karimsu. Tato vinayadharo okasam labhitva tassa apattiya adassane ukkhepaniyakammam akasi. Tato patthaya tesam paccayadayaka upasikapi dve kotthasa ahesum ovadapatiggahaka bhikkhuniyopi arakkhadevatapi tasam sanditthasambhatta akasatthakadevatapi yava brahmaloka sabbe puthujjana dve pakkha ahesum yava akanitthabhavana pana idam kolahalam agamasi. Atheko bhikkhu tathagatam upasankamitva ukkhepakanam dhammikeneva kammenayam ukkhittoti ukkhittanuvattakanam adhammikena kammena ukkhittoti laddhim ukkhepakehi variyamananampi tesam tam anuparivaretva vicaranabhavam ca satthu arocesi. Bhagava samaggo kira hotuti dve vare pesetva na icchanti bhante samagga bhavitunti sutva tatiyavare bhinno bhikkhusangho bhinno bhikkhusanghoti tesam santikam gantva ukkhepakanam ukkhepane itaresanca apattiya adassane adinavam vatva pakkami. Puna tesam tattheva ekasimayam uposathadini karitva bhattaggadisu bhandanajatanam asanantarikaya nisiditabbanti bhattagge vattam pannapetva idani bhandanajata viharantiti sutva sattha gantva alam bhikkhave ma bhandananti adini Vatva annatarena bhikkhuna adhammavadina bhagavato vihesam anicchantena agametu bhante bhagava dhammasami appossukko bhante bhagava ditthadhammasukhaviharam anuyutto viharatu mayametena bhandanena kalahena viggahena vivadena pannayissamati vutte bhutapubbam bhikkhave baranasiyam brahmadatto nama kasikaraja ahositi brahmadattena dighitissa kosalaranno rajjam acchinditva annatakavesena vasantassa maritabhavanceva dighavukumarena attano jivite dinne tato patthaya tesam samaggabhavanca kathetva tesam hi nama bhikkhave rajunam adinnadandanam adinnasatthanam evarupam khantisoraccam bhavissati idha kho tam bhikkhave sobhetha yam tumhe evam svakkhate dhammavinaye pabbajita samana khama ca bhaveyyatha sorata cati ovaditva dutiyampi tatiyampi alam bhikkhave ma bhandananti varetva anoramantepi disva pariyadinnarupa kho imete moghapurisa nayime sukara sannapetunti pakkamitva punadivase pindapata- patikkanto gandhakutiya thokam visamitva senasanam samsametva attano pattacivaramadaya sanghamajjhe akase thatva ima gatha abhasi puthusaddo samajano na balo koci mannatha sanghasmim bhijjamanasmim nannam bhiyyo amannarum. Parimuttha panditabhasa vacagocara bhanino yavicchanti mukhayamam yena nita na tam vidu. Akkocchi mam avadhi mam ajini mam ahasi me ye ca tam upanayhanti veram tesam na sammati. Akkocchi mam avadhi mam ajini mam ahasi me ye ca tam nupanayhanti veram tesupasammati. Na hi verena verani sammantidha kudacanam averena ca sammanti esa dhammo sanantano. Pare ca na vijananti mayamettha yamamase ye ca tattha vijananti tato sammanti medhaga. Atthicchinna panahara gavassadhanaharino rattham vilumpamananam tesampi hoti sangati kasma tumhaka no siya. Sace labhetha nipakam sahayam saddhincaram sadhuvihari dhiram abhibhuyya sabbani parissayani careyya tenattamano satima. No ce labhetha nipakam sahayam saddhincaram sadhuvihari dhiram rajava rattham vijitam pahaya eko care matangaranneva nago. Ekassa caritam seyyo natthi bale sahayata Eko care na ca papani kayira appossukko matangaranneva nagoti. Tattha puthu maha saddo assati puthusaddo. Samajanoti samano ekasadiso jano sabbovayam bhandanakarakajano samantato saddaniccharanena puthusaddo ceva sadiso cati vuttam hoti. Na balo koci mannathati tattha koci ekopi aham baloti na mannetha sabbe panditamanino sabbovayam bhandanakarako janoyeva. Nannam bhiyyo amannarunti koci ekopi aham baloti na mannittha bhiyyo ca sanghasmim bhijjamane annopi eko mayham karanena sangho bhijjatiti idam karanam na mannitthati attho. Parimutthati mutthassatino. Panditabhasati attano panditamanena panditasadisa vacagocara bhaninoti rakarassa rassadeso kato vaca- gocara na satipatthanadiariyadhammagocara bhanino ca kathabhanino. Yavicchanti mukhayamanti yava mukham ayamitum icchanti tava pasaretva aggapadehi thatva bhanino. Ekopi sanghagaravena mukhasankopanam na karotiti attho. Yena nitati yena bhandanena imam nillajjibhavam nita. Na tam viduti evam adinavam idanti na tam jananti. Ye ca tam upanayhantiti tam akkocchi manti adikam akaram ye upanayhanti. Sanantanoti porano. Pareti pandite thapetva tato anne bhandanakaraka pare nama te ettha sanghamajjhe kolahalam karonta mayam yamamase uparamama mayam nassama Mayam satatam samipam maccusantikam gacchamati na jananti. Ye ca tattha vijanantiti ye tattha pandita mayam maccusamipam gacchamati vijananti. Tato sammanti medhagati bhikkhave evam hi te jananta yonisomanasikaram uppadetva medhaganam kalahanam vupasamaya patipajjanti. Atthicchinnati ayam gatha brahmadattanca dighavukumaranca sandhaya vutta. Tesampi hoti sangati kasma tumhakam na hoti yesam vo neva matapitunam atthini chinnani na pana hata na gavassadhanani gahitani. Idam vuttam hoti bhikkhave tesam hi nama adinnadandanam rajunam evarupa sangati samagamo avaha- vivahasambandham katva ekato panabhojanam hoti tumhe evarupe sasane pabbajitva attano veramattampi nissajjitum na sakkotha ko tumhakam bhikkhubhavoti. Sace labhethati adigathayo pandita- sahayassa ca balasahayassa ca vannavannadipanattham vutta. Abhibhuyya sabbani parissayaniti sabbe pakataparissaye ca paticchanna- parissaye ca abhibhavitva tena saddhim attamano satima careyya. Rajava rattham vijitanti yatha attano vijitam rattham mahajanakaraja ca arindamaraja ca pahaya ekakova carimsu evancareyyati attho. Matangaranneva nagoti matangoti hatthi vuccati nagoti mahantadhi- vacanametam. Yatha hi matuposako matanganago aranne ekako cari na ca papani akasi yatha ca silavahatthi nago yatha ca parileyyako evam eko care na ca papani kayirati vuttam hoti. Sattha evam kathetvapi te bhikkhu samagge katum asakkonto balakalonakaramagamam gantva bhagguttherassa ekibhave anisamsam kathetva tato tinnam kulaputtanam vasanatthanam gantva tesam samaggirase anisamsam kathetva tato parileyyakavanasanadam gantva tattha temasam vasitva puna kosambiyam anagantva savatthiyameva agamasi. Kosambivasinopi upasaka ime kho ayya kosambika bhikkhu bahuno amhakam anatthassa karaka imehi ubbalho bhagava pakkanto mayam imesam neva abhivadanadini karissama na upagatanam pindapatam dassama evam ime pakkamissanti va vibbhamissanti va bhagavantam va pasadessantiti samantayitva tatha akamsu. Te tena dandakammena pilita savatthim gantva bhagavantam khamapesum. Sattha imam dhammadesanam aharitva jatakam samodhanesi pita suddhodanamaharaja ahosi matava mahamaya dighavukumaro ahamevati. Kosambiyajatakam dutiyam.The Pali Atthakatha in Roman Book 39 page 343-349. http://84000.org/tipitaka/atthapali/read_rm.php?B=39&A=6917&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=6917&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1216 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5127 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5172 The Pali Tipitaka in Roman Character :- http://84000.org/tipitaka/read/roman_read.php?B=27&A=5172 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]