AtthaPali Vol.38

gajakumbhajatakam vanam yadaggi dahatiti idam sattha jetavane viharanto ekam alasabhikkhum arabbha kathesi. So kira savatthivasi kulaputto sasane uram datva pabbajitvapi alaso ahosi uddesaparipucchayonisomanasikaravattapativattadi- paribahiro nivaranabhivuto ^2-. Nisinnatthanadisu iriyapathesu tatheva hoti. Tassa tam alasiyabhavam arabbha dhammasabhayam katham samutthapesum avuso asuko nama evarupe niyyanike sasane pabbajitva alasiyo kusito nivaranabhivuto viharatiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa alasikoyevati vatva atitam ahari. Atite baranasiyam brahmadatte rajjam karente bodhisatto tassa amaccaratanam ahosi. Baranasiraja alasiyajatiko ahosi. Bodhisatto rajanam bodhayissamiti ekam upamam upadharento carati. Athekadivasam raja uyyanam gantva amaccaganaparivuto tattha vicaranto ekam gajakumbham nama alasiyam passi. Tatharupa kira alasiya @Footnote: ¹ ambacorajatakam. ² nivaranabhibhuto. Sakaladivasam gacchantapi ekanguladvangulamattam gacchanti. Raja tam disva ko nama soti bodhisattam pucchi. Mahasatto gajakumbho nama so maharajati. Alasiyo evarupo hi sakalam divasam gacchantopi ekanguladvangulamattameva gacchatiti vatva tena saddhim sallapanto ambho gajakumbha tumhakam dandham gamanam imasmim aranne davaggimhi utthite kim karothati vatva pathamam gathamaha vanam yadaggi dahati pavako kanhavattani katham karosi pacalaka evam dandhaparakkamoti. Tattha yadaggiti yada aggi. Pavako kanhavattaniti aggino namam. Pacalakati tam alapati. So hi calanto gacchati niccam va pacalayati tasma pacalakoti vuccati. Dandhaparakkamoti muduviriyoti ^1-. Tam sutva gajakumbho dutiyam gathamaha bahuni rukkhacchiddani pathabya vivarani ca tani ce nabhisambhoma hoti no kalapariyayoti. Tassattho pandita amhakam ito uttaritaragamanam nama natthi imasmim pana aranne rukkhacchiddani ca pathaviyam vivarani ca bahuni yadi tani na papunama hoti no kalapariyayoti maranameva no hotiti. Tam sutva bodhisatto itara dve gatha abhasi @Footnote: ^1. garuviriyo. Yo dandhakale tarati taraniye ca dandhati sukkapannamva akkamma attham bhanjeti attano yo dandhakale dandheti taraniye ca tarayi sasiva rattim vibhanji ^1- tassattho paripuratiti. Tattha dandhakaleti tesam tesam kammanam sanikam kattabbakale turitaturito vegena tani kammani karoti. Sukkapannamvati yatha vatatapasukkatalapannam balava puriso akkamitva bhanjeyya tattheva cunnavicunnam kareyya evam so attano attham bhanjati. Dandhetiti dandhayati dandhakatabbani dandhameva karoti. Tarayiti turitakatabbani kammani turito ca karoti. Sasiva rattim vibhanjiti yatha cando junhapakkham rattim jotayamano kalapakkharattito rattim vibhanjanto divase divase paripurati evam tassa purisassa attho paripuratiti vuttam hoti. Raja bodhisattassa vacanam sutva tato patthaya analaso jato. Sattha imam dhammadesanam aharitva jatakam samodhanesi tada gajakumbho alaso bhikkhu ahosi panditamacco pana ahamevati. Gajakumbhajatakam pancamam ------------ @Footnote: ^1. vibhajam.

The Pali Atthakatha in Roman Book 38 page 402-404. http://84000.org/tipitaka/atthapali/read_rm.php?B=38&A=8348&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8348&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=678 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3242 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3213 The Pali Tipitaka in Roman Character :- http://84000.org/tipitaka/read/roman_read.php?B=27&A=3213 Contents of The Tipitaka Volume 27 http://84000.org/tipitaka/read/?index_27