บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Susimajatakam kalani kesani pure ahesunti idam sattha jetavane viharanto mahabhinikkhamanam arabbha kathesi. Tasmim samaye bhikkhu dhammasabhayam nisiditva dasabalassa nekkhammam vannayimsu. Sattha agantva kaya nuttha bhikkhave etarahi kathaya sannisinnati pucchitva imaya namati vutte anacchariyam bhikkhave maya idani anekani kappakotisatasahassani puritaparamina mahabhinekkhammabhinikkhamanam pubbepaham tiyojanasatike kasikaratthe rajjam chaddetva nekkhammam nikkhamantoyevati vatva atitam ahari atite baranasiyam brahmadatte rajjam karente bodhisatto tassa purohitassa aggamahesiya kucchimhi nibbatti. Tassa Jatadivaseyeva baranasirannopi putto vijayi. Tesam namaggahanadivase mahasattassa susimakumarotissa namam karimsu rajaputtassa brahmadatta- kumaroti. Baranasiraja puttena me saddhim ekadivase jatoti bodhisattam anapetva dhatiyo datva tena saddhim vaddhesi. Te ubhopi vayappatta abhirupa devakumaravannino hutva takkasilayam sabbasippani ugganhitva paccagamimsu. Rajaputto uparaja hutva bodhisattena saddhim ekatova khadanto pivanto nisidanto sayanto pitu accayena rajjam patva mahasattassa mahantam yasam datva purohitatthane nam thapetva ekadivasam nagaram sajjapetva sakko devaraja viya alankato alankataeravanapatibhagassa mattavara- varanassa khandhe nisiditva mahasattam pacchasane hatthipitthe nisidapetva nagaram padakkhinam akasi. Matapissa puttam olokessamiti sihapanjare thatva tassa nagaram padakkhinam katva agacchantassa pacchato nisinnam purohitam disva patibaddhacitta hutva sayanagabbham pavisitva imam alabhanti ettheva marissamiti aharam pacchinditva nipajji. Raja mataram apassanto kuhim me matati pucchitva gilanati sutva tassa santikam gantva vanditva kinte amma aphasukanti pucchi. Sa tassa lajjaya na kathesi. So gantva rajapallanke nisiditva attano aggamahesim pakkosapetva gaccha ammaya aphasukam janahiti pesesi. Sa gantva pitthim parimajjanti pucchi. Itthiyo nama itthinam rahassam na niguhanti. Sa tamattham Arocesi. Itarapi tam sutva gantva ranno arocesi. Raja hotu gaccha nam samassasehiti purohitam rajanam katva tassa nam aggamahesim karissamiti. Sa gantva tam samassasesi. Rajapi purohitam pakkosapetva tamattham arocetva samma matuya jivitam dehi tvam raja hohi sa aggamahesi aham uparajati. So na sakka evam katunti patikkhipitva punappunam yaciyamano sampaticchi. Raja purohitam rajanam mataram aggamahesim karetva sayam uparaja ahosi. Tesam samaggasamvasam vasantanam aparabhage bodhisatto agaramajjhe ukkanthito kame pahaya pabbajjaya ninnacitto kilesaratim analayanto ekakova titthati ekakova nisidati ekakova sayati bandhanagare bandho viya panjare pakkhitakukkuto viya ca ahosi. Athassa aggamahesi ayam raja maya saddhim nabhiramati ekakova titthati nisidati seyyam kappeti ayam kho pana daharo taruno aham mahallika sise me palitani pannayanti yannunaham sise te deva palitani pannayantiti musavadam katva etenupayena rajanam patinnapetva maya saddhim abhiramapeyyanti cintetva ekadivasam ranno sise okka vicinanti viya hutva deva mahallakosi jato sise te ekam palitam pannayatiti aha. Tenahi bhadde etam palitam luncitva mayham hatthe thapehiti. Sa tassa sisato ekam kesam luncitva tam chaddetva attano sise palitam gahetva idante deva palitanti tassa hatthe thapesi. Bodhisattassa tam disvava bhitatasitassa kancanapattasadisa nalata seda muncimsu. So attanam ovadanto susima tvam daharo hutva mahallako jato ettakam kalam guthakalale nimuggagamasukaro viya kamakalale nimmujjitva tam kalalam jahitum na sakkosi nanu kame pahaya himavantam pavisitva pabbajitva brahmacariyavasassa te kaloti cintetva pathamam gathamaha kalani kesani pure ahesum jatani sisamhi yathapadese tanijja setani susima disva dhammam cara brahmacariyassa kaloti. Tattha yathapadeseti tava sise tasmim tasmim kelanam anurupe padese ito pubbe kalani bhamaranjanavannani kesani jatani ahesunti vadati. Dhammam carati dasakusalakammapathadhammam carahiti attanameva anapeti. Brahmacariyassati methunaviratiya te kaloti attho. Evam bodhisattena brahmacariyavasassa gune vannite itara aham imassa lagganam karissamiti vissajjanameva karinti bhitatasita idanissa apabbajjanatthaya sariravannam vannessamiti cintetva dve gatha abhasi mameva deva palitam na tuyham mameva sisam mama uttamangam Attham karissanti musa abhanim ekaparadham khamatha rajasettha. Daharo tuvam dassaniyosi raja pathamuggato hohi yatha kaliro rajjanca karehi mamanca passa ma kalikam anudhavi janindati. Tattha mameva sisanti mameva sise sanjatapalitanti dipeti. Itaram tasseva vevacanam. Atthanti attano vuddhim karissamiti musa kathesim. Ekaparadhanti imam mayham ekam aparadham. Pathamuggatoti pathamavayena uggato. Hohiti hosi. Pathamavaye patitthitositi attho. Hosiyevatipi patho. Yatha kaliroti yatha siniddhacchavitarunakaliro mandavaterito ativiya sobhati evaruposi tvanti dasseti. Pathamuggato hositipi patho. Tassattho yatha pathamuggato tarunakaliro dassaniyo hoti evam tvam dassaniyoti. Mamanca passati mamanca olokehi. Ma mam anathavidhavam karohiti attho. Kalikanti brahmacariyacaranannama dutiye va tatiye va attabhave vipakadanato kalikannama rajjam pana imasmimyeva attabhave kamagunasukhappadanato akalikam so tvam imam akalikam pahaya ma kalikam anudhaviti vadati. Bodhisatto tassa vacanam sutva bhadde tvam bhavitabbametam katham kathesi viparinate parinamante hi me vaye imehi kalakesehi parivattitva sanavakasadisehi pandarehi bhavitabbam aham hi Niluppaladikusumadamasadisakumaranam kancanarupakapatibhaganam uttama- yobbanavilasasampannanam khattiyakannadinam vaye viparinate parinamante jaram pattanam vevanniyanceva sarirabhagganca passami evam vipatti- pariyosano hesa bhadde jivaloketi vatva upari buddhalilaya dhammam desento gathadvayamaha passami voham daharim kumarim samatthapassam sutanum sumajjham kalappallavava pavellamana palobhayantiva naresu gacchati. Tamena passami parena narim asitikam navutikanca jacca dandam gahetvana pavedhamanam gopanasibhaggasamam carantanti. Tattha voti nipatamattam. Samatthapassanti samatthapassam. Ayameva va patho. Sabbapasse samatthachavivannanti attho. Sutanunti sundarasariram. Sumajjhanti susanthitamajjham. Kalappallavava pavellamanati yatha nama tarunakale susamuggata kalavalli pallavava hutva mandavaterita itocito ca pavellati evameva pavellamana itthivilasam dussiyamana sa kumarika. Palobhayantiva naresu gacchatiti samipatthe bhummavacanam. Purisanam santike te purise kilesavasena palobhayanti viya gacchati. Tamena passami parena narinti Tamenam narim aparena samayena jarapattam antarahitarupasobhaggappattam passami. Bodhisatto pathamagathaya rupe assadam kathetva idani adinavam dassento evamaha. Asitikam navutikanca jaccati asitisamvaccharam va navutisamvaccharam va jatiya. Gopanasibhaggasamanti gopanasisamabhaggam gopanasiakarabhaggasariram onamitva natthakakanikam pariyesantim viya caramananti attho. Kamanca bodhisattena daharakale disva puna navutikakale ditthapubba nama natthi nanena ditthabhavam sandhaya panetam vuttam. Iti mahasatto imaya gathaya rupassa adinavam dassetva idani agaramajjhe attano anabhiratim pakasento gathadvayamaha soham tamevanuvicintayanto eko sayami sayanassa majjhe ahampi evam iti pekkhamano na gehe rame brahmacariyassa kalo. Rajju valambanam cesa ya gehe vasato rati etampi chetvana vajanti dhira anapekkhino kamasukham pahayati. Tattha sohanti so aham. Tamevanuvicintayantoti tameva rupanam assadanca adinavanca vicintento. Evam iti pekkhamanoti yatha esa parinata ahampi evam jaram patto bhaggasariro bhavissamiti pekkhamano. Na gehe rameti gehe na ramami. Brahmacariyassa Kaloti bhadde brahmacariyassa me kalo tasma pabbajissamiti dipeti. Rajju valambanam cesati cakaro nipatamatto alambanarajju viya esati attho. Katara. Ya gehe vasato ratiti ya gehe vasantassa rupadisu arammanesu kamaratiti attho. Imina kamanam appassadatam dasseti. Ayam hettha adhippayo yatha gilanassa purisassa attano balena parivattetum asakkontassa imam alambitva parivatteyyasiti alambanarajjum bandheyya tassa tam alambitva parivattentassa appamattakam kayikacetasikasukham bhaveyya evam kilesaturanam sattanam vivekasukhavasena parivattitum asakkontanam agaramajjhe thapitani kamaratidayakani rupadini arammanani tesam kilesaparilaha- kale methunadhammapatisevanaratim arabbha parivattamananam kayikacetasikasukha- sankhata kamarati tam muhuttam uppajjamana appamattaka hoti evam appassada kamati. Etampi chetvanati yasma pana bahudukkha kama bahupayasa adinavo ettha bhiyyo tasma tam adinavam sampassamana pandita etampi rajjam chaddetva guthakupe nimuggapuriso tam pajahanto viya anapekkhino evam appamattakam bahudukkham kamasukham pahaya vajanti nikkhamitva manoramam pabbajjam pabbajjantiti. Evam mahasatto kamesu assadanca adinavanca dassento buddhalilaya dhammam desetva sahayam pakkosapetva rajjam paticchadetva natimittasuhajanam paridevantanam parivattantanameva sirivibhavam chaddetva himavantam pavisitva isipabbajjam pabbajitva jhanabhinna nibbattetva Brahmalokaparayano ahosi. Sattha imam dhammadesanam aharitva saccani pakasesi sacca- pariyosane bahu jane amatapanam payetva jatakam samodhanesi tada aggamahesi rahulamata ahosi sahayakaraja anando susimaraja pana ahamevati. Susimajatakam chattham.The Pali Atthakatha in Roman Book 39 page 217-225. http://84000.org/tipitaka/atthapali/read_rm.php?B=39&A=4361&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=4361&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1079 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4643 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4670 The Pali Tipitaka in Roman Character :- http://84000.org/tipitaka/read/roman_read.php?B=27&A=4670 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]