บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ambajatakam yo niliyam mandayatiti idam sattha jetavane viharanto ekam ambagopakattheram arabbha kathesi. So kira mahallakakale pabbajito jetavanapaccante ambavane pannasalam katva ambe rakkhanto patitani ambapakkani khadanto viharati. Attano sambandhamanussanampi deti. Tasmim bhikkhacaram pavitthe ambacoraka ambani patetva khaditva ca gahetva ca gacchanti. Tasmim khane catasso setthidhitaro aciravatiyam nhayitva vicarantiyo tam ambavanam pavisimsu. Mahallako agantva ta disva tumhehi me ambani khaditaniti aha. Bhante mayam idani agata na tumhakam ambani khadamati. Tenahi Sapatham karothati. Karoma bhanteti sapatham karimsu. Mahallako ta sapatham karetva lajjapetva visajjesi. Tassa tam kiriyam sutva bhikkhu dhammasabhayam katham samutthapesum avuso asuko kira mahallako attano vasanakam ambavanam pavittha setthidhitaro sapatham karetva lajjapetva visajjesiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa ambagopako hutva eta setthidhitaro sapatham karetva lajjapetva visajjesiti vatva atitam ahari. Atite baranasiyam brahmadatte rajjam karente bodhisatto sakkattam karesi. Tada eko kutajatilo baranasiyam upanissaya naditire ambavane pannasalam mapetva ambe rakkhanto patitani ambapakkani khadanto sambandhamanussanampi dadanto nanappakarena micchajivena jivitam kappento viharati. Tada sakko devaraja ke nukho loke matapitaro upatthahanti kulejetthapacayanakammam karonti danam denti silam rakkhanti uposathakammam karonti ke pabbajitva samanadhamme yuttapatiyutta viharanti ke anacaram carantiti lokam volokento imam ambagopakam anacaram jatilam disva ayam kutajatilo kasinaparikammadim attano samanadhammam pahaya ambavanam rakkhanto viharati samvejessami nanti tassa gamam bhikkhaya pavitthakale attano anubhavena ambe patetva corehi vilumpite Viya akasi. Tada baranasito catasso setthidhitaro tam ambavanam pavisimsu. Kutajatilo ta disva tumhehi me ambani khaditaniti palibuddhi. Bhante mayam idaneva agata na te ambani khadamati. Tenahi sapatham karothati. Katva pana gantum labhissamati. Ama labhissathati. Sadhu bhanteti tasam jetthaka sapatham karonti pathamam gathamaha yo niliyam mandayati sandasena vihannati tassa sa vasamanvetu ya te ambe avahariti. Tassattho yo puriso palitanam kalavannakaranatthaya nilaphaladini 1- yojetva katam nilikam mandayati nilakesantare ca utthitam palitam uddharanto sandasena vihannati kilamati tassa evarupassa mahallakassa sa vasamanvetu tatharupam patim labhatu ya te ambe avahariti. Tapaso tvam ekamante titthati vatva dutiyam setthidhitaram karesi. Sa sapatham karonti dutiyam gathamaha visam va pancavisam va onatimseva jatiya tadisa pati ma laddha ya te ambe avahariti. Tassattho nariyo nama pannarasasolasavassakale purisanam piya honti ya ca tava ambani avahari sa evarupe yobbane patim alabhitva jatiya visam va pancavisam va ekena dvihi @Footnote: 1. tiphaladihi. Onataya onatimsam va vassani patva tadisa paripakkavaya hutvapi patim ma laddhati. Tayapi sapatham katva ekamantam thitaya tatiya tatiyam gathamaha digham gacchatu addhanam ekika abhisariya sankete pati maddasa ya te ambe avahariti. Tassattho ya te ambe avahari sa patim patthayamana tassa santike abhisaranataya abhisariya nama hutva ekika adutiya gavutadvigavutamattam dighamaddhanam gacchatu gantvapi ca tasmim asukatthanam nama agaccheyyasiti kate sankete tam patim ma addasati. Tayapi sapatham katva ekamantam thitaya catuttha catuttham gathamaha alankata suvasana malini candanussada ekika sayane sayatu ya te ambe avahariti. Sa uttanatthayeva. Tapaso tumhehi atibhariya sapatha kata annehi amba khadita bhavissanti gacchathadani tumheti ta uyyojesi. Sakko bheravaruparammanam dassetva kutatapasam tato palapesi. Sattha imam dhammadesanam aharitva jatakam samodhanesi tada kutajatilo ayam ambagopakamahallako ahosi catasso setthidhitaro Etayeva sakko devaraja pana ahamevati. Ambajatakam 1- catuttham ---------The Pali Atthakatha in Roman Book 38 page 398-402. http://84000.org/tipitaka/atthapali/read_rm.php?B=38&A=8271&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8271&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=674 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3229 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3200 The Pali Tipitaka in Roman Character :- http://84000.org/tipitaka/read/roman_read.php?B=27&A=3200 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]