บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
labhagarahikajatakam nanummattoti idam sattha jetavane viharanto sariputtattherassa saddhiviharikam bhikkhum arabbha kathesi. Therassa kira saddhivihariko theram upasankamitva vanditva ekamantam nisinano labhuppattipatipadam me bhante kathetha kim karonto civaradinam labhi hotiti pucchi. Athassa thero avuso catuhangehi samannagatassa labhasakkaro uppajjati attano abbhantare hirottappam bhinditva samannam pahaya anummatteneva ummattena viya bhavitabbam pisunavaca vattabba natasadisena bhavitabbam vikinnavacena kutuhalena bhavitabbanti imam labhuppattipatipadam kathesi. So tam patipadam garahitva utthaya pakkanto. Thero sattharam upasankamitva Vanditva tam pavuttim acikkhi. Sattha na so sariputta bhikkhu idaneva labham garahi pubbepi garahiyevati vatva therena yacito atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto solasavassikakaleyeva tinnam vedanam attharasannanca sippanam pariyosanam patva disapamokkhacariyo hutva pancamanavakasatani sippam vacesi. Tatreko manavo silacarasampanno ekadivasam acariyam upasankamitva kathetha katham imesam sattanam labho uppajjatiti labhuppattipatipadam pucchi. Acariyo tata imesam sattanam catuhi karanehi labho uppajjatiti vatva pathamam gathamaha nanummatto napisuno nanato nakutuhalo mulhesu labhate labham esa te anusasaniti. Tattha nanummattoti na anummatto. Idam vuttam hoti yatha ummattako nama itthipurisadarake disva tesam vatthalankaradini vilumpati tato tato macchamamsapuvadini balakkarena gahetva khadati evameva yo gihibhuto ajjhattabahiddhasamutthanam hirottappam pahaya kusalakusalam aganetva nirayabhayam abhayanto lobhabhibhuto pariyadinnacitto kamesu pamatto sandhicchedadini sahasikakammani karoti pabbajitopi hirottappam pahaya kusalakusalam aganetva nirayabhayam abhayanto satthara pannattam sikkhapadam maddanto Lobhenabhibhuto pariyadinnacitto civaradimattam nissaya attano samannam vijahitva pamattova vejjakammadutakammadini karoti veludanadini nissaya jivitam kappesi ayam anummattopi ummattasadisatta ummatto nama evarupassa khippam labho uppajjati yo pana evam anummatto lajji kukkuccako esa mulhesu apanditesu purisesu labham na labhati tasma labhatthikena ummattakena viya bhavitabbanti. Napisunoti etthapi yo pana pisuno hoti asukena idam nama katanti rajakule pesunnam upasamharati so annesam yasam acchinditva attano ganhati rajanopi nam ayam amhesu sasinehoti uccatthane thapenti amaccadayopissa ayam no rajakule paribhindeyyati bhayena databbam mannanti evam etarahi pisunassa labho uppajjati yo pana apisuno so na mulhesu labham labhatiti evamattho veditabbo. Nanatoti labham uppadentena natena viya bhavitabbam. Yatha nata hirottappam pahaya naccagitavaditehi kilam katva dhanam samharanti evameva labhatthikena hirottappam bhinditva itthipurisadarakadarikanam sondasahayena viya hutva nanappakaram kelim karontena vicaritabbam yo evamanato so na mulhesu labham labhati. Nakutuhaloti kutuhalo nama vikinnavaco. Rajano hi amaccaparivuta amacce pucchanti asukatthane kira manusso marito gharam viluttam paresam dara padhamsitati suyyati kesam nukho idam kammanti. Tattha sesesu akathitesuyeva yo Utthahitva asuko ca asuko ca namati vadati ayam kutuhalo nama. Rajano tassa vacanena te purise pariyesetva nisedhetva imam nissaya no nagaram niccoram jatanti tassa mahantam yasam denti. Sesapi jana ayam no rajapurisehi puttho suyuttaduyuttam katheyyati bhayena tasseva dhanam denti. Evam kutuhalassa labho uppajjati. Yo pana akutuhalo esa na mulhesu labham labhati. Esa te anusasaniti ya esa amhakam santaka tuyham labhanusitthiti. Antevasiko acariyassa gatham sutva labham garahanto gathadvayamaha dhiratthu tam yasalabham dhanalabhanca brahmana ya vutti vinipatena adhammacariyaya va api ce pattamadaya anagaro paribbaje esava jivika seyya ya cadhammena esanati. Tattha ya vuttiti ya jivika vutti. Vinipatenati attano 1- vinipatena. Adhammacariyaya vati adhammacariyaya visamakiriyaya ca. Vadhabandhanagarahadihi attanam vinipatetva adhammanca caritva ya vutti tanca yasadhanalabhanca sabbam dhiratthu nindami garahami na me etenatthoti adhippayo. Pattamadayati bhikkhabhajanam gahetva. Anagaro paribbajeti ageho pabbajito hutva careyya na ca sappuriso kayaduccaritadivasena adhammacariyam careyya. Kimkarana. @Footnote: 1 attavinipatena. Esava jivika seyya ya cadhammena esanati ya ca esa adhammena jivikapariyesana tato esa pattahatthassa parakulesu bhikkhacariyava seyya satagunena sahassagunena sundaratarati dasseti. Evam manavo pabbajjaya gunam vannetva nikkhamitva isipabbajjam pabbajitva dhammena bhikkham pariyesanto samapattiyo nibbattetva brahmalokaparayano ahosi. Sattha imam dhammadesanam aharitva jatakam samodhanesi tada manavo labhagarahikabhikkhu ahosi acariyo pana ahamevati. Labhagarahikajatakam sattamam ----------The Pali Atthakatha in Roman Book 38 page 183-187. http://84000.org/tipitaka/atthapali/read_rm.php?B=38&A=3822&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3822&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=460 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2428 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2392 The Pali Tipitaka in Roman Character :- http://84000.org/tipitaka/read/roman_read.php?B=27&A=2392 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]