บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Khantivadijatakam yo te hatthe ca pade cati idam sattha jetavane viharanto ekam kodhanam bhikkhum arabbha kathesi. Vatthu hettha kathitameva. Sattha pana tam bhikkhum kasma tvam akkodhanassa buddhassa sasane pabbajitva kodham karosi poranakapandita sarire paharasahasse patante hatthapadakannanasasu chijjamanasu parassa kodham na karimsuti vatva atitam ahari. Atite baranasiyam kalapu nama kasikaraja rajjam karesi. Tada bodhisatto asitikotivibhave brahmanakule nibbattitva kundalakumaro 1- nama manavo hutva vayappatto takkasilayam sabbasippani ugganhitva kutumbam santhapetva matapitunam accayena dhanarasim oloketva imam dhanam uppadetva mama nataka aggahetvava gata maya panetam gahetva gantum vattatiti sabbam dhanam viceyya danavasena yo yam arahati tassa tam datva himavantam pavisitva pabbajitva phalaphalena yapento ciram vasitva lonambilasevanatthaya manussapatham gantva anupubbena baranasim patva rajuyyane vasi. Punadivase nagare bhikkhaya caranto senapatissa nivesanadvare sampapuni. Senapati tassa iriyapathe pasiditva anupubbena gharam pavesetva attano patiyaditabhojanam bhojetva patinnam gahapetva tattheva rajuyyane vasapesi. Athekadivasam @Footnote: 1 kundakakumaro. Kalapu raja suramadamatto natakaparivuto mahantena yasena rajuyyanam gantva mangalasilapatte sayanam attharapetva ekissa manapaya itthiya anke sayati. Gitavaditanaccesu cheka natakitthiyo gitadini payojayimsu. Sakkassa devaranno viya sampatti ahosi. Raja niddam okkami. Atha ta itthiyo yassatthaya mayam gitadini payojayama so niddam upagato kinno gitadihiti vinadini turiyani tattha tattheva chaddetva uyyanam pakkanta pupphaphalapallavadihi palobhiyamana uyyane abhiramimsu. Tada bodhisatto tasmim uyyane supupphitasalamule pabbajjasukhena vitinamento mattavaravarano viya nisinno hoti. Atha ta itthiyo uyyanam pakkanta caramana tam disva etha ayyo no ekasmim rukkhamule pabbajito nisinno yava raja na pabujjhati tavassa santike kinci sunamana nisidissamati gantva vanditva parivaretva nisinna amhakam kathetabbayuttakam kinci kathethati vadimsu. Bodhisatto tasam dhammam kathesi. Atha sa itthi angam caletva rajanam pabodhesi. Raja pabuddho ta apassanto kaham gata vasaliyoti aha. Eta maharaja gantva ekam tapasam parivaretva nisidimsuti. Raja kupito khaggam gahetva sisampi tassa kutajatilassa chindissamiti vegena agamasi. Atha ta itthiyo rajanam kuddham agacchantam disva tasu vallabhatara gantva ranno hattha asim gahetva rajanam vupasamesum. So agantva Bodhisattassa santike thatva kimvadi tvam samanati pucchi. Khantivadi maharajati. Ka esa khanti namati. Akkosantesu paharantesu paribhavantesu akujjhanabhavoti. Raja passissamidani te khantiya atthibhavanti coraghatakam pakkosapesi. So attano carittena pharasunca kantakakasanca adaya kasavanivasano rattamaladharo agantva rajanam vanditva kim karomiti aha. Imam coradutthatapasam gahetva kaddhitva bhumiyam patetva kantakakasam gahetva purato ca pacchato ca ubhosu passesu cati catusu passesu dve paharasahassani dehiti. So tatha akasi. Bodhisattassa chavi chijji cammam chijji mamsam chijji lohitam paggharati. Puna raja kimvadi tvanti aha. Khantivadi maharaja tvam pana mayham cammantare khantiti mannasi na mayham cammantare khanti taya pana datthum asakkuneyye hadayabbhantare mama khanti patitthita maharajati. Puna coraghatako kim karomiti pucchi. Imassa kutajatilassa ubho hatthe chindati. So pharasum gahetva ganthikayam thapetva hatthe chindi. Atha nam pade chindati aha. Padepi chindi. Hatthapadakotihi ghatacchiddehi lakharaso viya lohitam paggharati. Puna raja kimvaditi pucchi. Khantivadi maharaja tvam pana mayham hatthapadakotisuti mannasi natthesa ettha mayham hi khanti gambhiratthane hadayabbhantare patitthitati. So kannanasamassa chindati aha. Itaro kannanasam chindi. Sakalasarire Lohitam ahosi. Puna kimvadi tvanti pucchi. Maharaja khantivaditi. Ma kho pana tvam kannanasikakotisu patitthita khantiti mannasi mama khanti gambhire hadayabbhantare patitthitati. Raja kutajatila tava khantim tvameva ukkhipitva nisidati bodhisattassa hadayam padena paharitva pakkami. Tasmim gate senapati bodhisattassa sarirato lohitam punchitva hatthapadakannanasakotiyo satakakanne katva bodhisattam sanikam nisidapetva vanditva ekamantam nisiditva sace bhante tumhe kujjhitukama tumhesu kataparadhassa ranno kujjheyyatha ma annesanti yacanto pathamam gathamaha yo te hatthe ca pade ca kannanasanca chedayi tassa kujjha mahavira ma rattham vinassa idanti. Tattha mahavirati mahaviriya. Ma rattham vinassa idanti idam niraparadham kasikarattham ma vinasehiti. Tam sutva bodhisatto dutiyam gathamaha yo me hatthe ca pade ca kannanasanca chedayi ciram jivatu so raja na hi kujjhanti madisati. Tattha madisati mama sadisa khantibalena samannagata pandita ayam mam akkosi paribhasi paribhavi pahari chindi bhinditi na kujjhantiti. Ranno uyyana nikkhamantassa bodhisattassa cakkhupatham vijahanakaleyeva ayam catunahutadhikadviyojanasatasahassabahala mahapathavi Khalithaddhasatako 1- viya phalita. Avicito jala nikkhamitva rajanam kuladattikena rattakambalena parupanti viya ganhi. So uyyanadvareyeva pathavim pavisitva avicimahaniraye patitthahi. Bodhisatto tamdivasamyeva kalamakasi. Rajapurisa ca nagara ca gandhamaladipadhupahattha agantva bodhisattassa sarirakiccam karimsu. Keci panahamsu bodhisatto puna himavantameva gatoti. Tam abhutam. Ahu atitamaddhanam samano khantidipano tam khantiyayeva thitam kasiraja achedayi tassa kammassa pharusassa vipako katuko ahu yam kasiraja vedesi nirayamhi samappitoti ima dvepi abhisambuddhagatha. Tattha atitamaddhananti atite addhane. Khantidipanoti adhivasanakhantisampanno. Achedayiti marapesi. Ekacce pana thera bodhisattassa puna hatthapada ghatitati vadanti. Tam abhutameva. Samappitoti patitthito. Sattha imam dhammadesanam aharitva saccani pakasetva jatakam samodhanesi. Saccapariyosane kodhanobhikkhu anagamiphalam sampapuni. Tada kalapu kasikaraja devadatto ahosi. Senapati sariputto. Khantivadi tapaso pana ahamevati. Khantivadijatakam tatiyam @Footnote: 1 palitthaddhasatako.The Pali Atthakatha in Roman Book 38 page 275-279. http://84000.org/tipitaka/atthapali/read_rm.php?B=38&A=5715&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=5715&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=550 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2789 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2753 The Pali Tipitaka in Roman Character :- http://84000.org/tipitaka/read/roman_read.php?B=27&A=2753 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]